انا أتيه لأنتقم وسأخذ بثاري لكل ممن اساء لي ولعائلتي. #روايتي الأولى $
السلام عليكم هذي روايتي الأولى وان شاءالله تنال اعجابكم حبايبي الروايه تتكلم عن حياتي بس غيرت ببعض الاشياء والروايه كويتيه وسعوديه اخليكم مع الروايه.
آلــبارت الأول .
رنا : اففف يبا خلني انام شوي .
ابو راكان ماله نفس: رنا وبعدين معاتس قومي اخلصي ألبسي بنروح لبيت خوالتس.
رنا : طيب طيب افف امي وينها؟
ابو راكان : امتس راحت مع راكان لبيت خوالتس قوومي البسي بجي القاتس لابسه طيب؟
رنا : افف الواحد ماينام ع راحته بهالبيت طيب طيب بلبس.
عائلة ابو راكان.
رنا عمرها 16 سنه بثانويه ثاني ثانوي *صف 11 ادبي*.
راكان 20 بلجامعه اخر سنه .
خالد ابوهم *ابو راكان*.
امينه امهم *ام راكان*.
__
ببيت خوالها .
خلود : اهلن رنوي حبيبتي من زمان عنج ي بعد قلبي وينج مو ناويه تزورينا.
رنا تخزها : وهذا انا جيت , امي وينها؟
خلود : طيب طيب شفيج تخزيني جذي امج داخل مع امها
رنا : طيب انقلعي
خلود : من يوم ماعرفتج وانتي جذي قطع
رنا عندها خوالين .
خوالهم بلكويت وخوالهم بلرياض والرياض معهم حييل علشان كذا تتكلم سعودي اكثر شيء , وخوالهم للي بالكويت مومعهم حيل فعلاقتها سطحيه معهم , جدها تزوج اثنين الأولى للي برياض وجابت بنت وهي امينه للي بنتها رنا طلقها واخذ امينه وهي يوم كانت صغيره, وتزوج الثانيه ألي هي تعتبر جدة رنا بس جدتها الصدقيه هي للي برياض, ومرته الثانيه ربة امينه بس ربتها بعذاب يوم كانت صغير وحرموها من امها للي هي الاولى
برياض. (رنا ماتدري انها جدتها الثانيه هي عذبت امها عذاب بطفولتها وحرمتها من امها الصجيه)
جدة رنا *الثانيه* : رنوي حبيبتي تعالي بحضن جدتج ي بعد عيني .
رنا تروح تلم جدتها : حياتي جدتي احبتس والله.
( رنا ماتدري انه جدتها الصجيه الاولى للي هي برياض فتعتبر هذي جدتها لانها ربت امها بس ماتدري انها ربت امها بعذاب ).
مشاري خالها : تعالي رنوي وينج ي لقاطعه ماتسألين *ويبوسها بخدها*.
رنا : مشاري شدعوه كنت شويات مشغوله وتسذا يعني
مشاري يقرص خدودها : وتسذا يعني ها! تعالي عندي مفاجأه لج
رنا : شنو هي قول قول يلا؟
مشاري مسك يدها : تعالي فوق وتعرفين شي انتي تحبينه ومن زمان ودج فيه!
(ام رنا خانقتها العبره) .
عائلة العوضي .
مشاري عمره 21 خلص الجامعه ويدور وظيفه.
بدران عمره 22 يشتغل بلعسكر .
خلود عمرها 23 عانسه.
تهاني عمرها 25 متزوجه مكمله الثانويه فقط.
صيته عمرها 28 متزوجه .
فرح عمرها 19 عاطله ماتبي تكمل دراستها.
منال 18 توها تكمل الثانويه مسائي.
الجد *للي تزوج الاولى وطلقها وتزوج الثانيه*
اسمه العوضي ’ كبير السن .
وامينه كلهم تعتبرهم اخوانها فما تتغطى لانه عاشت معهم
_
رنا : اوميقققاد مو من صجكك مشاري لا لا مستحححححيل
*المفاجأه هي تلفون جالكسي اس 3* ( هي عندها بيبي ومن زمان تحن ع امها وودها فيه)
مشاري : ها عجبتج ؟
رنا : من صجك مشاري اكيد عجبني *وتوبسه* الله لا يرحمني
منك
مشاري : يلا نزلي الحين بروح اخذ شور واروح عند الشباب اوك؟
رنا مستانسه : اوكيششن
طلعت وسكرت الباب رن هاتف مشاري :
الجده *الثانيه* : ها عطيتها الهديه شسوت؟
مشاري : اي انجحت الخطه جذي بنخليها تتعلق فينا وتنسى خوالها للي برياض.
الجده *الثانيه* : برافو عليك والله احبك ي ولدي احبك , جذي بتنجح خطتنا .
مشاري : بس اخاف امينه تقول شيء لبنتها؟
الجده *الثانيه* : لا تخاف راح انبها وياويلها ان تكلمت حرف واحد هذي حفيدتي ومحد يقرب صوبها.
مشاري : حلو حلو يمه لا تتحمسين تونا بدينا بلخطه
الجده *الثانيه* : شكلها جت رنا مع السلامه.
رنا تركض : جدهه مو من صجه مشاري هذا وااااااو وناسسسه احبكمم والله *وتبوس جدتها*
ام رنا عيونها تغرق دموع وتمسك يدين بنتها : حبيبتي انتي رنا.
رنا تطالع بعيون امها وترفع راسها : يما شفيتس تبكين. ؟
ام رنا تطالع امها*الجده الثانيه* وتمسح دموعها : لا حبيبتي فرحت لتس عساها دوم ي قلبي .
رنا : اي خوفتيني عليتس , واي يمه موصدق بطير من الفرح.
وتضمها امها : حياتي انتي الله يديم لتس الفرح يارب
راكان بصوت استهبال : السلام عليكم ي عرب
رنا ماتحب اخوها لما يقول كذا : افف جاء الغليظ انني اكرهك جداً
والكل يضحك ع رنا .
راكان يطالع للي بيد رنا الجالكسي : احح يخرب بيتس من جابلتس ياه ووجع !
رنا تخزه : وانت شدخلك , جابلي ياه مشاري حبيبي
راكان : مشاري ها وانا شنو محد يحقق احلامي ليه تسذا مااحوبكون انا ^يقلد رنا دايما اذا ماعجبها شيء تقول مااحبكون انا.
الكل يضحك : هههههههههههههههههههههه
رنا تخزهم ببراءه وشوي تبكي : مافي شيء يضحك راكان اكرهك
راكان : بكت بكت بكت
وتصيح رنا : مابكيتت جبب
راكان يضحك عليها : هههههههههههههههه مسكينه
الجده *الثانيه* : بس الأ رنوي حبيبتي لحد يزعلها
راكان : ومتى صارت حبيبتس وليه كل هالحب؟
الجده *الثانيه* : ءءءءءء رنوي من زمان لها مكانه بقلبي وماأرضى احد يزعلها
راكان : طيب حلو رنوي ها؟
مشاري نزل : اهلأ راكان شخبارك وينك يارجال؟
راكان : والله كنت طالع مع ابوي اساعده وكذا
مشاري : لاعاد تقطع واسأل ها؟
راكان : طيب ولا يهمك , انت رايح للدوانيه؟
مشاري : اي رايح بتجي!
راكان : جاي معك بس وين بدران ماقعد اشوفه؟
مشاري : يوه بدران كله بلمعسكر
راكان : اها الله يوفقه .
رنا : بطلع شوي بشم هواء .
صيته : انا جايه معج
رنا : طيب
" طلعوا يتمشون "
رنا وعيونها تدمع : اشتقت لخوالي لي 3 سنين ماشفتهم مدري ليه يوم اقول امي نروح اهناك تقول بعدين ودايما تأجل
صيته بقلبها ي ليل هذي الحين شلون بتعامل معها : حياتي انتي لا يهمج اكيد بيجي يوم وبتشوفينهم وبعدين لهدرجه مهمين هم عندج؟
رنا تطالعلها : اي مهمين حييل ومحد يقدر ياخذ مكانهم هم موخوالي بس هم جزء من قلبي واخواني هم بنفس الوقت.
صيته : بس جدتج الصجيه بلكويت مو بلرياض
رنا متشوشه : والله مادري ي صيته بس مدري ليه احبهم مع انها موجدتي الصدق والله مدري بس احبهم مااعتبرهم خوالي اعتبرهم اخواني وجزء من قلبي
صيته : يعني منو الأهم احنا ولا هم ؟
رنا : هم طبعاً .
صيته : واحنا مالنا مكانه عندج !
رنا : حبيبتي صيته طبعا لكم مكانه بس ألي لهم مكانه عاليه طبعا للي برياض مدري ليه .
صيته شوي وتذبحها : معج حق
رنا : بس ابوي!
صيته مستغربه : شفيه ابوج ؟
رنا : ابوي مايحبكم مدري ليه وكل ماتروح امي لبيتكم يصير مشاكل وبعدين يهدأ ويوديني لكم وماينزل عندكم ويتقهوى يروح مع راكان.
صيته حقدت ع ابوها حيل : حياتي مهما كان هذا ابوج
رنا : مدري ي صيته احسه مايحبكم مايطيقكم هو اليوم قومني وكأنه ماله نفس يقومني يعني كأنه امي قالتله جبها لبيت خوالها احسه يكرهكم .
صيته زاد حقدها وصرخت : رنا بسسس اسكتي .
رنا تطالعلها بستغراب : طيب؟؟؟.
صيته : بروح اسوي كوفي تبين !
رنا : اي , مشكوره.
صيته بقلبها " طيب ي قلبي ماشفتي شيء خليج جذي قلبج ابيض علشان ناخذ كل شيء تملكينه "
صيته بلمطبخ تجهز الكوفي وجت رنا من وراها
وشافت صيته تحط بكوبها مخدر بس ماتدري هو مخدر ولا لا .
رنا بصدمه : صيته!
صيته برجفه وطاح الحبوب ولفت : هاه؟
رنا جت ونزلت وخذت الحبوب عالأرض ورفعت حواجبها : شنو هذا؟ لا يكون....
صيته وايدنها ترجف : لالالالالا رنا لاتفهمين غلط هذا....
رنا تصارخ وتبكي : هذا شنو ؟ قولي هذاا شنو ؟؟؟
ويركضون الكل جاء بلمطبخ
تهاني : شسالفه؟
خلود : شفيكم
منال : رنوي حبيبتي شفيج ؟
رنا تطالع صيته : صيته كانت تبي تحط شيء بكوبي مدري شنو هل هو مخدر او سكر ع قولتها؟
تهاني شافت الحبوب وطالعت رنا : لا حياتي هذا سكر بس ع شكل جديد
رنا : حبوب وتقولين سكر؟
خلود ترقعها : اي هو ع شكل حبوب تضغطين عليه ينكت السكر
رنا : اها طيب اسفه ماكنت اقصد راح بالي بعيد انا متوتره اليوم كثير اسفه .
تهاني : حبيبتي عادي
ببيت خالد .
رنا ركضت لغرفتها بسرعه ومستانسه بلتلفون الجديد
ام راكان تكابر: تعب سهرنا سهره اهناك وناسه
ابو راكان : سهره ؟ ووناسه ! مدري متى بتتخلين عن كبريائتس
ام راكان : خالد رجاءاً لا تزيد الطين بلى بس
ابو راكان : نسيتي ؟ نسيتي يوم كانوا يحرقونتس بملعقه وملعقة حديد حاره وري بنتس الحرقه للي بفخذتس؟ والعذاب للي عشتيه وهذي مو امتس امتس للي برياض ولا شنو تبينها كذا تتعلق فيهم وهي ماتقربلهم اساساً؟ انا طلعتس من العذاب هذا !
ام راكان احبست دموعها ومسكت يد ابو راكان *خالد* : خالد امانه سكر عالموضوع مانبي نبين لرنا وراكان شيء مانبيهم يتعذبون لا رحت خلهم مع امي يمكن لا رحت ولا صار شيء لي يكونون تحت رعايتهم ومعهم بلديره مو بره؟
ابو راكان : لا تقولين كذا وماراح اخليهم ياخذونهم هذول بنتي وولدي انا اربيهم محد يتجرأ يمد ايده او ياخذهم .
ام راكان دمعت وتذكرت قبل يوم كانت صغيره يوم اخذها ابوها ووداها لزوجته وعذبتها وتخاف انه بنتها وولدها يعيشون نفس للي عاشته
راكان كان واقف وسمع كل شيء ودمعت عينه .
راكان راح لرنا وفتح الباب
راكان : رنا شتسوين ؟
رنا : جب لا تكلمني اليوم حرجتني قدام خوالي افف
راكان سكت شوي : ءءء طيب شصار ع تلفونتس سويتي شيء له؟
رنا : راكان انا اسفه , ممكن تساعدني شلون اسوي حساب علشان انزل
راكان رفع حواجبه : اها انتي تجيني بوقت المصالح ها؟
رنا : ءءءء لا موكذا تبي تسوي ولا لا ؟
راكان يطالع اخته وفكر بكلام ابوه يوم قال "هذي مو امتس امتس للي برياض"
رنا تطالعه : شفيك تطالعني كذا؟
راكان : هاه لا ولاشيء.
بيت العوضي.
للي مجتمعين " صيته , خلود , تهاني , منال , فرح "
صيته : اففف تدرون بنات شقالت اخخ ودي امسكها واذبحها اكرههها هي وامها .
خلود : شقالت ؟
فرح : شصار خساره ماكنت موجوده!
تهاني : صيته انتي غبيه في احد يحط المخدر وماينتبه ليه ماانتبهتي او خليتي منال تشوف اذا احد جاء انتي طول عمرج ماعندج مخ
صيته : اففففففف اسمعوا بنات شقالت تقول انه ابوها يكرهنا كرهه العمى ومايحبنا ومايطيق يدخل بيتنا وقالتلي انه اليوم يوم قومني قومني بنفسيه !
منال : يعني نفهم من كلامج انه يعرف العذاب للي عاشته مرته ؟
صيته : اتوقع!
فرح : افففففففففففف الله ياخذها امينه هذي بتدمرنا
خلود : لا امينه نقدر ندبرها احنا بس خالد زوجها منو يدبره؟
فرح : لازم نتخلص منه!
تهاني : شلوووون؟
فرح : نطلب من مشاري مساعده اذا ساعدنا وتخلصنا منه راح يكون بس امينه للي تعرف والباقي نقدر نستغلهم عرفتوا !
منال : يعني .....
وانتهى البــــــــارت
_شنو يخططون بنات العوضي لخالد *ابو راكان* ؟
وهل اكمل ام لا؟
:eh_s(7):
