يا للي تطالع وكنك ما تطالعني
نظرتك هذي حبيبي لا تكررها
صحيح شاطر ولكن صعب تخدعني
أنا على الطاير افهمها واطيرها
أنا مزاجي واطيع اللي يطاوعني
ان كان لي خلق أمررها أمررها
اسمع كلامي إذا ودك تولعني
سعادتي خلها همك ودورها
ابنصحك قوم خل عنادك وطعني
وتعال نطوي الليالي ونتذكرها
وسمعني اللي كتبته فيك سمعني
والكلمة اللي تشكل معك غيرها
بلسانك الشعر لو تكسر يمتعني
كسر يا بخت البيوت اللي تكسرها
