تكفوون خواتي انا تعبانة ومحتاجة تفيدوني!

السلام عليكم كويتيات

ماشاءالله لاقوة الا بالله تبارك الرحمن ❤💚
انا حامل وتوني دشيت الثاني طبعا بعد اجهاض بغيت اموت منه ؛(

الحمدلله على كل حال

وانا مدرسة ونصاب حصصي 13 حصة يعني كل يوم 3 حصص واقفة على رجولي وحصصي الاولى يعني اوقف بالطابور واوديهم الصف واصعد الدرج وانزل 3 مرات غير اليوم اذا فيه حصتين يصكوني احتياط
ومناوبة واوقف على البنات بالفرصة الاولى انطرهم يتريقون ويخلصون وباقي اليووم متصلبة على الكرسي بموووت من ظهري اصلا من قبل لا اتزوج شاكة فيني دسك من الالم

ومدرستنا قديمة وكبييييييييييرة تعب حيييل

ودي اقدم على مجلس طبي ودام الموعد مطول ابي اخذ طبيات ماتنخصم علي من مستشفى خاص

شنو اقول للدكتور عن الطبيات وانا اخذ مثبتااات ورحمي يشد علي من قبل لا احلل

وشنو اسوي عشان ماينخصم علي من الدوام اصدقها وين والا اجيب كتاب من المدرسة انها تصدق الطبيات مو فاهمة بالضبط شنو اسوي


وانا ماعندي تقارير من المستشفى لاني كنت اراجع الطوارئ


ابي طريقة المجلس بالضبط الله يجزااها الفردوس اللي تعطيني تفاصيل عنه يعني تنصحوني وين اسوي تقاريري للمجلس الطبي ؟ وشنو اقول للجنة عشان يوافقون



تكفووون انا ضايعة