** ((البنــات)) ضياع للمال والعقل**
[align=center]مساء الخـير عـليكم ياهلا بي عندكم
أدري إن العنوان يزعـل البنات (إحساسي يقولي)
بس لاتفهموني غلط أنا ما أقصد بالبنات حبيباتنا النواعم
أوووكرر أسفيييييييي
بالعكس هم اللي يثبتون العقل (ومن شانهن باللبناني) نوفر المال
حتى نتزوجهم ونصرف عليهم
بس قصدي بالبنات هي ((المخدرات))
لأني قعدت مع واحد من أباطرة الإدمان وكان يسمي الحبوب
المخدرة (بنات)
يقول لأنهم -أي المخدرات- حلوات وتخلي الواحد ينهبل والبنات كذا
وأنا أخذت الاسم منه
اللي خلاني أكتب الموضوع هو إكتشاف خطير إكتشفه
الشباب السعودي الطموح المدمن على المخدرات والحشيش
وسعيه الحثيث على التسابق للإختراعات اللي تدمر العقل
ياإخوان المال (المصاري) كما نعرف هو العلة والعائق الوحيد
أمام المدمن
والمدمن بحاجة دائمة للمال لذلك إكتشف الشباب السعودي طريقة
تعوضه عن المخدرات حتى يتوفر له المال الكافي للشراء
((((الحاجة أم الإختراع))))
والله أنا أول ماسمعت الطريقة ماصدقت بس سووها هالمجانين
وخلوني أصدق غصب عني
وهذه الطريقة سميتها (حضرت جنابي):
سـنـدوتـشـات الـنـيـفـيـا
يشترون كريم (نيفيا) المعروف الأزرق ويحشون فيه الخبز
الصامولي
ولا أحلى عصفورين بحجر واحد وجبة خفيفة وتصبيرة عن
المخدرات لفترة توفر المال
تدرون ليش لأن النيفيا على -حد قوله-فيه نسبة من الكحول
ومواد قريبة من المخدرات
يمكن ماتصدقون اللي أقوله بس هذا اللي سمعته من أحد أكبر
المدمنين اللي عرفته بعد أن تاب الله عليه
(إسألوا له الثبات على الطريق المستقيم)
ليش وصل الحال بالشباب إلى هذا الحد وين التفكير
وين الدعاة وين الآباء وين المراقبة وين التربية
اللي وصلنا لهذه الحالة موبسبب كثرة الشر والأشرار لا
اللي وصلنا إن الأخيار مايعملون ولاينصحون الشباب
والشباب أنفسهم غير قابلين للنصح و على استعداد تام للفساد
--إلا من رحم ربي--
والله يجيني القهر إذا شفت شباب الدول (الغير عربية)يتنافسون على
الإختراعات اللي تفيد الناس وتطور العقول والإنسانية
وشبابنا التعبان يتنافسون على الإكتشافات اللي تدمر العقل
والله قهر بس اللي يبرد على القلب إن الدنيا (لساها)بخير
فيه شباب فيه الخير والبركة يحاولون إنهم يطورون من أنفسهم
والواجب علينا ندعمهم ونشجعهم ولانستهين بقدراتهم
أو مشاريعهم البسيطة –طريق الألف ميل يبدأ بخطوة-
يمكن تكون المشاريع الصغيرة فاتحة خير على الجميع.
أنا رايح أصلي العشاء مابقي إلا أقول يارب إهدي شباب وبنات
المسلمين
آمـــيــــــــن
**الـــمـــســــــافــــــ ـــــــــــــــر**
[/align]
