فلذات اكبادنا .. تمشى على الدبابات
قبل فترة كلمني أحد زملاي في العمل وقالي عن اذنك طالع عندي شغل ضروري.
قلت خير ابشر ولا يهمك وخاصة انه من الموضفين الممتازين ورجال كبير في السن ونسان
مايستأذن إلا إذا فيه شي ضروري وطبعاً ماسألته وين رايح ولا ويش عندك.
المهم رجع الرجال بعد ساعة ونصف تقريباً ,قلت ابو فيصل عسى ماشر, قال ياخي كارثة
قال يأخي كلمني مدير المدرسة المتوسط يقول فيصل جالس يفتر على الدباب حول المدرسة
وزعج الطلاب , طبعاً فيصل يدرس أولى ثانوي بس الرجال راح لزملاة ومدرستة الاولة
والمدرسة هذي في حي بعيد من البيت يعني مقطع اخطوط وشوارع لين وصل للمدرسة
وشافه واحد من المدرسين وعرفة وبلغ المدير , طبعاً امة مديرة مدرسة وماتدري المسكينة
الولد هذا المصيبة انه الوحيد عند ابوة والباقي بنات, ابوة رجال عندة خير الله يرزقة
ومدلع الولد مشتري له دباب هذا ابواربع كفرات بثمانيية الاف ريال وجوال جديد .
ويقول ماني مقصر عليه بشي , وكان منصدم المسكين وطبعاً انا حاولت اواسيه واقوله
هذا يعيش حالت مراهقة , عاد ابو فيصل هذا جثة الله يعطيه العافية .
قلت ويش سويت بلولد, قال فرشتة وخذيتة لمدرستة ورحت للمدير وسفلت فيهم ليش مايتصلون
علي اول ماغاب, وقلت هذا هو ادبوة وقطعو جلدة, وبعدين كان فيه واحد دايم يصتاد في الماء
العكر قال طيب تبيع الدباب قال اليوم ابيعة والجوال , ويشتري الدباب بثلاثة الاف , جديد توة
وشترى الجوال , المهم ثاني يوم المدرسة تتصل قالت فيصل غايب .
ويكلمني قال الكلب سواها أفا قال عن اذنك قلت افزع بس عليك بلكلام الطيب معه .
وبعد ساعة يرجع قال الرجال راح لرياض , سرق بطاقة الاحوال ونحاش .
راح صوب خوالة في الرياض قلت لاحول وش صار للورع انا اعرفة كان مودب وعاقل .
قال انا السبب دلعتة أي شي يبيه اقول ابشر .
وعلى طول اول ماوصلت العمل ونادي ولدي الكبير يدرس ثالث متوسط , ومسكة قلت ابي
احب خشمك قال أفا مايصير يابوي انا اللي بحب خشمك , قلت ياولدي انا مواعدك
لاتخرجت من الكفاءة اجيب لك جوال صحيح قال ايوة , قلت أمسح خشمك وبوزك .
جلس يضحك قال انا حاس أن ورا حبت الخشم هذي بلا.
وعلمه بسالفة الشيخ فيصل قال أبد مادام فيها فرش وطق بلاش.
نصيحة لاتضيعون اعيالكم بلجولات والدبابات .
هذي ماوراها إلا الدجة وإختلاط الشاب مع شلل يصعب التعرف عليهم اوتحديدهم
يسهل من انحرافة ودخولة في عالم غير آمن .
انتبهو على بزارينكم يارجاجيل ماهو كل ما طلبك الورع شي ولا راح للحجية حرمك المصون
وقال يمة ابي من ابوي وعيا ثم قالت جب جوال للولد ارخيت اذنيك وقامت عينك تبترم
مثل عين الشاة ترى المرة عقلها فيه فتحات ومارايح أحد يقول ولد فلانة داشر
المهم ماأطول عليكم .
الهمَ احفظ اولادنا وأولادكم وأولاد المسلمين من كل مكروة
منقوووووووووووووووووووووو وووووووول للافااااااده|1|
