ماكل مايسمع من الناس ينقـال......................
[frame="9 70"]ماكل مايسمع من الناس ينقـال
أشكل كلام الناس مثل الدعابـه
اسمع ودع تسلم من القيل والقال
لو قلت كلمه طوروهـا حكايـه
السر خله من وراء سبعة اقفال
وراقب مفاتيح الضميـر بعنايـه
لاتحسن الظنات في كل الاحـوال
خلك حريص ولاتسـوي كمايـه
ماكنت افرق بين طيـب وبطـال
حتى جمعت من التجارب كفايـه
ورتني الايام في كل رجـال
علامةٍ ماتكتشفها المرايـه
ورتني الايام في الناس عقال
ماتنخدع بين الفتن والوشايه
ورتني الايام في الناس جهال
دار الزمان ولالهم به درايه
وأخذت في الدنيا تجاريب وامثال
ميزت فيها صاحبي من عدايـه
ولقيت بعض الناس صاحب ومحتال
يضحك معي ويسبني فـي قفايـه
ولقيت بعض النـاس للهرج نقـال
تلقاه نقل الهـرج عنـده هوايـه
بعض العرب شيطان في ثوب وعقال
وكــل شيـطـان دواه القـرايـه
هذا دواه البعد لـو عشـت رحـال
حيث الردي فرقـاه غايـة منايـه
دار بها يمشي الفتى خالـي البـال
ودي بها لو كان ماالقـى عشايـه
وان كان مال الوقت ولا الوقت ميال
اصبر على جرحـي وادور دوايـه
واشيل همي في ضميري ولو طـال
رجاي في اللـي مايخيـب رجايـه
ربٍ كريـمٍ يبـدل الحـال بالحـال
ويطيب جرحي من خـلاي بخلايـه
وليا زبنت ازبن على طيـب الفـال
اللـي يهلـي يـوم يسمـع ندايـه
ارفع مقام النفس عن كـل الأنـذال
واشووووف لي ناسٍ على مستوايه[/frame]
وسلامتكم
رائعة الشاعر/حـمـدان العصيمي
