لكل أهلاوي غيور .. رجااءَ يالأهلي انسحبو من الدوري السعودي .
أنا ما أحب البدايات ملينا من التنسيق
بس انا بقول كلمة من القلب بالله يا أهلاويين باقي فيكم دم لسه ؟
بالله مامليتووو
من الظلم الي يصير على الأهلي ...... وبعدين يعني
مااحترقتوا على الاخر ؟
وبعدين ؟؟
سؤال بس أحد يجاوبني ... بس واحد يطلعلي يجاوبني
مين يرد حق الأهلي ؟
أحد يسوي شي ، معقولة الأهلي كيان مافي رجّال واحد يقدر يوقف المهزلة الي تصير للأهلي من سنيييين بسسب التحكيم ؟
ولا أحد يجيني يقولي فريقنا فيه وفيه والتحكيم شماعة
حبيبي لايضحكون عليكم الهلاليين بهذي الفكرة .
ايييييه التحكيم ضدنا حرمنا من بطولات مو بس نقطة والا 3 نقاط ، وكل سنة على هالحال تتكرر
وصارت عار على جبين كل أهلاوي قبل لاتكون عار على اللجان المسؤولة
لأن الأهلاويين ماوقفو ضد الظلم أبداً . ولاعملوا شيء أبداً . ولاتحركوا أبداً
من أيام محمد العبدالله الفيصل ( رحمه الله ) تعدي المباراة وكأن الأهلي ماتعرض لشيء .. الإعتراض يكون على شكل كلام ومجرد دقائق معدوده بعد المباراة وينتهي وضعك ..
عطني تصرف شجاع قامت به إدارة من إدارات الأهلي كردة فعل طبيعية على الظلم الي يصير للأهلي ؟؟
عطني مشجع واحد بس واااحد منكم ياجمهور الأهلي.. سوى شيء وإلا احتج قدام مقر الإتحاد السعودي والا حتى قدام مقر الأهلي !!! ويكون فعّال ..؟
كله كلاااام وتبكبك بالمنتديات والقنوات على الظلم
وهذا قال وهذا صرّح .. بس فعل ماعندك أحد .
من الآخر أنتم يا أهلاويين جُبناء .. وحدّكم التبكبك بس والإعتراض بس
وياافرحتكم لو أحد من الإعلاميين أشاد شوي بالأهلي ، وإلا وقف مع الأهلي بمره من المرات كان عملتوله حفله
خلص كأنه فرض كفايه إذا قام به البعض سقط عن الباقين .. تقعدون تكتفون باللي يعترض عنكم ويتكلم عنكم
وأنتم تتفرغون للبكاء فقط !!
ولكل شخص قرأ كلامي ووصل لهذي النقطة أنا رح أوضحلك نقطة خطيرة :
1/ في كل موسم تكون بداية الأهلي متذبذبة تقريباً ، وفي كل موسم أيضاَ مع البداية يتعرّض الأهلي لظلم كبير ، هذي مصادفه غريبة ؟!!
والي حاب يتأكد يرجع بذاكرته لبدايات الأهلي بالدوري السنوات القريبة الماضية ويتذكر كيف إن بداية الأهلي الضعيفه يرافقها ظلم تحكيمي كبير .
رح تقولي ليش طيب مالأهلي ضعيف ليش يظلموه .. أقولك ليش
لأنه في حال إعترض الأهلي سيخرج لك مجموعه لا بأس بها تقول :
فريقكم ضعيف وبدايتة ضعيفه . ونصدق ونخجل وننسى السبب الأول في إهدار النقاط وهو التحكيم وليس ضعف الأهلي وننسى إن ضعف الأهلي ( مثلاً ) لايلغِي حقه في الفوز بكثير من المباريات
وبسبب اهتزاز الأهلاويين يسلب حقهم وتُنسب الخسارة لضعفهم وليس للتحكيم !
مثال تقريبي / هذي السنة الهلال ضعيف جداً ، في مباراته أمام الإتفاق / و80 دقيقة أمام الإتحاد / وكذلك أمام الأهلي ..
لكن استفاد من التحكيم بشكل فاضح ولم يخرج أحد يقول إن الهلال فريق ضعيف ، مهزوز ، مرتبك ..
ليش لأن التحكيم غطا على خلل الفريق الهلالي / بالمقابل كان يُنسب ظلمه للأهلي لضعف الأهلي وتذبذب الأهلي ارتباكه وأخطاءه وووو
فهمتوا عليه أتمنى ترجعو تقروا النقطة الأخيره لأنها مهمه جداً
آخر شيء /
مباراتنا الجايه مع الإتحاد ..
أفهم ليش منصور وكامل وهم بمراكز الدفاع أخذوا كروت صفر ( غير مستحقة أبداً )
+ طرد مساعد مدرب الأهلي ؟!!
عارفين ليه ؟ طبعاً عارفين ليه ؟
طيب ايش عملتوووو ؟ ولاشيء ؟؟؟ يااللعار .....
احنا صارلنا عشرين سنة عارفين إن الأهلي ينظلم بالمباريات
الحين ماهو وقت معرفه وتأكد
خلاص نبي نشوف تصرف / تحرك / طريقة / أسلوب مختلف / نبي نشوف عمل ولا نريد كلااام
صرعتونا بالكلام والرغي وبالراقي وثقة الحكم السعودي وسخافات أبعد ماتكون عن دوري فايح بالفساد والعفن .. ومن هالكلمتين الي رح تعذروني عليها
أتمنى من إدارة الأهلي التهديد بالإنسحاب من الدوري السعودي لعدم حفظ حقوق الأهلي في كثير من المباريات وعلى مدى سنوات .
حتّى تقدم ضمانات بعدم تعرّض الأهلي لمثل هذه المهازل مستقبلاً .
أختكم الوايليه .
