( هو ) و ( ستو ) والخمسين جنيه
[align=right]واحد صاحبنا ربنا كرمه زى ما كرم كل شباب اليومين دول وأشترى تليفون محمول ..
وكعادة كل شهر أتزنق فى قرشين
قرشين يعنى فلوس بالمصري ومساري باللبنانى وبرادس بالصعيدي ههههههه
صاحبنا إتزنق في قرشين وعايز يشحن الرصيد التليفون بتاعه
أبوه حالف على امه بالطلاق إنه ما هايديلوه مليم أحمر واحد يشحن بيه
لأنه كل شهر يشحن على حساب أبوه ويضيع رصيده على الـ ...........ههههههههه
وطبعآ أنتوا عارفين الشباب بيخلصوا رصيدهم على مين ..
هما فيه غيرهم اللى مخلصين على فلوسنا قبل الجواز ومخلصين علينا وعلي صحتنا بعد الجواز !!
وأمه ما بيدها حيله هاتديله يشحن من مصروف البيت ؟!
لأ طبعآ يولع التليفون وصاحبه كمان!!!!
صاحبنا مالقاش قدامه غير ( ستو) { جدته يعنى } قرر يعمل عمليه إنتحاريه ويكلمها..
شرب شريط برشام مهدئ للأعصاب وإتشاهد ورااااااااااااااااااااااا ااااااااااااااااح
لأ لأ لأ مش مات راح عشان يكلم ستو..
هو : إزيك يا ستى
هى : بنتى .. بنتى إيه يا قليل الأدب
هو : يا ستى بقولك إززززززززززيك يا ستتتتتتتتتتتتى
هى : أه بافتكر بتقول بنتى
هو : بتفتكرى إيه !! هو أنتى حتى بتفتكرى إسمك
هى : جسمك .. ماله جسمى يا قليل الأدب
هو : يا ستى إرحمينا شويه بقي وشيلى الزلط اللى فى ودانك
هى : قدامك !؟ هو إيه اللى قدامى يا ولا
هو : يادى النيله
هى : البليله .. أه البليله حلوه والله.. دا حتى أنا نفسي في طبق بليله
هو : هو حد جاب سيرة البليله يا ناس
هى : القلقاس !؟ ماله القلقاس ما هو نعمة ربنا برضه
هو : يا ستى لا قلقاس ولا أناناس
هى : لأ لأ لأ عيب يا بنى ..عيب تجيب فى سيرة الناس
هو : يا ستى هو أنا جيبت في سيرة حد
هى : أه يوم الحد كان إمبارح بش والنبى يا بنى ما أنا فاكره النهارده إيه!!؟
يكونش النهاردة الجمعه
هو : لا يا ستى النهارده الخميس
هى : البوليس!! وعايز منك أيه البوليس إنت عملت إيه يا منيل على عينك؟
هو : يييييه بقولك إيه يا ستى نفضى ودانك كده وإسمعينى
هى : رضعينى !! أرضعك إيه ياواد أما إنك قليل الأدب صحيح
هو : يا ستى أنا إتفطمت من زمان وعايز منك خمسين جنيه سلف
هى : علف !! إنت بتربى بهايم يا واد؟؟
هو : يا ستى بقولك سلف !! سلفينى خمسين جنيه عايز أشحن التليفون
هى : كومبيليزون !! كومبيليزون إيه يا للى مش متربى
هو : يا ستى حرام عليكى إرحمينى شويه عايز خمسين جنيه سلف علشان أشحن
هى : أشتم !! وكمان عايز تشتم يا قليل الأدب
هو : بقى كده يا ستى طب ماشى !! بقولك إيه يا ستى
هى : وظيفتى .. يا بنى أنا طالعه علي المعاش من زمان
هو : رمان إنتى عايزه يا ستى تاكلى رمان
هى : بتقول إيه سمان ..هو فيه سمان دلوقتى يا بنى من بعد أنفلونزا الطيور
هو : أه العبور !! أه ده كان سنة تلاته وسبعين
هى : سامعين ؟؟ سامعين إيه خير الله إما إجعله خير هو فيه حاجه
هو : بتقولي ايه ..عايزة قهوة سادة
هى : عياده ..عايز تودينى العيادة ليه يا بنى هو أنا عيانه
هو : صقعانه.. صفعانه ليه بس يا ستى دا حتى الجو حر
هى :كفالله الشر !! شر إيه يا بنى اللى بتقول عليه ده
هو : بقولك إحنا على البر
هى : أه يابنى منا عارفه الخروف ليه فرو .. وبيبقي كمان تخين
هو : أه إبنك حسين !!..ماله إبنك حسين
هى : بتقول إيه عايز خمسين
هو : إيه أسفين ..أسفين على إيه!!
هى : عايز خمسين جنيه!! طب مش تقول كده من الأول هو أنت مكسوف منى
هو : ياااااااااااااااااااااااه أخيرآ يا ستى ..هاتى بقى
هى : أجيب إيه ؟
هو : هاتى الخمسين جنيه !!
هى : تحسين بيه .. تحسين بيه مين يا واد
هو : يالاهوووووووووووووووووووو ووووى[/align]
**************************
المأسوف علي شبابه دلوقتى في
مستشفى المتاهة للأمراض النفسيه والعصبيه
غرفه رقم 11 بالدور الثالث
تليفون محمول رقم
( عفوآ هذا الرقم غير موجود بالخدمه برجاء التأكد من الرقم المطلوب )
تيت تيت تيت تيت
