كفى مجامله يا ملووووك ويا ادارة الدلال....

السلام عليكم ورحمة الله وبركاته اصدقائي ..

وهاردلك على كل الكوارث اللي حاصله في اهلينااا ..

ابسند اسباب هذه الكوارث اتمنى صوتنا يوصل للادارة ..




1- احمل كل اللي حاصل في الفريق ادارة الفريق في المقام الاول
استغرب من الرمز في اجتماعه مع الاعبين بعد عودتهم بقوله الادارة لم تقصر معكم
لا ياحبيبناا قصرتوا كثييير ...
الاهلي افتقد بطولات مهمه ومهمه ومهمه بسبب اخطاء الادارة
من ثلاث سنوات والاهلي يعاني في المهاجم البديل الممتاز خسرنا الدوري وتبعه كأس الملك واخيرا الخروج المتوقع من اسيا ...
(( استغرب من القائمين في اكاديمية الاهلي عدم بروز مهااااجم قوي وهداف )) يكون مستقبل للكرة الاهلاويه والسعوديه هل الواسطه لها دور في ذلك عندي اثباتات ان الاهلي بالواسطه ..

وازيد على ذلك يا ادارتنا واستغرب عدم الدخول في مفاوضات مع لاعبين محليين عرضوا انفسهم على النادي ووقتها جميع الصحف والمواقع الاجتماعيه اتفقوا على ان ناصر الشمراني قريب من الاهلي
لاعب هداف بقيمة ناصر الشمراني هداف الدوري 3مرات عرض نفسه على الفريق لاكن عناد وتكبر ادارتنا وعدم الدخول في مفاوضات والخوف من البلطان هذه نهايتها البلطان يأخذ من عندنا ومازال يأخذ والنصر كذلك وادارتنا مؤدبه معاهم هذا سوق قو ( ان ماكنت ذيب اكلتك الذيابه على قولتنا )
وهزازي كذلك ومن قبل مختار فلاته من ايام الوحده نادي كبير بحجم اهلينا ولديه قوة ماليه لايقارع الانديه الاخرى وجلب لاعب عليه القيمه للأسف .. تبغى اسيا بدون مهاجم وحتى الان النزيف بدا في الدوري الى متى .. وغير هذا اعطاء بيريرا كـامل الصلاحيات وعدم مناقشته في الكوارث اللي مسويها اتفق مع الرمز في حاجه وحده فقط دلالهم للاعبين الراتب في وقته وكل كل شي مهيئ للاعبين لكن مردودهم سيئ.. بعد هــذا كله يا رمــز قصرتوا ولا لا .

2- (( بيريرا )) هذا كارثه لحاله والله

بيريرا افقدنا هيبة الاهلي وقوته الهجوميه ووسطه بعد ما افتقدناها ظهرت وبانت نكبات وافلام الدفاع

استغرب من الاهلاويين هجومهم الحاد على برونو سيزار ووصفه بالمتعالي والمتكبر سؤال لكم يا ملوك هل هذا برونو الموسم الماضي طبعاااا لااا برونو صانع العاب يابيريرا وليس جناح ايمن الاعب لايلام في مردوده اول قوة افتقدناها ..

بصاص وااااه على بصاااص اللي اندمر في اليسار وهذا احد اسباب تواضع مستواه الاعبين ليس مكائن يابيريرا ..

المايسترو تيسير صارمع بيريرا التائه بوضع في المحور الدفاعي هذي كلها افقتدنا قوة اهلينااا وايضا الاستغناء عن الوحش بالومينو اللي كان ساتر للدفاع والوسط والله ما زلت اتحسر وبقووووة على مغادرته اهليناا .. جلب العادي جدا موسورو ما بقول عادي المجتهد وعلى عماها ومشتت في الوسط مو داري اش يسوي .

اللعب بمحور واحد وبطريقه متعبه جدا ارهق باخشوين وكشف الدفاع وزادت نكبات الحارس لاحظو اتحدى اي مباراة شارك فيها باخشوين 90 دقيقه كامله يلعب ليش مايلعب بمحورين ..
وما ادري محد يلاحظ كل هذي البلاوي من بيريرا ومحد يهرج معاه غررريبه ..

بيريرا اش تاريخو يا ناس بطولاتين دوري بس لا توصلوووه للقمه ما اطالب بأقالته لاكن ايضا اطالب بمحاسبتة ومناقشته يتححممل جزء كبير من اللي صاير المدرب حماسي جدا وهذا اللي عاجبني فيه بس.


3- الاعبين .. عدم محاسبتهم على تقصيرهم والدلال اللي عايشين فيه وخلفهم ملايين تنحرق قلوووبهم ومافي اي احساس بالمسؤوليه التعادل مع العروبه اسألكم بالله احد كان يتوقع ياخي حاسبهم بشده ليش التهاون هذا وتضييع الفرص السهله لا حيااااة لمن تنادي ..


4- فيكتور سموس // راح يزعلون عليه بعض الملوك لاكن هذا الواقع وهذي سنة الحياه لابد من جلب بديل لفيكتور الاعب كبير في السن وكثرت اصاباته وفقدنا بطووولاته حساااسه بعدم وجوده يا ناس بالعقل 7 شهور مصاب اصابه عضلية والنادي لم يستفد منه بالعكس هو المستفيد يستلم راتبه كامل .. نعرف حماس فيكتور وحبه لنا وحزنه على وضعه وانه محارب ومقاتل ويتمنى اسعادنا لاكن راااحت بطولات يافيكتور وخسرنا كثير تمنيت الابقاء على العمده وجلب لاعب بديل لفيكتور ...


اتمنى من الادارة العمل من الان وتصحيح الاخطاء اللي حاصله نفندهاا سريع ..
كل هذا في اليركاتو القادم الانتقالات الشتويه ..

1- الاستغناء عن موسورو وجلب محور دفاااعي قووي اتمنى عودة بالومينو او لاعب بنفس القيمة الفنيه ..

2- جلب بديل لفيكتور سموس /// اتمنى من الادارة بدا المفاوضات مع البرازيلي رافينيا لاعب اولسان
صغير في السن 25 سنه قدم قوية جدا مهارة قوة جسمانية ممتازه .

3- التفاوض من الان مع حارس العروبه الرويلي ..

4- جلب مهاجم محلي ممتاز ياسر القحطاني سلمان مؤشر لاعبين ممتازين .


ادري هرجي كثير يا ملوووكـ والله كل اللي قلته من حرقه في قلبي وقهر للحاااصل
اتمنى تعذروني على الاطاله ... ياااااااااارب نشوف اهلينااا غير من المباراة القادمه امام النهضه بالتوفيق يارب ..