استفسار , الحمل اول اسبوع
مرحبا ,,
ماعرف اكتب مقدمات بدخل بالموضوع علطول :eh_s(22)::eh_s(9):
ابي اعرف شنو اعراض الحمل اول اسبوعين ..
انا الدوره اللي طافت ياتني بتاريخ 6
بقولكم شنو احس فيه ,, بس انا خايفه كل اللي احسه فيه مجرد اوهام اتوهم فيها من كثر ماقرا عن الحمل واعراضه ,,
وطبعا انا مو مجربه قبل ماعندي يهال فماادري شنو اهي الاعراض,,
اول اسبوع في البدايه جاني صداع عظيم طول الوقت صداع قوووووي مع الم في بلاعمي الم خفيف وكان خشمي كله مسدود ماقدر اتنفس في البدايه كنت طايحه ليل نهار في البروفين وقوته 800 بعدين خفت قلت انا يمكن حامل وبطلت اخذه وصرت اتحمل الصداع بقد مااقدر
والحين الحمدلله الاسبوع الثاني ماكو صداع واذا فيه خفيف ويروح ,,
ظهري كله يعووووورني علطول ظهري يعوري وصدري هم تيه فترات يعوري احس مرات ان ثقيل ويعورني مثل الالم اللي قبل الدوره
وهم يجيني الم بأسف البطن عند الخواصر يايمين يايسار واكثر شي يسار نادر يجي جهة اليمين ,, ومرات احس بألم بأسفل البطن وبألم مثل الدوره بس على خفيف مووو قوووي مثل الدوره الشهريه
وفي البدايه كنت احس بوخزات بظهري وبس مره او مرتين حسيت بوخزه بصدري بس هم مو متاكده من هالشعور يمكن اكون متوهمته لان قريت عنه
بس الم الظهر يوميا معاي والم البطن يجي ويروح وهم بقولكم على شغله اخجل منها وايد وايد اقولها الا انهي سالفة الغازات مادري هل هذا من اعراض الحمل ولالا 24 ساعات غازات حتى لو مو ماكله ولاشي واكلي نفس قبل ماتغير بس قبل ماكان معاي ,,
ولما صار لي 6 ايام مادري 7 ايام من الاسبوع الاول من كثر رحت حللت بالمستشفى وطلعت النتيجه نقيتف وقالت لي الممرضه مبجر على التحليل ,, بعد شهر حللي ,,
وانا بعدها حسيت بخووووف :( وابتدت الافكار تجي وتروح ,,
وقريت بالنت عن طريقه البول وانتو بكرمه ,, احطه بكاس شفاف وخليه فتره وسويتها وطلع لي شي ابيض مجموعه متلاصقه في بعض مثل القطن بس هم قلت هذا مو دليل كافي وشلت الموضوع من بالي قلت مابي بعدين احلل واتحطم وتطلع النتيجه سلبيه
وهذي الطريقه سويتها قبل شهرين وماطلع لي شي ابيض
وسامحوني طولت عليكم ,, بس ياليت اللي حملت و ولدت تقولي شنو كانت اعراضها عشان ابي اتأكد ,, وماخذ ادويه ولابروفين ولااحمل شي ثقيل ,,
وربي يرزق كل محروم من الذريه وكل من يتمنى الذريه يارب :eh_s(7):
