شعر )) عيى زمانى لايجيني على الكيف ((

ودي ولا أدري كيــــف تحقيــق ودّي
عيــى زمانى لايجينــي على الكيـف


لقيت من وقتـــي عنــــاد وتحــــدّي
يمـــرني عمــري مثل عابر الطيـف


يـامــا تمنيـت أن الـدقــايـق تـهـــدّي
ويــاما تمنيـت الشتــــا ينقلب صيـف


ظلـم الليــالى مــع نصيـب متــردّي
تجمعـوا وأصبحت أنا عنـدهم ضيف


غــديت تــايه دمعتــي فــوق خـدّي
دمعـــة يتيـم ملـوّعتــه الصـوآديـف


فصّلت من خــآم الشقـا ثـوب قـدّي
وكسيـت نفسـي بالعنـا والتحاسيـف


لقيـت من حبيـت عنـــي يصـــــدّي
والسـالفـه طـالت ورآحت سوآليـف


قلبــي ومحبـوبي مع الوقت ضــدّي
يهــون قلبــي عنـد صــدّ المـوآليـف


يانفــس لأيـام الجفـــاف أستعـــدّي
مـوتي قهـر وألا على ضـربة السيف

منقول