-
يــا يــمـــه
يـــايمه أصل الجروح منك تنهال
================= يايمه ترى الـبـال مـعـك طـويــل
يايمه ارجوك ابـي الكره ينشـال
================= كــلام الأهــل صــار لـي كـفيـــل
يــايمه مايهـون النفـس تـحتال
================= ولا امـسـي مـن بـعـد حـبـك عليـل
يــايمه شفـة العذاب منك اشكال
================= اما تداويني والا اتركي جرحي يسيل
يــايمه خـلاص ابـي راحـة البال
================= والا الهجر مادام الحال ماله بديل
اصـبـر عـلـى كلمـه منك تنقـال
=========== ====== واشيلها بقلبي وقلبي للهم يشيــل
&&&&&&&&&&&&&&&&&
كتبت هالقصيده من زمان ..
وانا مااكتب قصايد كثير مااعرف الاوزان بالحيل
والظاهر ان هالقصيده ماهي موزونه والي يوزنها انا له شاكر:اموه:
ولا تسالوني ليه كتبتها :(
تحياتي لكم
-
رووووووووووووعه
اصدق القصائد التي تكتب بالأم
كلمات حزينه ابداع صح لسانك
وسلمت يمناك
تحياتي لك
-
مشكووور اخي عبدالمحسن
يكفي في هذي الكلمات كلمة ( يمه )
لك مني جل التحايا
معشوقتك
-
اخي الغالي
كلمة ياااايمه تكفي عن الف قصيده
فقط كلمة ياااايمه عندما نقولها او نسمع غيرنا يقولهاااااا فهي بحد ذاااتهااااا قصيده واجمل قصيده
جميله جدااا والاجمل هو طلبك لمن يوزنها لك والخير والبركه في الموجودين انشا الله ما يقصرون
-
السلام عليكم
اخوي الغالي عبد المحسن ماأجمل الانسان حينما يكتب عن أمه تحس انه يتكلم من أعماقه
بس تبي الحق اخوي اللي فهمته من قصيدتك انك غلطان في وصفك وشلون الواحد يطلب من امه الهجر اذا ماتغير الحال
اخوي الغالي الجنه تحت اقدام الامهات اعذرني يمكن اني تعديت حدي بالكلام هذا بس الام مدرسه
الام كنز من الحنان ياااأخي مهما كان هذي أمك والكلام اللي كتبته مايلق بأم الام يكتب لها الوفاء والحب والانخضاع والوفا
على العموم اخوي الغالي صح لسانك
وانا حاولت أوزن القصيده اللي كتبتها ولحنتها لك وجت معي
وانشالله اني توفقت في تلحينها ووزنها
[poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=1 line=200% align=center use=ex length=0 char="" num="0,black" filter=""]
يايمه ليه كثر الجروح منك تنهال = انا اشهد ان بالي من يمك طويل
يايمه طالبك عسى الكره ينشال = سمعت قول الاهل والله كفيل
يــايمه ماتهون النفس تحتال = ولا امسي من غلاكي يمه عليل
يايمه شفت الجرح الوان واشكال = عسى تداويني ترى دمي يسيل
يــايمه طالبك ابي راحه البال = ولا الهجر لو مالقينا بديل
اصبر على الكلمه لاجت منك تنقال = دايم اشيل الهم وحالي نحيل
[/poet]
هـديــل الشــــــوق
-
اختي زمان الصمت
تحياتي لك
وشكرا لك
-
معشوقتك
شكرا لك
والام تستحق اكثر واكثر ولا نستطيع ان نوفيها حقها
-
اختي طيف الوله
اسعدني تشريفك وردك
وشكرا لك
-
سيدي هديل الشوق
اشكرك جزيل الشكر وفائق التقدير على وزنك للقصيده وتشرفي بردك
اخي مهما عملنا ومهما قدمنا لا نستطيع ان نوفي قدر الام ولكن تمر بالانسان ظروف الله يعلمها ومااقول الا حسبي الله ونعم الوكيل ..
وعلى قولت الناس المعنى في بطن الشاعر :(
وصدقني اشياء صارت هي الي خلتني اقولها
اشكرك جزيل الشكر والتقدير على وزنك للقصيده واظهارها بالمظهر الرائع
وشكرا لك :confused:
