الخساره وارده .. لكن ...!

السلام عليكم

هاردلكم يازعماء , والحمدلله على كل حال
الخساره وارده مهما كانت قوة فريقك وتوقعاتنا قبل المباراه أنها بتكون مباراه سهله وبنخلصها
من الشوط الأول لكن قدر الله وماشاء فعل .
الهلال هجوميا مثل ماشفنا قوي جدا لكن كم كوره بالعارضه مع إبداع الكسار منعتنا من التسجيل
لكن المشكله هي في خط الدفاع وهالمشكله موجوده من بداية الدوري لكن مع الفوز محد يبيك تتكلم !!

هدف الرائد الأول فيه من هدف الإتحاد الأول وفيه من هدف الإتحاد الثاني
فجوه بين الظهير والسنتر يشاركهم بهالفجوه المحور ,

كوره تنلعب بين الظهير والسنتر تسبب خلل بالدفاع , والمحاور بالهجمات المرتده مانشوف لهم أي دور
لأنهم وبكل بساطه بطيئين وخير دليل الهدف الثاني يتمشى لحاله !


من وجهة نظري أن السرعه في الأطراف لابد تكون موجوده عشان تساند بالهجمات المرتده على فريقك
العابد وسالم أو عزوز لابد يكونون موجودين وطبعا نيفيز لابد من وجوده لذلك التشكيله المناسبه هي 4-5-1


لو استمرت 4-4-2 بنخسر نقاط مهمه لأن بهالتكتيك بيكون نيفيز والشلهوب أجنحه ومابينفعونك دفاعيا أبدا !



بالنهايه مابيبهذلنا الا الدفاع , لو أنظبط الدفاع بتكون الأمور طيبه بإذن الله