((((( _ ماعندك سالفه _ )))))

خاطره من نبضي أتمنا تعجب ذوقكم الراقي


((( ماعندك سالفه )))





ياخلاّف الوعود ليه ماتصدق في مواعيدك...
ليه دايم تجرح الشوق بيدك ...
إن واعدتني ماجيت،،، ون جيت جيتني بعدين
بعد يومين أو بعد شهرين..
بعد أيش
بعد ماتحترق روحي وهي تحتريك بلهفه وتنتظر....
الياس يعصف بها ويستنزف قواها ثمً تموت وتحتضر...
بعد ما يرتسم وجه الحيره على حالي..
وروضي يجف من جفا غيمة آمالي..
الغصون تيبس أوراقها ..
والزهور تذبل والفراش تعلن افراقها..
حتى شمسي تصدق
إن جا وقت الشروق ،، تنسا اشراقها
ماتبين .. وبعيني ليلي يطول
سوادٍ في سواد..
لا قمر يضوي ولا نجوم،،
إللي باقي بس اعيون الهموم،،
وأحلامٍ رماد
ضيق مكان ..
وضيق زمان..
وضيقة صدر وكآبه ،، قلبي هد حيله عذابه
هذا كل هذا لما تواعدني يصير..
ماهي مره اهي مراتٍ كثير

ياخلاّف الوعود
ترى الليالي على قولي شهود..
خلاص يعني خلاص
وربي حاجز الصمت أنكسر..
من ثورت كلامي اللي في نفسي أنحصر..
خلاص ياللي تقول
إنك ميت بحبي
وقلبك على قلبي..
دنيتك دنيتي .. وحريص لشوفتي

هنا أسمح لي أرد
والجروح بالقلب نازفه...
والعبره على حدود الجفن طارفه..
بقول لك مع الأسف ماعندك سالفه..
وين بس وين....
وانت ولا حولي أبد
لاهي ولا همـّـك أحد
والمشاعر اللي تدّعيها بالهوى كلــّـها مشاعر زايفه
((((((( ماعندك سالفه ))))))))





أخوكم

الواله

أنا جيتك والوله بعيوني باين وحيران
انتظرت البوح من قلبك الفنان
تدري انا من غير قلبك قلبي يحترق ينهان
تقول ما عندي سالفه
انت اول واخر السالفه
انت اللي بالعمر مستحيل اخالفه
تقول ما عندك سالفه
انا جيتك وكلي شوق
ابي حب سكن بعروق
ابي قلب عطى كل مقصود
تقول ما عندي سالفه
ايه انا ابطيت ما جيتك
بس من كل القلب حبيتك
فلا تقسي علي قلب مغليتك
وتقوي تقول
ما عندك سالفه
أنا كرهت عمر خلا من غير ما أشوفك
أنا اللي حلفت اني ما اخووووونك
وحلفت ان الزمن يخضع بس لعيونك
وتقول ما عندك سالفه
هي ثواني هي دقيقه هو شهر
هو يوم أو سنه وانا بلهفتي انتظر
أنتظر يوصلك صوتي
انادي لك حتي بسكوتي
وفي بعادك يا الغلا موتي

دخيل الله تفهم
بس لا تقول ما عندك سالفه



ههههههههه أعتذر واستمتعت بكل كلمة قرأتها هنا كاتب رائع
استمد حروفه من غربة الليل ونجومه عزيزي الواله رائعه هذه الخاطره بكل ما فيها



تقبل مرور أختك /// بنت الدوحه

سلمت هذه الانامل
وسلم هذا الفكر الرائع
هذيان قلمك هذا سيرفع من مكانة قلمك الرائع
تمنياتي لك بالتوفيق الدائم..
والابداع المتواصل

,
,

,
عزيزي الواله
كم هو مؤلم مثل هذا الشعور
لكن ماذا يفعل القلب لقاءه!!
نبسات قلمك عذبة
دام بوحك بروعة..
.

الأخت بنت الدوحه

@
@
@

أشكرك لمرورك العطر

وعلى كلماتك الرقيقه

.
.

تقبلي مني تحيه مفعمه بالود والتقدير والإحترام،،،،

أخوك

الواله

الفاضل علي محمد

بالله عليك اخبرني
كيف روضت الكلمة وركبت صهوتها
واخذت تصول وتجول
كفارس مغوار
وجعلت الحرف بين اصابعك
اطوع من بنانك
وضعته في المكان المناسب
كي يعبر عن مكنونك بكل صدق وعفوية
وتفرد وتمكن
واصل سيدي
انك مبدع
اختك

آخر النساء

دفء البوح

الله يسلمك ويطول عمرك

أشكرك مليون شكر

على تواجدك في صفحتي

إسمك زخرفها


تقبل مني أطيب تحيه مفعمه بالود والتقدير والإحترام،،،،


أخوك

الواله