على وزن اليتيم اللي كتبتـه مامعـاه اخـوان
نويت اكتب مشاعر خاطر بالحيـل مليوعـي
على شأن الوحيد اللي ذنوبه مالهـا غفـران
ذكرته مانسيته لـو ذنوبـه فينـي تروعـي
رقيق احساس والألماس منه يغـار بالأثمـان
كريم في شعوره بأتجاهـي ماقطـع جوعـي
بخيل بالوصل للـي تجـرع منـة الحرمـان
تقبلت الكرم بس البخل ماهو مـن طبوعـي
قبل كانت مشاعر داخليـه ضامهـا الكتمـان
على صدفه تفجر في حشاي وتوقد شموعـي
هلا ياوردة في خاطـري ماضمًهـا البستـان
آسج احيان لكن لو ذكرتك ضاعت سنوعـي
هلا يالؤلؤ المكنون فـي المحـار يالمرجـان
هلا ياسر سجًـات الخيـال وسبـة فزوعـي
تعال اسكن وسط صدري وبدد وحشة الوجدان
اذا حسيت بالوحده تسـلا رتـب ضلوعـي
تعال اسكن بصدر ماتمتع فـي دفـأه أنسـان
سوى اللي من عرفت وحبهم بالقلب مشروعي
اي والله اسكن بصدري وانتبه للقلب والشريان
ماهو خوف عليه الا غلاكم فيـه مزروعـي
ياورد طايفـي ياجـوري مايزرعـه لبنـان
ياهتان الربيـع المختلـف بالكـم والنوعـي
لفا طيفك ولـج بمنزلـك يالغالـي التحنـان
عسى طيفك بشوفك ياشفاة الـروح متبوعـي
