الهزيمه وصارت ومعد ينفع الكلام .. الحل ؟

الحمدلله على كل حال ع الهزيمه وانشاء الله تكون بداية الصحوه لنمورنا

كلامي اللي حقولو لعقلاء الاتحاد ..

اول شي بنتكلم ع المباراه بخيرها او بشرها راح يضيع الدوري علينا ولساعنا ف بدايتو لانو خلاص ثلاث نقاط وطارت والحمدلله

الشي التاني اتمنى من ادارة الاتحاد تبدأ ببعض التغيرات الفنيه منصور شراحيلي مايلعب نهائي والاستغناء عن خدمات بيانو لانو واضح انو ماراح يخدم الاتحاد واحضار لاعب بديل في منطقة العمق الدفاعي بديل ل احمد عسيري واتمنى مشاركة عبد المطلب الطريدي لانو الشوارع اللي حصلت في ناحية شراحيلي ماشفناها مع الطريدي وغير كدا النزعه الهجوميه للطريدي والأوفرات جدا ممتازه واكبر دليل عرضيته الاخيره امام الفتح اللي سجل منها الفريدي بالمسطره اعطاه هيا

الشيء الثاني رفع المعدل اللياقي للاعبين سواء اجانب او محليين لانو مثل مالاحظنا اليوم اللياقه كانت شربه

الشيء الثالث تسريح مبروك زايد لانو اتوقع انو يتحمل جزء كبير بالاهداف اللي حصلت اليوم ماشفنا منه اي قتاليه او اصرار لرد الهجمات الهلاليه والتعاقد مع حارس تاني لاكمال طاقم الحراس واعادة فواز اساسي

الشيء الرابع والأخير فهد المولد اللاعب هذا لازم يشتغل على نفسه كثير ولازم المدرب ينتبه عليه لانو السرعه ماهي كل شي ف عالم الكره اتمنى انو يحول سرعة هذا اللاعب لمجهود ايجابي داخل الملعب او انو يجنب ف دكة البدلاء ويستعين به ف الشوط التاني لإرهاق الخصم بسرعته ع اقل تقدير


اتمنى انو كلامي مايزعل احد واتمنى انو ادارة النادي تتصرف طالما انو الدوري لسا بدري عليه

وشكرا