تعالوا بسرعه خلطة شد الجسم

قبل جم شهر قاعده احوس بالنت ولا اطيح على خلطة وحده تقول خدامتها الاندونسيه سوتها لمعزبتها وانشد جسمها
وهذا موضوعها

وصفة لشد الجسم من شغالتي

--------------------------------------------------------------------------------

السلام عليكم ورحمة الله وبركاته
كيفكم ياأغلى أخوات عندي وصفة أخذتها من شغالتي الأندنوسية كانت تحضرها لكفيلتها اللي كانت قبل تشتغل عندها تقول كانت سمينة مره وسوت رجيم وصار لها ترهل بعدين عملت هالخلطة وانشد جسمها خلال أسبوعين وحتى شغالتي تقول أنها أستخدمتها على بطنها وأنشد المهم قلت سويها لي وسوتها ولي اسبوعين بديت فيها واللي عجبني فيها أنها مثل الكريم وريحتها حلوه كأنك حاطه لوشن للجسم
واتركم مع الخلطة
علبة وسط كريم جلسوليد
فنجان شاي زيت لوز للبشرة
2فنجان خل تفاح طبيعي وممكن تزيدي الكمية لو حسيتي الخلطة ثقيلة حاولي تكون خفيفة شوي
نص كيلو زنجبيل تبشرينة بمبشرة الناعمة وتعصرينه حتى تطلع مويته وتحطين مويته على نار هادئة وتراقبينها حتى تثقل
وتخلطين المقادير مع بعض راح تكون مثل الكريم وتستخدونها على كامل الجسم
والله العظيم يابنات بعد هالأسبوعين انشد جسمي 70 في المئة وبعدي مستمرة واتحدى اللي تجربها وتجي بعد أسبوعين وتقول مالاحظت الفرق
ولاتنسوني من صالح دعائكم أنا وشغالتي
محبتكم
آهات مجتمع



عاد انا قلت خل اسويها شوراي جسمي يبيله شويه شد
وسويتها وصارلي اسبوع استخدمها لحد الحين مالاحظت ان جسمي شد بس لاحظت انها فتحتني شويه


بنات منو جربتها او تعرف احد جربها لا تبخلووون علي