القافلة تسير ( والمحرومان وابو الخمسات ) يطاردون بنطلون سامي + عكاز سالم + العنصريه

مع كل جوله هلاليه الا وتفاهات يتداولونها اعلاميين وجماهير وتصبح هي قضيه الاسبوع لفرق تعجز عن الهلال داخل الملعب فتلاحقه بهوامش خارج الملعب



فبعد قضيه ملابس سامي الى عكاز سالم واخير موضوع العنصريه ماهو الا محاوله حرب وتشتيت للكيان الهلالي وتونا بالجوله الرابعه واتوقع مان ينتهي الدوري الا ولديهم 26 قضيه تافهة مع كل جوله هلاليه .



ولاغرابه ان يجتمع اعلاميي الاهلي والاتحاد والنصر جميعهم باثاره قضايا الهلال بالذات

فالنصر من سنين لم ينطلق هذه الانطلاقه واخر دوري حققوه على ايام محيسن وماجد فطبيعي ان تجدهم يحشرون انفوهم بكل قضيه هلاليه كنوع من الحروب النفسيه للتأثير على مسيره الهلال وابسط دليل ( مداخلة المريسل البارحة في قناه الكأس الساعه 2 ونص فجرا بطلب ملح منه) وبالاخير كان لب موضوعه ان الهلال فاز عالاتحاد باخطاء تحكيميه ولكن فهد الروقي رد عليه الرد الذي قد يجبره النوم بدري مره اخرى !




الاهلي يقال ان اخر من حمل كاس بطولة الدوري هو العجوز امين دابو الله يطول بعمره وهم يعرفون قبل غيرهم ان اصعب عقبه لتحقيق حلمهم هو اسقاط الهلال وما هرطقه اعلامي الاهلي هذا الاسبوع بالذات و التي يستخدمها مثلا الشمراني والقرشي الا هي محاوله تشتيت للفريق وبالذات عن المواجهة السبت المقبل ولا عليهم ملام فخلال اخر سنتين كانت الرباعيات ( مخيمه بشباكهم ) ..



بالنسبة للاتحاد يختلف عن الفريقين ( المحرومين ) فهو لحد الان موجود بالساحة نسبيا ولكن ( الخمسه ) ياجماعه عامله عمايلها معهم فشي طبيعي ان ترى تمييع للخساره القاسيه باي طريقه كانت فحرب هنا وهناك وتشكيك بالحكم وبيانات ضد الكل . فهم لم يشفوا من خماسيه 2010 لحد الان الا وخمسه اخرى ( تسود ) تاريخهم ( فالخمستين بالرأس توجع )


- الرقم خمسه اصبح عقده نفسيه للاصفرين اعتقد ان الفوز عليهم بسته او سبعه اهون عليهم من الرقم خمسه

- عادل التويجري كان يلوح بالخمسه بيده اما بعد الخمسة الثانيه ( فاليد الواحده لاتكفي الحاجة ) لازم يلوح بيديه جميعها

- لو ان الدوري يحقق بالبربره والحروب خارج الملعب وبالتشكيك بكل شي لما فاز الصاعد حديثا الفتح ! تعلموا يامحرومين

- اتمنى ان لاينجرف اعلامي الهلال وجماهيره وراء هوامش المحرومين ( النصر والاهلي ) او ( ابو الخمسات ) والمعروف لايعرف

- الرد عليهم مطلوب ولكن بحدود والاهم الالتفات للفريق ومستقبله فالكلام بالماضي نقص

- الاهم من تركيز الجماهير والاعلام هو تركيز لاعبي الهلال وجهازه الاداري والفني وعزلهم وتهئيتهم للمستقبل بعيد عن القضايا الهامشيه التي تريد زعزعه الفريق