دعمنا للفريق والمدرب والاداره ما راح توقفه اي خساره

بسم الله الرحمن الرحيم
اول مشاركة لي
حبيت اتكلم بخصوص الفريق والإداره
اول شي الفريق وكل شايف بيقدم مستويات ممتازه ورغم هزيمة الاتحاد من الهلال بخماسيه ثقيله الا ان الاتحاد كان الافضل في شوطي المباراه والكل حط الغلط في المدرب واللاعبين وانا اشوف المدرب من افضل المدربين واللاعبين ما قصروا لا تنسوا ان المحترفين دي ثاني مباراه لهم يعني لسى مافي تجانس كبير مع اللاعبين عكس محترفين الهلال منهم 2 هرماش و نيفز لعبوا مع الهلال سنوات واللي خدم الهلال اللياقه فرقت في اخر 10 دقايق والكل عارف كيف كان اعداد الاتحاد بالعكس المفروض مننا كجمهور نوقف ونساند اللاعبين والمدرب وصدقوني راح يكون الاتحاد غير بس مانبي احباط للاعبين والمدرب بينات ممتاز وفكره كبير بس يحتاج لمساعده مننا كجمهور .
اما بخصوص الإداره بصراحه انا كنت من المعارضين لها بس الحين انا مع الاداره لان في الوقت الراهن مافي شخص يقدر يكون رئيس للاتحاد والاداره بكل صراحه بتشتغل ويكفي المحترفين والكل شايف من افضل المحترفين والكل شاهد لجنه الاحتراف كيفظلمت الاتحاد ووقفت ضده بعد الفضايح اللي طلعت والمستندات اللي تعطي الاتحاد الحق في تسجيل اللاعبين لكن لجنه الاحتراف للاسف كانت ضد الاتحاد والحمدلله ربي كشف الحقيقة المهم خلاص وقفنا ضد الاداره كثير وللاسف الاداره بتشتغل وتتحملنا كجمهور المفروض الحين مننا كجمهور نوقف مع الاداره ونساندها لان بجد لو وقفنا معاها راح تقدم كل اللي عندها لكن احنا انجرفنا وراء الاعلام وراء بعض الاقلام اللي للاسف كانت محسوبه على الاتحاد وكلنا شفنا قضيه بينات والسياره ومين اللي بلغ طبعا عضوا الشرف سمير المحضر مالك السياره فكروا فيها ليه سوا كدا ترا الاداره همها الكيان قبل اي شي اتمنى مننا كجمهور ندعم الاداره واللاعبين والمدرب لان بجد ماينفع الاحتقان اللي ساير بين الجمهور والاداره ادري بيطلع كم شخص ويقول انت من المطبلين ومدري ايش طيب اعطونا حل يخلي كل هالمشاكل تنتهي لكن للاسف مافي والحل الوحيد انه نكون يد بيد مع الاداره والمدرب واللاعبين وصدقوني راح نشوف فريق الاتحاد اللي كلنا عارفين مافي احد يقدر يهزه خلونا هالموسم نوقف مع الاداره وندعمها ونشوف هل الاداره راح تقدر تطلع بالفريق الى بر الامان او لا والموسم الجاي الاداره بنفسها تحدد وضعها في الاستمرار .. مجرد رائي لان بجد والله تعبنا من هالاختلافات بين الاداره والجمهور واللاعبين .