ولا حاسد ولا راعي ملاآآآآآمه
[poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على لبنان طيري يا حمامه=عسى ربي يردك بالسلامه
علامه فيك يا خلي وانا ادري=وفيه منك يا خلي علامه
ألا يا ليتني ما كان جيته=ولا شفت الخشيف ولا زمامه
ولا حتى عيونه في عيونه=ولا حتى تسمعت لكلامه
تذكرت الشهور اللي مضت لي=معك يا زين في ذيك العدامه
نهار اني معك من غير عاذل=ولا حاسد ولا راعي ملامه
نهار ان الهوى مآخذ حقوقه=ويوم إنا على ريشة نعامه
ونيس إتقابل الضحكه بضحكه=وتجزا الإبتسامه ب إبتسامه
وانا والله لو لا قول خايف=واذل من الجزا يوم القيامه
واخاف الناس بالدنيا تشمت=يقولون الفتى زايد هيامه
تولع بالهوى صالح وضلى=يطش الثوب ويطش العمامه
ليا قفيت قالو وش يسوي=ولا ما اقبلت قالو وش علامه
ألا يا ناس خلوني بحالي=يا دوب الجسم تمشي به عظامه
فلا شال المهند في يمينه=ولا حط المسدس في حزامه
فتى يقضي نهاره في هجوسه=ولا جا الليل ليله ما ينامه
سَقَى أللّه الريآضَ وساكنيهِ=ويسقٌي من لهُ بالخدِ شِامه
ألا من مُبلغٍ عنّا بإنّا=لنا بالمجدِ حقُ الإستقامه
فلاَ دمعت لغيرِ اللهِ عينٌ=ولا خضعت لغيرِ اللهِ هامه
الا ليت الغضي يفهم كلامي=ويعرف وش حلاله من حرامه
ليا شفته كما قالو تغلى=وفي درب الهوى يبغى زعامه
تركته قلت واجلس في مكانك=ونتمنى لكم طيب الاقامه
واذا قابل هواي بما يسره=عطيته شيح مع عود البشامه
فلو يقلون هد الضلع هده=ولو يقلون عوم البحر عامه[/poem]
