مايضم من الرجال .. إلا الرجالْ
في موقف مع أحد الاصحاب الاوفياء
وخرج هذا النص تعبيرٍ عن ما في النفس تجاة الاحبة
رغم أنة يندر الاوفياء في هذا الزمن
كلمة صديق لايستحقها الا من يقدر معناها
وابو طلال من الناس الاوفياء
وهذة معاتبة بلطف
[poem=font="Simplified Arabic,5,red,bold,normal" bkcolor="transparent" bkimage="" border="none,5,gray" type=1 line=1 align=center use=sp num="0,black"]
قلت وينك ... غايبٍ يابن الحلالْ=ياعريب الساس من عمٍ وخالْ
هو جفا .. ولاغلا .. ولاظروف=هوزعل .. ولامشاغل.. وإنشغالْ ؟
منتظر كل يوم أقول .. اليوم جاي=وإنتظاري زاد عن حده.. وطالْ
غيبتك طالت .. وكنك مستريح !=كلما زدت الجفا .. زدنا وصالْ
(ابو طلال ) ياشمعة ( البيت ) وضواه=ياخفيف الظل ... ياحلو المقالْ
مجلس ٍ فيه .. إنت عزالله كبير=مايضم من الرجال .. إلا الرجالْ
مايملونك .. ولو قمت وسريت=قبل لاتسري .. ينادونك تعالْ
بيننا يامسندي شعر وشعور=بيننا بالمختصر واوٍ .. ودالْ
إبتسم ثم قال ياصبري .. عليك=لوسمحت شوي بسْ عطني مجالْ
أحمدالله وأشكره .. وأثني عليه=العزيز اللي .. ترفع بالكمالْ
غيبتي ماهي جفا .. ولا غناة=أو تغلي مثل ماقت .. ودلال ْ
قلت له طيب .. أجل ليه الغياب=قال أبشرك جاب لي ربك ( ليالْ) [/poem]
عبدالعزيز الطلوحي
