المشاركة الأصلية كتبت بواسطة نشمي مقعد العتيبي
[poem=font="Simplified Arabic,5,darkblue,bold,normal" bkcolor="white" bkimage="" border="outset,8,blue" type=2 line=0 align=center use=ex num="0,blue"]
همسة غلا اوهيجنات ومواويل=وريح اقحوان وجو دار مريفه
بعد سقاه من المزون الهماليل=صادق حقوق الوسم مدري خريفه
ونار سناها مرعب ظلمة الليل=والجو هادي والسواف طريفه
مع دلة رسلان ومبهره هيل=فنجالها للراس طبه وكيفه
وفي لحظة مني وانا اراعي اسهيل=دق الرقم نواف واثره رديفه
صوت غنوج ويفتر الجسم والحيل=والقلب زادت سرعته عن رجيفه
تقول وين الناس ياشاعر الجيل=نسيتنا والا خذتك الوظيفه
والله ياشعار ساحة غرابيل=ان اتصاله والعلاقه نظيفه
خامس سنه يروح ليل ورى ليل=ونا انتظر وصل الوليف الوليفه
ودار الحديث وزان حلو التعاليل=يوم اغمد الوشاااي رمحه وسيفه
مالي جليس الا القمر والمعاميل=ومعاتبات أهل القلوب الشريفه
وزفت لنا ريضان نجد التباجيل=وغنت لها صم الجبال المنيفه[/poem]
