محاوره بين نجم الحره عبدالله بن عتقان ومحمد السليس
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
محمد السليس=........
سلام تسليمة ٍ تفتح ملـف السنيـن=ونشوف صفحاتكم وتشوف صفحاتنا
الشيخ عبدالله اليومه ذبحله سميـن=ناكـل بروحاتنـا ناكـل بجياتـنـا
عبدالله بن عتقان=..........
دام البقا ياسليل العزوه الغانمين=اللي بهم دايم أنوثـق علاقاتنـا
أقلط على ماكتب ربي ومد اليمين=أنتم لكم وقت متسلين بإشماتنـا
محمد السليس=...............
يانجم ياللى طلع نجمك على الفرقدين=من صد هجماتنـا مـارد غاراتنـا
الله على الناس في تال الليالي يعين=وتقسـم ارزاقنـا بحسـاب نياتنـا
عبدالله بن عتقان=................
ماضاع حاجه مع التاليـن والأوليـن=عشرين هجماتكم مليووون هجماتنـا
تدعي وأنا ماسمعت اللي يقولون أمين=لاكـن حنـا قنتنـا فـي صلاواتنـا
محمد السليس=...............
حنا نهارالرحا في نجد يطحن طحين=اتعرف صولاتنا واتعرف جولاتنـا
وراك ماجيت في مكه مع المسلمين=وتصير راياتكم فـي حيـد رايتنـا
عبدالله بن عتقان=...................
أمجادنا سجلت في يوم بدر وحنين=والأرض تهتز يوم أتغيـر قواتنـا
ماكل من يدعون أسلامهم مؤمنين=ياكثرها نـاس تأخذنـا بغراتنـا
محمد السليس=...........
والنعم بسليم اهل وقفه وحصن حصين=نعرف وقفاتهـا و أتعـرف وقفاتنـا
لكـن تـال الليالـي ربعنـا نايميـن=وان طول سكاتهـا ماطـول سكاتنـا
عبدالله بن عتقان=................
الدرب واضح ولا فيها يسار ويمين=فزعاتكم دعمها من جنـد فزعاتنـا
ياصحابنا نظرت الأيام من ربع عين=متى تحقق مقاصدنـا وغياتنـا؟؟
محمد السليس=..............
ماشفت عبدالمعين اللى تقوله معين=عشان شرهاتكم تاصـل لشرهتنـا
من لايعصب العمامه ياولد فالجبين=ماراح يقضي لوازمنـا وحاجاتنـا [/poem]
