قالت لا عاد تتصل

السلام عليكم..

اخواني.. انا اكتب شعر.. بس احتاح لمساعدات فيما يخص مسالة البحر..


فأتمنى فيمن يجد في نفسه القدرة على تصحيحي وتعليمي اكون له من الشاكرين ^_^




قالت لا عاد تتصل وانقطع عني
انتهى كل شيء وابتديت الوداعه

تحسبني باترجاها تبقى ولكني
توكلت على الله واعلنت الانقطاعه

ثم فكرت وش جاء من الخطاء مني
وش سويت انا يساوي هالفظاعة

ثم قامت افكار الهوى تمتحني
وواجهتها بكل قوتي والشجاعه

أنا عرفت الهم من صغر سني
عرفته وبالتالي تتطبعت باطباعه

اصبح الهم هو لعبتي وفني
واصبح الهم من اخواني بالرضاعه

أمشي بدنياي وما يختلف ظني
ومن يلوي ذراعي الوي ذراعه

امشي بحمد ربي بنعمتي متهني
عايش بنعمتي بحمدي والقناعه

من يشوفني مرتاح يعتقد اني
امير بكلمتي ويقالي سمعا وطاعه

ومن يعرف حالتي يمثلني
بشخص مرتاح ومنتهية اوجاعه

ما يدري ان هموم المشاكل تاوني
وما يدري اني اعاني من ناس خداعه

وما يدري اني اعاني من شخص جنني
واحد يمشي بطبع الغاب وأسباعه

شخص ضرني بدنياي وامتحني
شخص علمني العذاب بانواعه

اعطيته ما املك واصبح قطعة مني
كان حلمي أني ابقى معه ساعة

وفيت له لكنه للاسف أخذلني
باعني بسوق الهوى بيع البضاعه

(حسبي عليه الله) ودعوتي كافني
تكفيني ضده وضد كل الجماعه

بعد ما اعطيته ما املك وتملكني
وبعدما هنيته وغيرت له اطباعه

جاني جيت الآدمي للجني
جاني بوجه ممتلي بالبشاعه

وقال لي خلاص ابتعد عني
انتهى كل شيء وخلاص الوداعه

صدقني بيجي يوم وبتدورني
بتدورني بين النور وشعاعه

وبتصيح بعالي صوتك وتنتظرني
وبارد بصوتي واعلنها اشاعة

وبتصير امنيتك تشوفني وتكلمني
وساعتها انا الي بارد لك بالمياعه

ساعتها باقول لا عاد تاصلني
مع السلامة روح بدربك رجاعه

ما اقول علك مرتاح بدنيتك متهني
لا... علك عايش بالغثا والضياعه

علك تولع بشخص متجني
يعلمك اشكال الهم وانواعه

وآخر كلامي وآخر ما يجي مني
انتهى كل شيء وخلاص الوداعه

انتظر النقد البناء :)

وحـ الهاجوس ـيد

مسا الخير ابياتك وفكرتك جزله وانت ركزت على القافيه وتركت الوزن

نصيحتي لك انك تركز على القافيه والوزن وحاول في البدايه تتكتب كم بيت ماهو بلازم تتعب نفسك على الفاضي


وانت ما شاء الله اتوقع انك راح تتكتب قصايد


قالت لاتتصل بي وانقطع عني &&& الحب ماهو بغصب الحب بالطاعه


لحنها على ((( وصيتي قلبي )))) للميحد حمد
وشكرا

اخوي الشاعر محمد

اشكرك على نقدك البناء واحاول اعدلها ان شا الله وانزلها هنا بعد التعديل

شاكر لك

اخوك
وحـ الهاجوس ـيد

وحيد الهاجوس

اولا ارحب فيك.....وياهلا

برايي ان طول قصيدتك سبب واحد والثاني عدم تركيز الفكره ..مما حدا بابياتك للضعف قليلا....
وهذا عادي يحصل باول الامر......مع اي كاتب...
النص...اولا يبدأ بالفكره......يعني .مثلا حب...فراق ....تجني......لوعه.....الخ

بعدها ميولك انت وماذا تجيد من بحور الشعر.......يعني الاسهل لك......
ثم ....انها تبدأ كقصه..تتسلسل طبعا احداثه ثم تنتهي....بخير

وعندك مثال...
تحسبني باترجاها تبقى ولكني
توكلت على الله واعلنت الانقطاعه

لو جت..
لاتحسب اني على رجواك
الله أمرني على الفرقأ..


او....

وفيت له لكنه للاسف أخذلني
باعني بسوق الهوى بيع البضاعه

لوجت..
ياخساره ماعرف قدري وفي.
باعني .بالرخص ..من عقب الغلا

واكيد الجاي احلى....وياهلا

صح لسانك اخوي

وبداية جميلة


واتمنى ان تتابع قسم الشعر النبطي بغرابيل وكل ما يكتب هناك

وان تحاول اختصار قصيدتك الى ست ابيات كبداية

اشكركم اخواني على النقد..

وان شا الله اقدر اطور من نفسي بمساعدتكم :)

اخوكم
وحـ الهاجوس ـيد