مقتطفات أهلاوية ~ اما انت يا فيكتور !!
بسم الله الرحمن الرحيم ،،
اولاً :
الحمدالله على كُل حال ، والكل كان متوقع الهزيمه بشكل قوية ..
لكن حمدالله هزيمه مُرضيه الى حد ما ..
اشكر لاعبين الاهلي اليوم ، رغم الهزيمه إلا انهم ماقصرو ، كان ادائهم مقنع ،
ولو كان هناك مهاجم صريح في الاهلي يعتمد عليه اعتقد كان الامور تغيرت ..
لكن حسبي الله على من كان السبب .
بتكلم عن نقاط معينه ،
1- تعاقدات الاهلي
2- مباراة العروبة " فيكتور "
3- دوري جميل
/
اول شي : تعاقدات الاهلي ،
للاسف دائماً السمسرة في الاهلي هي الي تكون مسيطره على اجانب الاهلي
كُل مدرب يجي للاهلي ، يجيب معاه مجموعه من اللاعبين يتقاسم معاهم العمولة ،،
اما التعاقدات المحلية والله لم ياخذ منها الا النطيحه والمترديه ،،
في مشكلة بالاهلي في استقطابات اللاعبين لا اعلم من هو المسؤول لان تعاقدات الاهلي مصيبه جدا لا اعلم كيف يستقطب اللاعبين وبأي منظار ينظر اليهم ؟
سوك فاشل جدا ليه الاهلي ما يلغي العقد معاه ، ليه ننتظر ونصبر على شي منتهي ، كلنا نعرف ان اللاعبين الكوريين سيئين جدا في الدوري السعوديه ولم ياتي كوري وسم اسمه على الملاعب السعوديه كلهم فشل في فشل ؟
يونس محمود اتمنى له التوفيق للاهلي لكن بصراحه " لاعب معتزل من 4 شهور " ماذا تتوقع ان يقدم لذلك لن اعاتبه ولن اقول شيء سانتظر الايام تظهر ما تخفيه ؟
موسور هل نحن بحاجة الي لاعب مثل موسور اعتقد ابناء الاهلي هم احق باللعب واخذ مكانه فهو لاعب متواضع جدا لا ادري لماذا كانت كل هذه التوصيات عليه .؟
خلاصة للنقطه : اليوم الاهلي ذكرني بايام اليكس بدون هجوم ، ولا كاننا استفدنا الشيء من المرحله التجهزييه والله ادارة الاهلي قصرت جدا في تكوين الاهلي لاسيا خاصه في اختيار اللاعبين .
/
ثاني شي : مباراة العروبة
عنوان الصحف " بيريرا يجهز فيكتور لسيؤول " اها طيب وبعدين وضاعت نقطتين وضاع اسيا ؟
تعتقدون لو لعب فيكتور 10 دقايق من مباراة العروبة وكان يتمرن مع اللاعبين كان الامور وضحت من حينها ،،
فيكتور " يلعب باحاسيس جمهور الاهلي يعرفهم جمهور عاطفيين "
ممكن كل واحد يقول لي فيكتور كم له مصاب ؟ يطلع من اصابه يدخل في اصابه ؟
هل هجوم الاهلي هو فيكتور ، هل المهاجمين لم يبقى منهم سوا فيكتور ؟
ياخي لو كان اصابة فيكتور رباط صليبي لانتهى الموضوع ، كفاية انتظار لفيكتور ، وكانه شيفشينكو ولا ماردونا ..
خلاصة للنقطه : اذا ادارة الاهلي لم تتخذ موقف ضد فيكتور مثل ما اتخذت موقف ضد عماد فهي ادارة عاطفيه ولا تحمل اي مفهوم احترافي للكرة .
/
ثالث شي : دوري جميل
اعتقد ان الاهلي خلاص ، اسيا السنه القادمه مافيه ، امامنا فقط الدوري ، وفي الحقيقه لست متفائل ما دام الامور ستبقى على ماهي عليه خاصه في اجانب الاهلي ،
إن استمرت ادارة الاهلي عاطفيه مثل جمهور الاهلي وتبقى على فيكتور وسوك وموسور من اجل عدم خسارة الاموال او من اجل علاقه اللاعب مع الاهلي وجمهورهـ فلن يتغير شيء سيكون الاهلي مثل العام .
خلاصة للنقطه : المرحله الجايه مهمه امامنا مبارتيين مع الهلال والاتحاد ،راح تبين اشياء كثيرهـ ، الله يستر ، واتمنى نسمع اخبار جريئه وقوية من ادارة الاهلي .
/
شكرا للجميع ..
