(( خـالـدسـهـم)) هذا سوق المقاصيص او سوق المجانين او سوق المجرمين تعال بقولك شي.!!
السلام عليكم يا الربع عساكم طيبين والصحه اهم شي
مادام صحتك بخير الباقي يهون
من زمان ماكتبت في منتديات الاسهم من رمضان ايام المؤشر فوق 10 الاف
الا موضوع واحد بس
مع ان لي اكثر من سنتين قبل انهيار مايو وانا اكتب بستمرار
الي خلاني اوقف اتوقع ان ((العنوان يكفي))
المهم ::
كيف حالكم مع السوق ..!!
(( السوال هذا صعب على بعض الناس انا عارف ))
الحال مهب مثل اول وانا معكم في هذا السوق الي ماله خاتمه
متضرر في بعض الشركات
بس نقول مالك الا الصبر اوتسكر الشاشه وبعد الربع الاول من السنه المالية الجديده
باذن الله فيه اشياء كثيره راح تكون ايجابيه في السوق وكثير من المحللين والخبراء في
البورصه متفائلين بهذا الشي بعد الربع الاول راح يكون السوق ايجابي..
او التعديل في الكمية الي تملكها من اسهم
او تبديلها بشركة ثانيه تكون عليها محفزات او توصية قوية
او البيع اذا كان خسارتك مهب قويه والشراء من تحت
والمضاربه في السوق بطريقه حذره مع استخدام
((وقف الخساره أي نزول اكثر من 1% بيع والشراء عند نقاط الدعم))
بالنسبه لنقاط الدعم والمقاومه موجود في معظم المنتديات هذا البرنامج
مجرد انك تكتب سعر الاغلاق ويعطيك نقاطة الدعم والمقامه
وموجود هذا البرنامج ايضا في حاسبة الاسهم
حمل الحاسبه من هذا الرابط
http://www.maccah.com/sc2/
الي رجعني للكتابه اسعار السوق اصبحت شبه المجاني
لكن الخوف موجود ماطلع من قلوب الناس
لو تشوف المؤشر ايام 5 الاف و 6 الاف اسعار الشركات شبه الاسعار الحالية وبعض الشركات اعلى من كذا ....
هذا وبعد فيه شركات نزلت اكتتاب وصارت لها تاثير في المؤشر يعني زاد الثقل فوق هذا
وغير المنح الي عطتها سابك وغير من الشركات والبنوك ........ الخ .
هذا يدل على ان الوضع الي انا فيه مجرد ايام قليله والسوق باذن الله يتعافى
وانا مارجعت للكتابه الا وانا شبه واثق بهذا الشي
لو نزل المؤشر تحت 7 الاف ماراح يكون الا بضغط على بنوك مدة كم يوم
وبعدها ينتهي كل شي
كثير من الاشخاص الي لهم مده بسيطه في التحليل يقولون
لو كسر المؤشر 7200 راح نشوف 5400
اتوقع الكلام هذا شوي صعب
وثقيل مررررره سوقنا تنزل شركات تحت سعر الاكتتاب وخاصة قياديه مثل الكهرب .!!
تنزل خشاش ايه بس قيادي شوي صعب هذا البحري مهب قيادي ولا خشاش وثابت !!!
النهاية اقول لكم وهذا كلام مجرد وجهة نظر فقط
مالها علاقة في أي توصية اوغيره
اقول ان الاسبوع هذا واتوقع اخر الاسبوع يكون الشركات وصلت اخر حد نزول
والارتداد ان شاءالله نهاية هذا الاسبوع
اخوكم / خالدسهم
Khalid-dreesksa hotmail com
مع تحياتي لكم
