مو عارفين للقطاوه؟؟ اتمنى اني فدتكم

السلام عليكم ورحمه الله وبركاته
شلونكم يحلوين
وانا افتر بالقسم حححييييييل فيبنات مو عارفين حرام للقطاوه وحبيت اساعدكم وان شاء الله اقدر افيد ولو بالقليل
بنات القطوه تحتاج رعايه واهتمااااااام وصدقيني كثرماتعطينها راح تعطيج وكثر ما تحبينها بتحبج نفس الاطفال بالضبط
فاول شي ياليت تخافون الله فيهم في ناس حيل معذبينهم وهذه نفس نتحاسب عليها ولا مخلينها بايدين الصغار وتعالو شوفو شلون متفننين بالتعذيب ..فهذه نقطه بس حبيت انبهكم عليها لان القطوه اذا تعذبت وما ارتاحت بالمكان اللي تعيش فيه راح تصير متوحشه

اولا : واهم شي الاكل **
الوجبه الرئيسيه كل ساعتين افضل
اكلهم لو يكوناكل بيت حيييييل احسن لهم وافضل وانظف ( دجاج مفيوح مع ملح خفيف عشان الطعم بس مو حيل يكونمالح ولا مالغ بالمره / لحم / سمج / تونه ) واهم شي الاكل لازم يكون دافي
اما الاكل اللي تقدرون تعطونه للقطاوه بين الساعتين اذا جاعو
بطاط مفيوح تهرسونه لهم / جزر مفيوح نفس الطريقه / تلحسونهم روب / جبن بس لاتكثرون منه لانه مالح بس في قطاوه تستانس عليه وتحبه فاللي قطوتها من هالنوع شربيها ماي بعده عموما لازم بعد الاكل تشربونه شي لانها طبيعيبتعطش
فمشروباتم معروفه حليب وماي انا احطلهم حليب ازرق ومرات كرنيشن مع ماياخففه لانه ثقيل شوي بس مادري سمعت ناس يقولون كثره الكرنيشن مو زينه



السباحه والنظافه

حييل مهمه سبحيها ع الاقل كل اسبوع زين واهم شي المايمايدخل اذونها لان مو زين ووقت السباحه خللليج هاديه كثر ما تقدرين لانه اغلبهم مايحبون يسبحون لوول فكوني هاديه صبي الماي بشويش ومثل ما قلتلج لا يدخل اذونها وفيشابو مخصص للقطاوه فركي ع الخفيف وتاكدي تغسلينهعدل عشانشعرها لا يطيح


التطعيمات لازم تكونين دقيقه وما تطوفين لها موعد واحرصي بكل مره تروحين البيطري تفحصينها تتاكدين على صحتها و
تقصين اظافرها مو لازم اسبوعيا عادي بين كل فتره وفتره

تراب الحمام
وانتو بكرامه افضل اللي ينباع اكثر من تراب البحر او الشارع اوغيره
اولا لانه نظيف وحق استخدام واحد اطهر وانظف لها وعشان لا تطلع له ريحه وبكتيريا

الالعاب
القطوه تحب الالعاب خصوصا الخيوط او السيارات اللي ع الجهاز تستانس لما تلحقها والكورالصغيره بعد عموما اي شي يتحرك واهي تلحقه بتستانس او مرات حتى اصبعج ههههههه حركيه يمين ويسار بتطلع الشطانه

اختاري مكان مريح ومناسب لها حزه نومتها بتلاحظون انه القطوه تحب تنام فكل ما كان مكانها هادي بتحب البيت لو تخلين لها سرير فيه اسفنج مخصص لها وبالصيف يكون في تكيف وبالبرد دافي حتى اهي راح تصيرهاديه اما اذا خليتيها تنام بالحوش ولا باي مكان فبتصير نفس قطاوه الشوارع




التشمييييييييخ
ههههههههههههه كنت اعاني بس الحمدالله في طريقه جدا روعه اول شي عشان تتجنبين التشميخ دلعيها ولا تنرفزينها ابدا ابدا والقطو يعععععععصب لما احد يتحرش فيه صوب بطنه فديري بالج
ثانيشيفي تطعيم ظد السعر يحدده البيطري

وفي جل حيل ممتاز على طول اشتريه اذا شمختج على طوووووووول تاخذين ثلجه تحطينها ع الشمخ لين تخلص الثلجه كلها ولو تحطين ثلجتين حيل ممتاز بعد ماتشفين المكان تحطين الجل
اسمه ( كونراكت يوبس ) لونه ابيض باصفرسعره 1.900 اتوقع

ووووووووبس
اتمنى انيفدتكم وما طولت عليكم
وان شاءالله لي موضوع عن تزاوج القطط