أمي كانت تضربني و أنا راح أضرب بناتي!!! لا أحد يقول لي حراااااااام!!! (شاركوا)

بسم الله الرحمن الرحيم

السلام عليكم ورحمة الله وبركاته


كيفكم يالغاليات

هذى موضوع اعجبني ونقلته وحبيت تشاركوني برايكم



بصراحة...

أنا شخصيا أفتقد هذه الايام و خصوصا بالاجيال التالية ركضهم وراء المبادىء و وراء أساليب التربية الحديثة و و و و

و كثير يقولون "المفروض ما نضرب أطفالنا .. علشان ما يتعقدون و بعلم النفس يقولون إذا ضربتيه من هالجهه صار له كذا

و اذا قلتي له هالكلمة صار فيه رهاب أو انهبل أو صار له كذا و كذا...

أكثر شىء أفتقده هو أساليب تربية آبانا و أجدادنا لنا...

انضربنا على روسنا و انتهاوشنا و الحمد لله ما صار لنا شىء ولا انهبلنا ولا صار لنا رهاب اجتماعي!!!!!

أنا ما أقول الضرب حتى النزف!!!!!

بس فيه أساليب مره حلوووووووووه

و أتذكرها الحين أنا و خواتي و اخواني و نموووت من الضحك !!!

أنا أبوي كان قاضي و اديب بس أمي ما تعلمت بس والله طلعت من تحت يدها رجااال!!

----------------------------------

علشان كذا ودي تشاركون في الموضوع و كل واحد يذكر أسلوب معين كان أمه ولا ابوه يتبعه معاه مهما كان سخيف أو مضحك أو حتى مرعب بس يحس انه هالاسلوب تدخل في ترميم شخصيتع و هو مستعد يجربه مع أولاده!!

-------------------------------


أنا أول وحده راح أبدأ و إذا شفت تفاعل فالموضوع راح أذكر أمثلة أخرى!


أنا و ثنتين من خواتي و حنا صغار كنا دايم نتهاوش و نتلاعن وحتى الضرب و التشفيط بالمكنسة الكهرب و كل شىء...!!

و إذا سمعتنا امي.. تجي تنطلق علينا بدون ما تتفاهم معانا أو تسأل مين الغلطان و مع كل محاولاتنا المستميته في أن نشرح لها مين الي بدأ أو مين الغلطان أو أو " يمه خلاص والله ما نعودها"

تجي تتلاقطنا وحده وراء الثانيه وتلفزنا بزاوية و حنا الثلاثه كانت شعورنا طويلة نوعا ما

تجي عاد "الله يخليها لنا" و تحجرنا كلنا الثلاث بين رجلينها و تتربع و تمسكن خصلة "كبيرة نوعا ما" من شعر كل وحده فينا و تسوي جديلة وحده "مستخدمة خصلة وحده من كل شعر وحده فينا" و تربطها بشكل قوي و ترفعها براس وحده فينا بمكان ما نقدر ناصل له" و تتركنا متشابكن بشعورنا و تقول "إذا تراضيتو و تأسفتوا لبعض نادوني علشان أفك الجديلة"

و شكلنا يطلع زي "الاغبياء الثلاثة":biggrin: حالتنا ما تسر عدو ولا صديق :زعلان: .. لا و أحيانا ما نحل خلافنا بسرعة... يعني نقعد نتضارب و نتهاوش وحنا مشبكين

بس إذا حسينا بألم شدة شعورنا مع بعض ترجع كل وحده مكانها من الألم الي نحس فيه.. و من العناد أحيانا ننام و حنا متشابكين بس من العناد الي بروسنا ما نبي نتأسف!!!!!!!



انا في انتظار مشاركاتكم

منقول



تحياتي للجميع

نور

اقتباس:

---

عاد "الله يخليها لنا" و تحجرنا كلنا الثلاث بين رجلينها و تتربع و تمسكن خصلة "كبيرة نوعا ما" من شعر كل وحده فينا و تسوي جديلة وحده "مستخدمة خصلة وحده من كل شعر وحده فينا" و تربطها بشكل قوي و ترفعها براس وحده فينا بمكان ما نقدر ناصل له" و تتركنا متشابكن بشعورنا و تقول "إذا تراضيتو و تأسفتوا لبعض نادوني علشان أفك الجديلة"

و شكلنا يطلع زي "الاغبياء الثلاثة" حالتنا ما تسر عدو ولا صديق .. لا و أحيانا ما نحل خلافنا بسرعة... يعني نقعد نتضارب و نتهاوش وحنا مشبكين

---

ههههههههههههههههههههههههه ههههههههه

والله من جد طريقه حلوة .. وهذوول امهات قبل بس انا امي جديده

ماعندها هالحركات .. والحمدالله انا كبرت وماأذكر ان امي اضربتني وانا

صغيره ..

يعافيك ربي يانور عالموضوع المفيد

وتسلمين ..

تحياتي

كيبوو

موضوع رائع



تسلمي نور حياتي

كيبووو

يسلموووو على الحضور...

الله يعطيك الف عافيه...


تحياتي لكِ

حلوة طريقة امك يانور حياتي شكلي بطبقها مع بناتي
عموما انا اذكر امي طقتني مرتين بحياتي
ولايمكن انساها لانها طق يقطع القلب وخاصة انها كانت معصبة
وكلما تتذكر امي الحين تقول اه ياليتني ماطقيتك لانك ماتستاهلين والله الطق والحين امي دائما تنصحنا ان حنا مانطق اطفالنا
عموما انا مااطق اسلوبي معهم المناقشة واستخدم اسلوب الثواب والعقاب بحرمانهم من طلعة او عدم اعطائهم العابهم الكترونية
لان الضرب اسلوب عقيم جدا ... الاطفال بحاجة الى تربية من خلال المتابعة والتوجيه والمناقشة والتنبيه
والله يعينا يارب على تربيتهم

تحياتي

ريما2007

اهلا فيك وفي مرورك الراااائع..


لاكن ما نستغني عن مدخلتك..

الله يعطيك الف عافيه..


تحيتي

ماذا بعد الضرب؟؟

بنت الريف

هلا وسهلا فيك


ومشاركاتك اسعدتني كثييييييييير

لاكن حابه اوضح ان صاحبه الموضوع هي الي كتبت موقفها مع اخواتها وامها



اما انا




7
7
7
7
7
7

اخواتي خمس الله يحفضهم


كانت امي على كل سبب تضربانه انا وخواتي ..
فكان كل نطلع نروح نلعب بر البيت..
والعقاب يكون من امي عقاب شديييييييييد ..
طبعا يكون الضرب..

وانا اقول الها ويأثر في نفسي ..
انتِ ضربتيني ساظرب ابنائي..

بالفعل الي ينضرب يضرب.

والله مو بيدي انا امسك نفس عنهم بس صج ماعرف..

يالله اكبرنا ونسينه..


اتمنى يا اخوات تذكرو الموقف وتقول رايكم

في الاسلوب الانسب لعقاب الابناء

انا في انتظار ردودكن

تحياتي للجميع.

نور حياتي

اعود مرة اخرى بعد ان طارت المشاركة الاولى

انا مع التربية الحديثة الضرب ليس علاج

في قصتك مع امك قلت

((((((((((( مستخدمة خصلة وحده من كل شعر وحده فينا" و تربطها بشكل قوي و ترفعها براس وحده فينا بمكان ما نقدر ناصل له" و تتركنا متشابكن بشعورنا و تقول "إذا تراضيتو و تأسفتوا لبعض نادوني علشان أفك الجديلة" ))))))))))))))

ولكنكم
((((((((((( أحيانا ما نحل خلافنا بسرعة... يعني نقعد نتضارب و نتهاوش وحنا مشبكين )))))))))))))


والنتيجة
(((((((((( بس إذا حسينا بألم شدة شعورنا مع بعض ترجع كل وحده مكانها من الألم الي نحس فيه.. و من العناد أحيانا ننام و حنا متشابكين بس من العناد الي بروسنا ما نبي نتأسف!!!!!!! )))))))))))))

خلاص انت اعطيت الحل ما في فايدة من الضرب وربط الجدايل


لمياء الديوان

اعتقد الضرب جزء من عملية التربية لكن اطفال الوقت الحالي يختلفون عنا لن حنا بعد الضرب نتوب واطفالنا يزدادون شقاوه كانك ماتضربين يمكن لو نجرب اسلوب التحاور ينفع معهم جربوا معهم وخبروني

هههههههههههههه

انا عمري مانضربت واكيد مارح اضبرب ابائي في المستقبل

عامة

كلا وعلى حسب التربيه

تحياتي

انا في راي

يجب انا اكون احسن من امي في التربيه

لانه الضرب لا يودب با يذيد الطفل في عناد

والضرب يهز من شخصية الطفل امام اناس

تحياتي

أولا رايي في فكرة الضرب هو
مولازم الوحده تضرب على الطالع والنازل وفي كل صغيره وكبيره
عني أسلوبي هو
أعطي تحذيرات عديده لحد ما خلاااااص بنفجر تجي الضربه بس
بعد ما أمسكه بهدوء وأقوله صح أنا قلتلك
كذا وكذا
إذا قال أيوه أساله طيب أنا أيش قلتلك
بيقولي قلتيلي أنك بتضربيني
أقوله خلاص أنا حين بضربك
وعاااد تعالي فكيهم مني ياويل إلي يقرب مني
هي مره وحده في عمر الواحد
والباقين يتفرجون ويعتبرون

والثانيا
موقفي مع أمي
في بيتنا حوش طوييييييل في بدايته يكون مقسوم قسمين
أمي تطلب مني ومن أختي نكنس هذ الحوش وعشان هو حوش مستحيييل نستخدم المكنسه الكهربائيه
عشان كذا نستخدم مكنسه عااااديه يعني نجلس ونكنس وحده وحده بس قبل ما نبداء تبداء الخناقات
عشان كل وحده تبغى جه معينه لسهولتها تجي أمي تحل المشكله هذي بأن تقول أنت في البدايه خذي
القسم اليمين وفي الوسط تنعكس المسئله نرضى بالحكم <<<< شاطرين لحد هنا
لكن أختي الله يخليها لعيالها كانت تستمر ومااااترضى تعكس الدور
بعد ما تعبت في تنظيف القسم المتعب أنا عاااد ما ارضى بالظلم أقوم وأجرها من شعرها عشان تروح غصب
وبالقوة هي عوبه تجلس تصرخ وتنادي أمي
أمي موفاضيه تجي من داخل البيت عشان شوية خلافات
تمسكنا أنا وهي وتظرب كل وحده بمكنستها
تعالي شوفي شكلنا كل وحده أكله تبن وساكته
هذي أول مره أمي تظربني فيها (( بس ترى الموضوع يتكرر كل ما جينا نكنس الحوش يعني ما فاد الضرب))


رايي لازم كل الأثنين يعني مره ضربه ومره تفاهم ولازم إذ ضربتيهم تفهمينهم ليش إنضربوا

مو ضوع
جداب
حساس
بس كذابه إذا قلت ما نضربت
كل مشاكس
ينضرب
ويحرق
في اليدين
وخصوصاً

إني ولاديه
واحب
اطلع
با لدراجه

بالشارع

ومتى
تغطيت
يمكن
بالمتوسطه

تسلمي نور

لكِ ودي

إعيال اليوم ما يفيد فيهم الضرب ولا التفاهم باسهم قوي أما عني ما أذكر إنا إنطقينا أبد لأننا وش حليلنا إلا مره إنضرب أخوي لا ومن مين من الوالد الله يحفظه مع إن أبوي صراحه هيبه محد يخالفه وما عمره مد يده على أحد منا كان كلمه منه تخلينا على الخط أما سبب ضربه لأخوي أنه طلع في الشارع وهو في الإبتدائي وتأخر في الجيه لحد ما قلق أمي وأبوي وقعدوا يدورونه في الشوارع ولما لقاه أبوي وجابه للبيت ما قدر يمسك أعصابه وضربه ضربه واحده بعدها أخوي ما صار يقعد في الشارع من المدرسه للبيت للمسجد للمزرعه ويا أبوي واللحين ما شاء الله عليه رجال ينتخا به عسى الله يهدي إعيالنا وعيال المسلمين