وش فيه عن بياعة الحب من زود !!!
[poem=font="Simplified Arabic,7,purple,bold,italic" bkcolor="limegreen" bkimage="" border="inset,4,purple" type=2 line=0 align=center use=ex num="0,black"]
عزيل حال اللي على العيد موعود=با الوصل والواعد رجع في كلامه
محتاس باله تايه الفكر ملهود=من كثرة الهوجاس عافه منامه
بدره سرى ونجوم ليله غدن سود=ما له سبيل الا ينادم ظلامه
الليل موحش والسماء مابه رعود=يفز لا منه لمح له جهامه
صار الفضاء كنه با الالواح مسدود=عجز يميز بين شرقه وشامه
يحسب خله قمة العطف والجود=ما يدري انه يقتصد في سلامه
خلن ترك باب المواصيل مردود=وهو يعرف انك تموت بغرامه
وش فيه عن بياعة الحب من زود=لا صار ما يفرض عليك احترامه
الحب له سيره وقانون وحدود=من خلقة الدنيا ليوم القيامه
الحب ما يحتاج حراس وجنود=يحتاج تقدير وثبات وشهامه
من لا يعرف الحب ماهو بمحسود=ليته رمته امه بساعة فطامه[/poem]
