مرثية في ابناء الشيخ عبدالرحمن السويح..........
..بسم الله الرحمن الرحيم..
(( مرثية في أبناء الشيخ عبدالرحمن السويح التي كتبها الشاعر خالد بن محمد المحفوظ))
الذين لاقاهم اجلهم في حادث مروري.................
اتركم مع القصيدة وانشاء الله تعجبكم................
7
7
7
7
7
7
الموقف اللي شل قلبي من اقصه
ثلاثة أخوان بلحظة يموتون
قدام عيني شفتهم ثم قلت: آآه
والناس وقفو اجنابهم حيل يبكون
أولاد شيخ عالي في مزاياه
الكل يشهد له على الطيب والعون
راحو حشاشة جوفه بيوم مقساه
تالي نهار الإربعاء قبل يمسون
عبدالله أكبرهم ترا الموت لاقاه
الله يغفر له خطاياه بالهون
واخوانه انتثروا يمينه ويسراه
وانقبضت أرواح على الخير يسعون
يرحمك ياعبدالله اللي فقدناه
وعساك تسقى من جنان بها مزون
يبكيك مسجد فاقدك في مصلاه
وتبكيك سجاده ويبكيك ماذون
ويبكيك شيخ معتدل في سواياه
وجماعتك واللي وراكم يصلون
وعبدالسلام اللي جميله مخاواه
روح وقفى مع عباد يقفون
بطاقته في يد واحد بيمناه
يومي لمحته أصبح القلب محزون
وعبداللطيف اللي صغير بمبداه
أقفى مع أخوانه بقبر يروحون
الحزن عم سدير داخل قراياه
والكل صار اليوم ياناس مطعون
ظهر الخميس بحوطة سدير ويلاه
صلوا عليهم ثم راحوا يمشون
وتوجهوا للروضة بضيق ممشاه
والكل تحت القبر هو صار مدفون
ياالله تجزى من صبر على داه
بنيان بالجنة وهو خير مايكون
فقد الثلاثة جرح لاشك مااقواه
وابوهم اللي سكت اللي ينوحون
الله يقبل كل دعاويك برضاه
ويسمح دروبك ويعطيك مخزون
مخزون كله خير مااحد يقواه
فيه الثواب اللي ينجي به الكون
وينجيك من نار تلهب شظاياه
ويسقيك من كاس لها الكل يبغون
ويسكن عيالك دارك اللي تمناه
مسقوفة بعرش الله اللي يعبدون
والله يصبر من على الطيب مبداه
الوالده اللي لهم خير محنون
وصلاة ربي عد مافبل من آه
على نبي سيرته خير ماتكون
الله يرحمهم ويصبر اهلهم قولو امين ................:icon_cry:
مشاء الله امهم وابوهم حلمو بنفس الحلم ويوم فسره الشيخ وصار تفسير الحلم ان الملائكة يصلون عليهم عند بوبة السلام بالمدينه وبوابة الحرم............
وانشاء الله نكون من اللي يصلون عليهم الملائكة.............................دئ� �ت
