اشوف اغلب البنات لما يشمون علي عطر يسألوني الله شهالريحه
اعطيهم اسم البيرفيوم بعدها بفتره اتي تقولي تصدقين شريته موحلو
بس ليش لما اشمه عليج حلو
طبعآ بغض النظر عن الهرمون اللي يفرزه الجسم لان العطر مايطيح على اي جسم في بنات هرمونهم يتوالم مع العطر فيكون حده وااو
وفي بنات العكس ف لما ترش العطر نفسه يطلع سيئ والسبه هرمونها
ني حق النقطه الأهم
حاطه العطر بدرج السياره
تدرين ان العطر اذا حاشته شمس او كان في مكان حار يفسد
ويخترب وماله اي قيمه ساعتها لو تقطينه وايد ابرك من انج ترشينه وتخنقين الناس بعطر مخترب
حرارة الشمس القويه تسبب إنفجار العطر بالسياره
وهذا حق سلامتج لاتخلين اي عطر بالسياره لساعات طويله هذا زجاج ان انفجر لاسمح الله وانتى بالسياره ممكن يحدث مالا تحمد عقباه من اصابات وعاهات في العين
لاتقلدين البنات وشوفي شنو اللي يمشي مع هرمون جسمج
العطر اللي حبيتيه على رفيجتج عادي اشتريه بس اذا شفتي لما ترشينه مو حلو مثل ماشميتيه عليها لا تردين تشترينه وهالكلام حق نفسج وشوفي انتى شنو العطر اللي صج كل ما ترشينه الناس تستخف وهذا دلاله على ان هرمون جسمج ضابط مع العطر
مومتسبحه ومعرقه وراشه عطر
هاذي مصيبه لان راح تنثر عبير سام ومنفر يخلي الكل يقولها شوي واكلمج وينحاش
يا ماما العطر ماينرش الا على نظافه تامه مو جسم مالح من العرق
النظافه من الداخل قبل الخارج ودليل نظافتج مو بالعطر بريحة جسمج من داخل وهالشي راح يكتشفه الزوج فيج ومصيبه ان كان العطر ترقيعه لرائحه كريهه ثابته بالجسم لإن هالشي راح يسبب نفور زوجي قوي يعيق حتى الممارسه الزوجيه وتخليه يبحث بالخارج عن مرأه نظيفه من داخلها قبل خارجها
رائحة المهبل الكريهه كانت سبب طلاقها
وحده كانت تعاني من رائحة المهبل الكريهه اللي على قولة الرياييل فار ميت او سمج زفر
وكانت بكل جماع زوجي تغرق عمرها بهالعطور ودهون العود
لاكن اللي ما افطنت له ان المهبل ساعة الجماع يفرز شهوه واشياء كثيره وكانت الريحه تطلع وتفوح مع كل ممارسه وتخنق زوجها وتخليه بس يبي ينهي هالشي بسرعه من ريحتها القتاله
وكان على بالها ان العطر يرقع هالامور وان الريال مايشم وخشمه مصكر اللي بوصله العطر مو حل العطر شي تكميلي لإبراز النظافه
ولتقبل من هم حولج وجاذبيتهم لج بسحر هالعطر
وعمر العطر ماينحط على خيسه
انتى من صجج دهن عود بعز الصيف
وهذا الأمر
دهن العود قوي يبيله جو بارد جدآ عشان يعطيج الفخامه المطلوبه
بس لما ينحط بعز الصيف راح يخنق ويتحول الى ريحة عجايز
نصيحتي الأخيره لكل متزوجه فقط
ترى الازواج يختنقون من دهون العود خصوصآ ساعة الجماع
وبهالطريقه تحسسينه كأن يعاشر وحده كبيره بالسن
حطيله عطورات جسم خفيفه ترى الريال تغريه ريحة الجسم نفسها لما تكون متسبحه عدل ويادوب راشه بودي سبراي رشه رشتين فقط راح ريصير مينون بس تحطين كل اللي بالسوق على جسمج راح يتعب نفسيآ ترى خليه يشم ريحة جسمج النظيفه
السلام ختام وآتمنى آكون أفدتكم بنصايحي
