متى ما تعرفيني زين اكيد انك تحبيني
[poem=font="Simplified Arabic,7,deeppink,bold,italic" bkcolor="transparent" bkimage="" border="inset,4,deeppink" type=3 line=0 align=center use=ex num="0,black"]
ليا من نامت عيونك انا كني شبعت رقاد=ابسهر بس من شانك ونامي يا نظر عيني
يا ليتك تمكنين الجرح في وسط الخفوق ازداد=تري جرحك اذا ما طالت المدة بيفنيني
تمنيتك بكت روحي تخيلتك بعد ما فاد=متى شفتك عشان اتخيلك يا كل غاليني
حبيبة قلبي اطلب منك طلبه والجواب مراد=ابي منك اذا خانتني الدنيا تراعيني
ابي منك وصل عشاق يقتل غيرة الحساد=ابي منك بليا نت باحساسك تدفيني
ابي منك انا وانتي نسطر صفحة الامجاد=ابي منك غرام(ن) ينتهي با القرب رسيني
ابي قلبك معي دايم وابي وصلك على الميعاد=ابيك بجنبي اتهنى بقربك لا تخليني
انا من ناس لاجاء ذكرهم قالوا رجال اجواد=ما اخون اللي حفظ ودي وعندي لك براهيني
انا لي سيرت(ن) بيضاء مع المداح والنقاد=مهو مدح(ن) لنفسي بس ابي منك تعرفيني
تعرفيني بعيد عن القشور ونزوة الافراد=متى ما تعرفيني زين اكيد انك تحبيني[/poem]
