جمهورنا بطل يحيي سامي بعد المباراه ويفوت الفرصه على الحاقدين

اولا هاردلك على الخساره الغير متوقعه مع ان الكوره كل شيء فيها معقول ومافيها شيء مستحيل وقد تلعب افضل واجمل وامثل على قول مصطفى الاغا ولكن ماتفوز وهذا اللي صار للهلال اليوم يعني سبحان الله هجمتين للخصم صادفت سرحان وعدم تركيز من دفاع ومحاور الهلال نتج عنها هدفين وفريقنا طوال المباراه حاشر الخصم في ملعبه ولكن الحظ كان ضدنا وماتوفقنا في التسجيل الا مره واحده ..كور في العارضه والقائمين واستبسال حارس ودفاع الرائد كانت سبب في اخفاق الهلال اليوم .

اللي ابغى اوصل له ياليت مانترك الفرصه للحاقدين انهم يهزون ثقتنا في الفريق ككل من مدرب واداره ولاعبين لانهم الآن احوج مايكونون لنا ويحتاج الفريق منكم كجمهور الاصطفاف معهم ضد الحملات الخبيثه الموجهه نحو زعيمنا الازرق اللي ياما بكاهم واحرمهم من البطولات والملاعب تشهد لنا .

وكما يعرف الجميع الدوري رح يتوقف والهلال في المركز الثاني وفريق المطافيق لاول مره من عشرات السنين يكون في الصداره بفارق نقطه واحده فقط واكيد الشيء هذا بالنسبه لهم بطوله فياليت للمره الثانيه ماننساق وراء احتفالاتهم وصخبهم وجنانهم فهم معذورون المهم من يضحك اخيرا يضحك كثيرا ..اتمنى من الجمهور مايحقق رغبة الحاقدين بالمطالبات بالاستغناء عن فلان واحضار علان لان الهلال ماشي صح واموره تمام واخطاء الفريق ان شاء الله بتكون فترة التوقف فرصه لابو عبدالله لتعديلها يعني عليكم الهدوء والثقه بفريقكم ومؤازرته وانا متأكد بأذن الله ان الفريق هذا بيحقق الآمال والطموحات فقط يحتاج منكم الصبر والمؤازره.

اللي لفت نظري بعد نهاية المباراه تحية الجمهور للفريق عامه وسامي الجابر خصوصا لانهم قدموا كل شيء في المباراه خاصة الشوط الثاني ولكن الله عز وجل كتبها للرائد ...احسنتم ياجمهور الهلال فقد فوتم الفرصه عليهم كانوا يتوقعون منكم مهاجمة الفريق والصراخ عليهم خاصة على سامي ولكنكم خيبتم آمالهم فلكم منا كل الشكر وفالكم ان شاء الله البطولات.