المشاركة الأصلية كتبت بواسطة النرجسيه
السلام عليكم ورحمة الله وبركاته
اقدم لكم هذه القصيده وقد نٌشرت هذه القصيده في جريدة الهدف الكويتيه ...
مـجتمعنا في بلادي مختلف غايه (أُو) وسيله
..................كل شريحه عن شريحه غير عن كل الشرايح
منهم اللي منزله دايم على روس الطويله
..................ومنهم اللي عندها أو دونها قايم وطايح
ومنهم اللي كلمته من زينها تسوى قبيله
.................ومنهم اللي بالمجالس لا هرج هرجه فضايح
ومنهم اللي لا عمل معروف ما عدّه جميله
..................ومنهم اللي يعمل المعروف ويدوّر مدايح
ومنهم اللي سيرته للناس تكساها الرذيله
................ومنهم اللي سيرته عنبر وعطر ومسك فايح
ومنهم اللي لا عشق عشقه يجي في بنت أصيله
,.................ومنهم اللي عشقهم لبنان زايرها وسايح
ومنهم اللي لا لفى صارت ليالينا ثقيله
..................ومنهم اللي لا لفى بالحال نذبح له ذبايح
ومنهم اللي له طموح ٍ عند غيره مستحيله
...................ومنهم اللي في طموحه نشر الأخبار البجايح
ومنهم اللي بالمساجد ساجد يناجي خليله
..................ومنهم اللي بالشوارع تارك ٍ فرضه ورايح
