. . . ( ألوف المعجبين ) و( صباحها السكر ) للعابث مغترب !!
[align=center]مساءكم سكر :
كل عام والخير أنتم . . عيدية لها أولا وثانيا ولكم ثالثا . . اتمنى ان ترقي الى ذائقتكم :
.
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تسلم عيون ٍ للمحبة خذتني = طال الزمان . . وماتغير هواها
ياما بريحان العواطف كستني = وأهدتني ورود الغرام وشذاها
تستاهل التقدير ياما رعتني = حتى أحتواني في غلاها . . غلاها
من قبلها سود السنين أحتوتني = واليوم قلبي بالحنان أحتواها
لها الغلا كله ولوماعطتني = من الغلا شي ٍ يعوض جفاها
تزعل . . وأراضيها وياما أزعلتني = وأنا أتمنى طول عمري رضاها
باعت ( ألوف المعجبين ) وشرتني = ومجنونها . . باع الحياه وشراها
يسعد لياليها متى ماأذكرتني = و( صباحها السكر ) ويسعد مساها
ويسعد عيون ٍ كل ماناظرتني = ضاعت عيوني في ( متاهة ) حلاها
( رموشها ) ( تنهيدها ) لا افقدتني = و( تفريكة يديها ) و( عضة شفاها )
و( بسماتها ) و( دمعاتها ) لالقتني = والشيطنه . . اللي تعزز ذكاها
و( يسعد وفاها ) لوفرضنا ( نستني ) = وإن مانستني . . يسعد الله وفاها
ويسعد ليال ٍ عشتها ووحشتني = أحلى ليال العمر كانت معاها
ويسعد مكان ٍ كل ماقابلتني = شوي وإلا قام فينا أيتباهى
ويسعد ( نعومة يدها ) لالمستني = كن النعومة مااوجدت في سواها
أتووووه وأذكر خالقي يوم جتني = قدامها ضي الشموس ووراها
عجزت لأنسى كلمة ٍ أرهقتني = ( دنياي ظلما وأنت نور بسماها )
من يومها غير ( الأمل ) ماعطتني = ورسايل ٍ ماغيري أحد ٍ قراها
يسعد مساها من كثر ما أسعدتني = وكثر الغيااااااب المر . . يسعد مساها[/poem]
.
.
.
للجميع تحياتي : مغترب [/align]
