عرض للطباعة
يا صبايا يا أمورات
هذا يمكن ثاني موضوع لي في هذا القسم
لكن هالمرة طلب بسيط.............
عندي تكريم لطالباتي وعددهم تقريبا ما بين 10-12 طالبة
وودي أكرمهم بهدايا وأشياء مميزة لكن بسعر معقول
يعني بأقل الخسائر :icon_conf
يا ليت تساعدوني بأفكار لأن كل اللي فكرت فيه بيكون مكلف جدا
بانتظاركم................................ ..
اول شي واهم شي
اي صفوف تدرسين وعلى اساسها نقول الافكار لانها تختلف من مرحله لاخرى (( ابوك يالفلسفه ))
والله محد بيفيدك الا شعنونه ام الافكار الخطيرة ماشاء الله عليها
وان شـــــــاء الله تحصلي طلبك يالغلا
شهودة تسلمين يالغالية
شعنونة عزيزتي
أدرس المرحلة المتوسطة
والهدايا أبيها حق سنة اولي
همتك معاي وانا اختك ما عاد فيه وقت
عساك عالقوة
كل ابشري
ان شاء الله اجيب لك افكار تعجبك
السلام عليكم ورحمة الله وبركاته
كل الفخر
أهلاً وسهلاً فيك
وبإذن الله يقدر الجميع يساعدك
عندي كم فكرة وأتمنى تنول إعجابك /
لو تجيبين برواز وتغلفينه < تكريم دقة قديمة بس حلو
أو
تجيبي الشوكولاتات الفرنسية أو البلجيكية إلي تعرفيها من السوبر ماركت
بحجم صغير لها مثل الشوكولاتة البلجيكية إلي شكلها صدف وقواقع لو تعرفينها
وتجيبي معاها كتيب صغيرون و شريط أنشودة
أو شريط محاضرة لشيخ معروف ..
أو
تجيبي ساعة حائط بسعر طيب ومغري برضه حلو
وتحطي مع تكريم الهدية ورقة ملفوفة
مكتوب عليها أبيات شعر عن الإجتهاد والتفوق
وهذي الأفكار إلي بخاطري الحين
وأتمنى من كل قلبي أكون أفدتك ولو قليل يالطيبة
وننتظر الدور على شعنونة بأفكارها الذهبية والجميلة : )
في حفظ الرحمن
شعنونة
بانتظار أفكارك يا مبدعة
دفا المشاعر
مرورك وردك هذا أكبر هدية..................
بس
ما يصير أسوي استنساخ منك لكل وحدة منهم.............والله فكرة
تسلمين يالغلا علي هالأفكار
وفكرة الورق والشعر في بالي..................
شكراااااااااااااااااااااا اااااااااااااااااااااااا
أبي أزعجكم شوي بس أنا من النوع اللي أحب الأشياء المميزة
ودائما الهدايا اللي أقدمها لطالباتي تكون غير.................( مغروررررررررررررررررررة )
وما ودي أفقد هذي الميزة.......................... ( قلنا مغرورة خلااااااااااااااااااااااا ااااااص ):11bomb:
لكن المخ ألحين قفل مدري ليه؟؟؟؟؟؟؟؟؟؟؟؟
كل يعطيك العافيه
الفكره الاولى/
تسوين درع تفوق باسم كل طالبه وطبعا اسمك يلمع فالختام (( ممكن فكره دفا تتنفذ على هالدرع))
بصراحه مدري كم سعره بس اختي كرموها وعطوها درع كان مميز
الفكره الثانيه/
اكياس اورغنزا (( انا منفذه مثلها بس تول)) يكون مقاسها وسط وتحطين فيها كتب تناسب هالمرحله طبعا اذا كنت مميزه البنات راح يقرون كتبك اللي اخترتيها
بنت اختي المعلمه عطتها كتب عن الصلاه وصفتها وكتب عن تنظيم الوقت ومطويات مختلفه وبصراحه ازعاج بالبيت كل يوم تتفلسف عن شغله قراتها
الفكره الثالثه/
عند محلات ابو ريالين وكذا تلقي سلل صغيره اظن عندي وحده لو لقيتها اصورها لو عجبتك الفكره السله لونها ذهبي ومثل الشبك ممكن تاخذينها وتحطين الاوراق الملونه حق الهدايا وبعدها وتحطين فيها شغلات مختلفه مثل الادوات المكتبيه او عطر فواكه بالصيدليه وسعره زين ومقاسات مختلفه مع شموع (مسويه رومنسيه) ههههههههههههههههه او اي خرابيط بتلقيها عند هالمحلات طبعا هذي الاماكن والله دايم متجدده بافكارها
المهم بعدماتعبينها تغلفيها تغليف مسطح (ماني عارفه اوصل المعلومه والله) وتحطين ورود عالجنب
الفكره الرابعه/
محلات الجمله للورود والشرايط تلقين شغلات خشبيه رائعه مثل الاصداف هذي الصدفه ممكن تضعي (( خلي بالك من تضعي مسويه فاهمه)) هههههههه الورود المجففه اللي بروائح عطريه وممكن تحطين فيها اكسسوارات
الصدفه عندي لوتبين اخذ لها صوره تذكاريه حاظره
بصراحه افكار دفا هي اللي متعارف عليه بس التنفيذ نسويه غير
قولي وش الهدايا وانا جاهزه بالفكره لان ماني قادره اجيب هديه واحط عليها فكره
واذا ناسبتك فكره قولي يمكن تكون موجوده عندي بس اخذ لها لقطه تذكاريه واذا ماعجبتك اي فكره قولي ونفكر من ثاني
!! كل الفخر !!
ان شاء الله دفا المشاعر واشعنونه ماقصرووا ’’
ولاتخافين اطلبي اي وقت ياعسوووله انتي تامرين امر ’’
!! المتحدية !!
حبيبتي أنا مثلك معلمة واحب الأشياء المميزة
ا_ طبعا تنتقين كلمات شكر وتقدير وتكتب على ورق لامع اكيد تحصلينة با المكتبات مرررررررة نااااعم
وتشترين براويز كشخة يعني انا اخذ البرواز في حدود 30_04 ريال
ويتغلف بالقماش التل اهو الي الحين الافضل والاجمل في تغليف الهدايا والسلوفان اصبح موضة قديمة
مع بعض الورود والشرائط ولا اوصيك على تناسق الالوان
2_ فكرة بعد نفذتها العام الماضي بس للطالبات الناجحات جبت معاني اسماء الطالبات وكتبتها بعد على ورق فاخر والوان هادئة وجبت بعد براويز انيقة وغلفتها بنفس الطريقة الي ذكرتها وجبت نفس كرتون البرواز وغلفتة بورق سادة ولصقت البرواز بالغرا وبعدين غلفتة يعني الكرتون صار مثل القاعدة<<<اتمنى الفكرة وصلت
والله عندي افكار كثيرة بصراحة انتظروني
ما قصرن جميـعاً
سعر الدروع دايم غالية وهي فكرة طرت على بالي فعلاً
لكن إنت قلتِ بسعر بسيط : (
وهالزمن كل شي صاير يكلف
أنا مرة أشتريت درع بـ 90 ريال سعودي
تقريباً الأسعار تبدأ بـ 50 ريال كأقل سعر
و
ما فوق من 100 و 150 و 200 ريال
كلما كان الدرع كبيراً كلما أحتاج مووووني
وإنت عندك ألف الصلاة على النبي 12 طالبة
يعني يبغالها استعداد مادي
وما قصرت يا حبيبتي شعنونة أفكار شي من مخ ذهبي يلمع : )
اسمعي كلامي يا كل الفخر
وروحي بمحلات أم ريالين واشتري أكياس الأورغنزا ( مثل ما قالت شعنونة )
وحطي بداخلها حشوات من ذوقك كتيب وشريط وحركات وشوكولاتة القواقع < لسه ببالها
وورقة ملفوفة تحطينها بطريقة حلوة
وينك عني لو أقدر أشوفك كان أشتريت معك وانتهينا من حوسة التفكير
لأنه الإنسان يوم يشوف أشياء جديدة بالمحل يقدر يركب ويشتري
وينتهي من الهدية < أختك خبرة في شغلات الهدايا تحب تهدي الغير
لكن أفكار عن طريق رد المخ بيزيد ما يشتغل ويبنشر مثلي : )
أي شي أو مساعدة بحاجة راسليني يالغلا رسالة خاصة
لأني يمكن ما أخش هالموضوع مرة ثانية
وربي يوفقك إنت وطالباتك وجميع من ساعدك هنا : )
في حفظ الله ورعايته