نقاط مهمه لكل الجماهير الاهلاويه

المدرب بيريرا مدرب عالمي وتكتيكه واضح وانا اشوف ان الاهلي احسن فريق يلعب كوره ممتهعه بس اصابة المهاجمين خزلت بيريرا بس شويه صبر عليه
الاعب الزبيدي لازم الاداره تجدد معاه من بدري قبل ما تدخل انديه اخرى وتخرب الصفقة او ترفع من الصفقة لانه لاعب صغير وليه مستقبل بس يبغاله ياخد ثقة في نفسه ويتاقلم وراح تشوفو ظهير عصري
الاعب موسيرو دايما تعلقو الشماعه عليه والله لو تحسب مين اكتر واحد يجري ويتحرك بكوره وبدون كوره هوه موسيرو لاعب تكتيكي في كل مكان تلاقيه ولياقه عاليه وانا اشوف افضل لاعب في الاهلي في مباراة سيؤل الكوري والهلال لاعب ممتاز وبعدين مو تقليل من تيسير بس تيسير اصبح لاعب مزاجي واكبر دليل العام انانيه ومزاجيه بس يضل تيسير من اهم الاعبين في الملعب ان لعب في مستواه عشان كدا لازم نصبر على موسيرو صدقوني لاعب كبير ولعيب بس اعطوه شوية وقت يتاقلم تماما
لو تبغو تلومو احد فلومو الدفاع مو موسيرو دفاع دايخ ما يعرف يحبس وبطيئ والادله كتير نعطيكم مثال بسيط هدفين الشباب في كاس خادم الحرمين من مهند عسيري 2 مو عارفين يحبسو مهاجم واحد وهدف الفتح من سلمو وغيره كتير يعني لو كنت لاعب بطيئ طيب اقرب من المهاجم والصق فيه مش العب على التسلل وهوه بعيد مني دايما جايبين لنا النكبه ولا احد يقعد يدافع 30 سنه ما اخدنا الدوري وكلو من اغلاط المدافعين واحنا تاخذنا العاطفه ونضحك على نفسنا ونقول كويسين يبدعو في مباراه ويخبصو في مباراه لازم الاداره تشوف حل مع المدافعين حتى منصور الحربي نزل مستواه
اما بالنسبه للحراسه اغلاط بسيطه ممكن تتعدل في ظل وجود حراسه ضعيفه في الدوري السعودي انا اشوف ان المعيوف ليه مستقبل بس انتو اصبرو عليه انا اشوف عنده امكانيات بس يبغاله تنبيه على الاخطاء وشوفتو في مباراة الهلال انقز انفراد وصد الفاول انا اتوقع مافي حارس في الدوري السعودي يقدر يصدها ردة فعل ممتازه بس انتو اصبرو عليه وراح يكون من افضل الحراس وخير مثال العنزي حارس النصر صبرو عليه وعلى اخطائه والان من افضل الحراس في الدوري