لو كنت تتفق معاي

السلام عليكم اخواني

انا بصراحه ما احب اكتب كثير ولا احب اعلق كثير

اول شي هارد لكم التعادل مع الاهلي او بالاصح مبروك علينا التعادل
خلينا نكون واقعيين اكثر ونتكلم بصراحه الاهلي كان هوا اللي مسيطر على المباراه في اكثر اوقاتها.....
ومع اني اكره اقول كدا بس الاهلي لو كان عندهم مهاجم قوي كان المباراه انتهت كثير قليل
وانا بصراحه كنت متوقع فوز الاهلي لاني اعرف فريقي في الوقت الحالي كيف مستواه.

في الاول ابو نوران لازم يرجع مو شرط انوا يلعب بس وجوده مع الفريق يطمنا ويعطي اللاعبين ثقه في نفسهم على الاقل في الوقت الحالي الين يطور مستواهم لاننا كلنا نعرف ابو نوارن لما يكون في الاحتياط دايما بيوجه اللاعبين.

ثاني شي انا كنت اشوف مواضيع كثير عن المدرب وهوا السبب ومدري ايش وكلام فاضي
عشان طلع مختار ولعب بيانو.
انا معاكم ان بيانو لاعب تعبان وكبير في السن بس يملك خبره
كلنا اتفرجنا على المباراه كم تسلل وقع فيه مختار هدي مشكلته انه ما يعرف يتمركز يعني اي مدرب يسوي مصيدة تسلل زي اللي سواها مدرب الاهلي صدقوني مختار ما رح يقدر يسوي شي لازم بينات يتكلم مع مختار بهذا الخصوص .
يعني بينات كان على حق لما خرجو و اي مدرب رح يسوي نفس اللي سواه بينات.
مدربنا والله كويس واكثر شي مهم انه عارف الفريق لانه كان يدربهم من مده ولو مره انوا لازم تغير المدرب مافي احد يقدر يطور اللاعبين زي ( كالديرون )

المهم الشي الثاني في لاعب انا بصراحه من مده نفسي الاتحاد يتعاقد معاه ممكن كثير رح يقولو لي اني خرفت وانو كبير ف السن وما ينفع اللاعب هوا
( رونالدينهو ) هذا اللاعب بصراحه مهما يطيح مستواه يبقى خطير ولاعب في الدوري البرازيلي والى الان مسوي جنان وما اعتقد انوا رح يكلف النادي كثير
لو يتعاقدو معاه 6 شهور قابله للتجديد
صدقوني احنا داخلين على ابطال اسيا و رونالدينهو مررررررره رح يفيدنا على الاقل يريح ( ليو ) شويا

وفي الاخير احنا علتنا كلها دحين من جهة باسم و شرحيلي ف لاعب ف العروبه ظهير يمين بالله تابعوه انا مضيع اسمو بس مره كويس
وبالنسبه للقلوب لازم نشوف لنا قلب كويس بفلوس المحترف اللاعب الاجنبي الاسيوي لاننا ما رح نكون محتاجين احد.
واتمنى عودة عبدالفتاح عسيري اللاعب هذا مره كويس ولازم الاتحاد يحافظ عليه
انسان مهاري ويهاجم ويدافع ويصنع وصغير في السن.
واتمنى من بينات يتكلم شويا مع جبسون ويفهموا انوا لازم تلعب لعب جماعي ويترك الانانيه
اما باقي الفريق بصراحه مو ناقصهم الا الخبره فقط ولا من جهة اللعب قالها ابو ثامر
الاتحاد لديه افضل عناصر شابه في المملكه.

واخيرا ان لما يكون عندنا ( ليو) و ( جيبسون ) و (رونالدينهو) وما نبغى محترف رابع
صدقوني الاتحاد رح يكون خرافي...



هل توافقوني ام لا..؟؟؟؟؟؟