أفضل مزيل مكياج و منظف جربته من Bioderma
مثل ما انتو شايفين خلصت علبتين منه و اثنين احجام السفر
(واحد خلصته و رميته في دبي).
حبيته كثير لانه ينظف مكياج العيون و الوجه بنفس القوة..
بالنسبة لي كان التوب منتج لانكوم بس مشكلته الحجم يخلص بسرعة و العبوة غير عملية تنكب كثير..
كمان لانكوم كان يترك طبقة زيت على العيون (للترطيب) هو شي جيد للبشرة بس انا ما احب هالاحساس، احب لمن اشيل المكياج احس وجهي نظيف و فريش مو مزيت..
عموما هذا رأيي و اللي يتناسب مع طبيعة بشرتي لان مزيل مكياج لانكوم محبوب البنات ههههه
يمكن ارجع له اذا زهقت من هذا..
فاستبدلته بهذا و ابدن غير ندمانه..
نرجع لمنتجنا الجميل اللطيف..
هو منظف و مزيل مكياج للبشرة الحساسة، يعتبر طبي، و لا يحتاج تغسلين الوجه بعده بمويه استخدمي المرطب على طول..
بس انا احب اغسل بالموية بعد، الا اذا كنت تعبااانه فيني نوم ما اغسل و ارطب ع السريع و انام..
حلاوته انه ينظف المكياج بسرعة، كمان يشيل الماسكرا ضد الماء و حتى صمغ الرموش يطيح بسهولة منه..
خلصت منه اربعة علب و اكيد احتاج اطير للصيدلية اجيب منه..
فيه اكثر من نوع انا ما جربت الا تبع البشرة الحساسة
متواجد في صيدلية الدواء و اغلب الصيدليات..
.
.
لا تنسوا تزورو مدونتي وتسوون لي فولو ع الانستقرام :rerrerek:
