قصيده موجهه لصاحب السمو الملكي الامير خالد الفيصل
السلام عليكم..
الشعر وسيلة الشاعر..
ولكن هنا المقام اكبر بكثير من اي كلام..
المقام ميزان نقدي ادبي اتمنى ان لاينتقد شعري.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
يانفسي مـن العـام والأمـس والآن=اللـي كبتّـيـه اكتبـيـه بقصـيـده
بعض المشاعـر لوتجـازى بكتمـان=يمكـن تفجّـر فـي خفوقـي وريـده
سـلام تسلـيـمٍ عظـيـم وفـتّـان=إيد الرجـل ماهيـب تصخيـه لايـده
يذخر ويصفط بس في مثـل ذالشـان=ولاعـاد يلقـى مـع الاوادم نـديـده
يصير لي في مقبـل الوقـت عنـوان=واضرب به امثـالٍ للاشيـا الفريـده
تحيـةٍ عـن جـدّي ابـن جميشـان=وقبيلـتـه جمعا..بـديـده بـديــده
شيخ نذر عمره وحالـه علـى شـان=خدمـة بـلاده بالفـعـول السـديـده
خدم سعـود وفيصـل وخالد..وبـان=في عصر ابوفيصـل عطـاه ومزيـده
وفي عهد ابومتعب مواصـل ولاهـان=رغـم البـلاوي والسنيـن الشديـده
وله حاجةٍ يسعى وراها مـن ازمـان=والعمر راح..ولاانقضـى وش يفيـده
الشعر لـك ياسيـد الشعـر شفقـان=شفـق وديـدٍ قـام يطـرى وديــده
لنّك اديب لك مـع اهْـل الادب شـان=يكفيـه منـك موسسـتـه الفـريـده
موسسـة فكـر العـرب حظهـا زان=من يوم تربط بـك عراهـا الوطيـده
لاقمت تصهل بالخطب كنّـك حصـان=على المنابـر ماشـرد لـك شريـده
تهـز الانفـس بالبلاغـه وباتـقـان=من راسك وحشـو الـورق ماتريـده
وآقول في نفسي ومن قلـب ولسـان=( عزالله انها جابـت امـك وليـده )
نسألك من الاحسان ياامير الاحسـان=يالشهم ياراعـي الخصـال الحميـده
ياابن المليك اللي له قلوبنـا اوطـان=لـو ان روحـه عنـد ربـه شهيـده
فيصل عدو القوم فـي يـوم الاكـوان=اللـي بجدهـا ليـن وصـل الحديـده
وْلاردّهـا الاّ مقـدريّـه وصفـطـان=ولوْ طمع في بحـر العـرب مايكيـده
قـول علـى فعـل مثبـت ببـرهـان=اضرب مثـل والا ان فعولـه عديـده
لو عدّة اعمارٍ فـدت موتـة انسـان=مـا مـات فيصـل يالحيـاه العنيـده
واليوم في اكبر نعمه وامـن وآمـان=في ظل مـن عسـى سنينـه مديـده
صقر العروبه في المواقيـف صنيـان=وريث مجـد اهـل الفعـول التليـده
ماصار مثلـه فـي الخلافـه ولاكـان=في ماضي عصور البشـر والجديـده
مكارمـه علـى حضـاره وبــدوان=مكـارمٍ منـهـا امـتـه مستفـيـده
غيـث علـى شعبـه مهـلٍّ وهتّـان=يـزيـد باستـمـرار والله يـزيـده
وسلطان سلطـان المواقـف كحيـلان=ذخر المليـك ودرع جنبـه عضيـده
ياسِعْد ابو من له اخـوً كنـه سلطـان=والله مايشكـي الحـيـاه الزهـيـده
مغني فقارى الارض من الانس والجان=بعـد الغنـي اللـي يغانـي عبـيـده
هذا الكلام الصدق من قلـب ولسـان=هـرج يبلـغ بـه رقيـبـه عتـيـده
وصلى الله وبارك على نسـل عدنـان=شفيعنـا فـي الـحـزة المستكـيـده
ماكوسر القمـري شجيّـات الالحـان=لاذعـذع الغربـي ولاعـب جريـده
حسين العبدي [/poem]
