ياكثرهن مثل هالنمونه

هذا القصه قريتها من فتره تقريبا سنتين بس البطله انقرضت يعني مافيه مثلها ...


(((( انا الله يسلمكم ويحييكم يقولون اني بنت بين سته عيال ..طقتني الهموم وسي ذا الرويس وانا توني في عز شبابي .. تجيكم قصتي انا يا حصيصه يامحاسيتكم تربيت بين كومه عيال جعلهم اللي منيب قايله لا احت ولا شي .. المهم بينما انا جالستين ذيك المره من المراريت اقشم ومادتن ذي الرجل اللي كنها ماشاء الله سيخ شاورما (خخخخخخخ تف علي لا اله الا الله) واذا باخوي الكبير طابن علي ..قال بحاتسيتس( بحاكيك لبنات الهاي) في موضوع خطير .. قلت الله واكبر ياابن لادن اللي يسمعك هات هاها وش عندك .. قال شوفي تراك ياحصيصه محسوبتن علينا بنت فيذا العيله وانتي ماهناش.. ووانا اسوي استداره بهلوانيه واقضم حبتين فصفص في وجهه واقول : افا ياذا العلم.. قال اها عاد الة متى بشوفك جالستن تحت الجدارتحترين عيال الجيران يصطحون الكوره ثم تشقينها وتنطلينها في الشارع من زود النجاسه ؟؟.. الى متى وانتي نافشتن ذا الكشه تقل قطوتين طابتن في غسال موتر؟؟.. الى متى تراكظين ورا الصوارير بنعالنا وتقطعين زبيرياتنا ؟؟.. مطفوق الحكي ذا مو لك ابد ابد.. الى متا وملافظتس كنها ملافظ اكبر عربجي في الديره ؟؟.. وانا اخوتس منتيب معرسه سذا اهجدي واركدي نرانس حرمتن تااامه.. قلت اها بس بس يكفي تجريح بانوثتي يكفي ( هو مير فيه انوثه من اساسه عشان يجرحها) ظف وجهك منيب سامعه شي ..ظف خشيشته الاخ وانقلع خابر انه مافيني رجا ولا امل .. هو طلع من هنا وانا اللي اقمز من هنا للسطح اكمل ممارسه هواياتي.. اجمع ذا الحصيان وانسدح على سطح الملحق افلق عيال الشوارع والقطاوه (ليتهم ذابيني انتفض في فلسطين تسان زد حررتهم) .. التفت !! وما اشوف الا ذاك الي يطل من دريشه بيتهم يزاعق ..... وبعد برهات دريت انه يحاتسيني انا .. قلت اها عاد بس لا يكثر هرجك لا اسفك بذي الحصاة .. لا ابوك لا ابو اللي جابوك تفو عليك قال.. اممممممش تسفني انا لا انا اللي اسنعتس واسنع ابوتس وابو اللي جابوتس قلت .. هه هه هه ان تسانك ولد ابوك قابلني في براحه المسجد خل اكفففففخك ( اسلوب انثوي بحت) قجأة !!!!!! ... اسمع شي يثول لالالا ياحصيصه انتي بنت .. حصيصه لا تسير هذي ملافظك .. حصيصه انتبهي انتبهي .. قل لاءلاءلاءلاء خلاااص ارحمني (فلم هندي تحملو شوي) .. مهوب ذمبي اني عايشتن بين عيال من وين تبوني اجيب لكم انوثتن منه ؟؟ هاه علموني وانا الي ماعرفت من اخواني غير لعب الكوره والبلوت وتطعيس معهم في ربوع الثمامه؟؟؟؟؟ .. وانا اللي اذب الحصى اللي معي واعظ طرف دراعتي واقمز من سطح الملحق ( الله واكبر قرندايزر على غفله) .. والتفت الا ذبتس القطوه تاكل ظبان جايبهم لي اخوي محيميد وتقوم عندي النخوه والشهامه وانهار.. واركض لبندق اخوي وافقع مصارينها بنت الذينا اخسا عليها من قطوه تاكل اصدقائي اللي مالي الا الله ثم هم.. وهي اللي تطيح مغشين عليها من هول ماجرى وترافس وترافس وتصايح ميااااو ميو ميو . حومت تسبدي واقوم ارفسها ذيك الرفسه قلت اها عاد موتي وانتي ساكته لا تزعجينا ولا اسمع لتس حتس تفهمين والا لا ؟؟ ... واناظرها بقوه ابيها تفهم .. قويه الوجه ماسكتت.. قلت طااايب دواتس عندي .. وامسكها من ذنبها واقول بها واقول بها واصطحها عند الجيران.. وانفظ يدياتي ثمن رحت اخمد ( شغل صعايده) يوم اصبحنا والبس هديماتي واطلع مع الباب .. الا وش اشوف ؟؟!!! ...... شابون وسيمون طالعون من باب البيت الي قدامنا .. وما احس الا ذا القلب قاد يردح ..درب..درب..درب..درب والعرقان تصبببببصب..... وتلفلف زين بعبايتي لا يطلع مني شي ولا شي واقمز اركب في غماره ددسنا المصون واروح للجامعه ( راعيه تعليم ) وكل ماطلعت الصبحيه اشوف ولد جيرانا ولا هوب يم احد شايل كتبه وطاق ذا النظارات اللي يارب لك الحمد تقل بلكة وماشي بطريقه .. شابون مودبون ماشاء الله عليه لكن انا صرت افكر .. لحد متى انا بستمر لازم لازم .. مستحيل تستمرين تسذا على ذا الوضع .. اصحي اصحي لاءلاءلاء ..لازم اصير انسانه ثانيه معترف فيها من وزارة حمولتي اني انثى.. اللي كبري مخطوبه اللي معرسه.. وانا مغير ادربي ذا الدمجه وادابك ورا قطاوه وصوارير وجراذي .. وانا الي امسح دمعتي باقرب شرابن منطول على الارض وادق على نوير رفيقتي .. قلت نوير انا قررت اعتزل الفن واسير بنت صدقيه .. وشلون علميني؟؟؟ قالت ذي والله الساعه المباركه اجل لا تشيلين هم ياحصيصه.. واطير انا ونوير للسوق ونشتري ذا الكنادر السنعه شي صندل وشي كعب واشكال والوان وفساتين وتنانير وبناطيل وحركات .. وارجع لبيتنا واجلس في صالتنا متكتفه وحاطتن رجل على رجل ..( يااااااااااي مررررره ياااااااااي حبيت نفسي سذا ) .. المهم ويدخل واحدن من اخواني ثم فجاه يصد ويرجع قال احم احم ياولد تغطو.. قلت نعال نعال هذي انا حصوصه .. قال ماشاء الله حصيصه صارت حصوصه لا يجي علم .. ويخر اخوي ساجدا ويقول يارب لك الحمد اللي استجاب دعوتي في توالي الليول والله وصار لنا اخت مشا الله عاد انا استحيت ورحت وكالعاده كل يوم اضف عفشي واروح للجامعه في الددسن الفتاك المتعفط.. لكن الغريب ان ولد جارنا الاحظه بدا يقزقز مدري وش عنده ذا المحتزي .. وش يناظر نعم خير.. وذات يوم جاني اخوي قال ياحصوصتنا ولد جيراننا جاني يطلبتس مني والله هو رجالن سنافي وسنع هااااه وشقلتي!!!!!!!!!!!!!!؟؟؟؟؟؟؟؟
عاد انا قامت الخديدات تلون ازرق واصفر واخظر الين استقرت على الاحمر ومغير اكل ذا الظفور .. ثبت اللي تشوفه يخوي( وحده ماصدقت) واركض واركض من زود الحيا وانا ازلق ذيك الزلقه واتكرفس لكن يهون في سبيل العرس ومن الفرحه قمت نفظت عمري ورحت غرفتي ثلت اخيراااا.. واصبح الحلم واقع وتزوجت ولد جيراننا ونسيت الماضي الاليم وحياة المصبنه وبديت حياة جديده وعشنا في تبات ونبات وخلفنا انا وياه صبيان وبنات

وتوته توته خلصت الحتوته



((((((((((((( منقوووووووول)))))))))))))

بصراحه عقب ماخلصت قاريهااا
ناضرت شكلي بالامرايه
اكتشفت اني حول


مشكور على الحتوته

الرد الثاني محجوز لان الموضوع يبلة جلسة وفصفصة ... ولى رجعة كبر خشم عشق ليل

اخوي مصرقع


الله الله بالزبيريات

والقرويات ياكثرهم

شرقاوي


والله مخمخه عليه الين تاكدت ان احلى واهبل البنات الي من هالنمونه


بس وينهم الحين:p

بصراحة ياحسونة الموضوع يموت ضحك


بس تدرى عاد وانا ادربي راسي فيه يوم انا اقرا شابون وسيمون تدرى عاد وش جا فى بالى هل اضحكك معي؟

احسب ان البنت شايفتن ابطال من ابطال القطاوة فى فلم كرتون وجلست اعصر مخي ياربي وش اسم الفلم؟
اممممممممممممممممممممم

امممممممممممممممممممممممم مممم

المهم قلت كملي وعقبين تعرفين يارهوبة

ويوم وصلت مرة ثانية شابون مودبون

قلت في بالى وشهي شايفة؟ لايكون شابورة مغططة فى فنجال شاهي بحبق؟

المهم وابد انا فى وادي والشابورة ( الشابون قصدي) في وادي ويوم اركز عيوني وانا الى اضحك قلت الله مير يرحم حالتس ياحصيصة زين انتس عرفتى شاب انا ماعرف حتى الشاب مغير اقعد مع شيبان مثلك ياحسونة ههههههههههههههههههههههههه هههههههههههه وعلى فكرة اسم جدي عبد المحسن وهذا جدي لامي الله يخليه يارب ههههههههههههههههههههههههه ههههههههه اوه سورى قصدى الله يرحمه يارب:p

والله شكلتس يالرهيبه من نوعية حصيصه ونوير ( الي تبيع شلوخه في سوق الحمام) وش اخباره ماعاد لها شوفه من زمان عنها:p

اجل شابون فلم كرتون الظاهر انك مكثره قهوه الصبح مع زنجبيل وجالسه على فلم كرتون القطو والفار:mad:


اما جلست الشيبان والله ماتنمل خصوصا سواليفهم توسع الصدر واللي عارف جلستهم ابخص:confused:


عظم الله اجرك في جدك الله يرحمه وابي السماوه حقتي ;:confused:



تحياتي رهيبووووووه

ههههههههههههههههههههههههه هههههه ياحليلها الله يهنينيهااااااااااااااا ههههههههههههههههههههههههه ههههههههههههههههههههههه

عقبالك ياولد جيرانا:confused::eek:

عهعهعهعهعهعهعهعهعهعهعهعهع هعهعهعهعهعههه

هعهعهعهعهعهعهعههعهعهعهعهع هعهعهعهعهعهعه

هعهعهعهعهعهعهعهعهعهعهعهعه عهعهعهعهعهعهع

هعهعهعهعهعههعهععه

هعهعه

:D

بس تعبت من الضحك

لا تعليق :)

عوووووووووووووووع



لو انا قعدت مثل ماهي ابرك



<<<<< نذله


:p



صي يووو