عنايتي بشعري بعد ما اتلفته بالصبغات

بسم الله الرحمن الرحيم

اليوم واخيرا بشاركم في المنتدى وراح احط لكم مستحضرات اللي استخدمها لعناية شعري بعد ما اتلفته بالصبغات...
اول شي صبغته بني غامق درجة رقم 4 وقصيت المقصف والمتشابك صراحة شعري كان لنص ظهري بس قصيته كاريه وبعدين بديت بالعناية :

http://up2.q8yat.com/uploads/images/...9989f27ead.jpg
من اليمين: شامبو لالتهاب فروة الرأس ، حبوب فيتامين اي،حبوب stress tab zinc، حمام شمع وشامبو من shine moist
طبعا شامبو لالتهابات الراس تركته من زمان لاني اكتشفت ان مشكلتي كانت جفاف فروة رأسي ، حبوب فيتامين اي استخدمها مع الحنا ، وحبوب الزنك اخذ منها حبه كل يوم ، قناع الكيراتين او الشمع مره في الأسبوع..
طبعا الفيتامين تاخذين على قدر حاجتك انا اخذت لان عندي نقص في الزنك بس اذا ما عندك مو لازم تاخذين..
يفضل تعملين تحاليل شاملة قبل ماتعتنين بشعرك مثل ما انا عملت وطلع عندي الزنك ناقص:eh_s(16):

http://up2.q8yat.com/uploads/images/...503c6280b7.jpg
هذي خلطتين توني مطلعتهم من الفريزر وصورتهم اشتريتهم من وحده كويتيه عن نفسي ناسبوني جدا اللي على اليمين افوكادو بالصبار لترطيب والثانية بالجرجير لتغذية استخدمهم بالتناوب مرتين بالاسبوع واخليهم على شعري تقريبا من 3 الى 4 ساعات او احطهم مع الحنا ملعقة من كل وحدة

http://up2.q8yat.com/uploads/images/...87687d470a.jpg
نجي للحنا هذي الحنا اللي انا استخدمها طبعا اهم شي تكون خضراء...عن نفسي امي تسويها تاخذ ورق الحنا وتغسله وتنظفه وتنشفه وبعد توديه مكان عشان ينطحن
طريقتي بالحنا اخذ كميه بما ان شعري كاريه اخذ تقريبا ملعقتين وبعدين اضيف ماء حار واخليه ينقع لمدة ساعة وبعدين اضيف الخلطتين اللي قلت عليهم مع الزبادي وكبسولة فيتامين اي وممكن بيض واخليه على راسي مدة 4 ساعات

وبكذا ياحلوات خلصت برنامجي عن نفسي نفعني كثير وتغير شعري للاحسن
انا اغسل شعري مرتين بالاسبوع واستخدم حمام الشمع مره وحدة بالاسبوع
وسلامتكم....