البديه اللي تظهر بحيا الدافع طريقه سهله وباذن الله مجديه جربتها وطرحتها للاطلاع
اغنام - ابل - دواجن - طيور
السلام عليكم
حاله ظهرت عندي على عنز سنها تام
حالتها الصحيه ممتازه والحمد لله
سبق لها الولاده عندي اكثر من 4 مرات ولله الحمد وتعتبر من اساس المراح وكل مره تتاوم
طلع فيها البديه (وهي انتفاخ يخرج من حيا العنز الدافع القريب) مثل البالونه
واسباب مختلفه
اما لصغر حجم الام عند قريب الولاده وبالاخير موت
او للي جرمها طيب يخرج منها بسبب ضغط الاجنه عليها + الشحوم المتراكمه + ضغط الاكل
واللي عندي مكرمها علف وسمينه
المهم
ظهرت الحاله قبل 48 ساعه من هالموضوع
والحمد لله علىكل حال
الخطوات اللي اتخذتها
1. عزلتها الحالها من شفتها من عصر الخميس + تجويعها من وجبةالعصر (شعير + برسيم )
2. خبرت العامل يقطع عنها الشعير ويعطيها برسيم ولا يكثر
3. الماء يحط لها عادي
بعد يومين والحمد لله كلمني العامل وطمني عليها
واخبرني بان البديه دخلت من نفسها لداخل الحيا
ووضع العنز حالياً طيبه جداً ولله الحمد
واخبرت العامل يستمر على الطريقه اللي سبق
لكن (كل ثلاث ايام يعطيها شعير مره واحده )
لذلك وباختصار
اللي تظهر عنده الحاله هذي
يفعل مافعلت وباذن الله الامور بتكون طيبه
ولا بتحتاج لخياطه او غيرها
+
حاله تذكرها موسم الولاده اللي طاف
ظهرت حاله لدى والدي الله يحفظه
لصغر جرم الام (زمريه ) + ضط الاجنبه متاومه
وطلبت منه يوقف الشعير ويستمر على البرسيم لحين الولاده
والحمد لله قطعها وولدت وما بدت العنز
طرحت الموضوع لتعم الفائده والاجر لنا ولكم باذن الله
hgf]di hggd j/iv fpdh hg]htu 'vdri sigi ,fh`k hggi l[]di [vfjih ,'vpjih ggh'ghu
