شوربة القرع المشوي (مصور)

الســلام عليكم ورحمه الله وبركـــــاته



مثل كل مره اذكركم وصفاتي تلاقونها في بروفايلي :p


اليوم يايبه لكم شوربه لذيذه امس كنا مسوينها والوصفه خذيتها من اكاونت noona_alhnoona بالانستغرام مع تعديل مني

الوصفه الاصليه الخضار فيها ماتنشوي تحمسونهم عادي وبعدين تضربونهم بالخلاط ومافيها بهارات مجرد ماجي وفلفل اسود


طريقتي كالآتي:



راح تحتاجون:


تقريبا كوب او كوب ونص قرع مقطع مكعبات

بطاطا مقطعه مكعبات


اذا حابين واختياري اهوا نص جزره او جزره صغيره هم مكعبات


بصله مقطعه اربع اقسام

فصوص ثوم كامله حسب الرغبه انا حطيت 3


زيت زيتون


ماجي مذوب بلتر ماي او اذا متوفر ماي سلق دجاح وهذا الي انا استعملته وممكن تحصلونه في مركز سلطان وغيره

تلاقونه على دياي او خضار او لحم بالطريقه هذي


http://i-cdn.apartmenttherapy.com/ui...kenBroth-1.jpg

اعشاب عطريه (ريحان مجفف - زعتر بري مجفف - روزماري (اكليل الجبل))

ملح

كريمه نص كوب



هذيل صور البهارات:


الزعتر البري او بالانجليزي تايم

خذيته من مركز سلطان علبه صغير

http://scprod.mccormick.com/~/media/...ves.ashx?w=225


ريحان مجفف

هم من مركز سلطان


http://www.mccormick-espanol.com/-/m...il_leaves.ashx


واكليل الجبل خذيته اعتقد من لولو هايبر او جيان ماذي ذاكره بس ماحصلته بالجمعيه نسيت ماركته بس جنه ماركه مصريه



الطريقه:


بصينيه فرن تحطون كل الخضار وترشونهم بزيت والاعشاب العطريه و الملح

تدخلونهم الفرن لين يذبلون شوي

بعدها تشيلونهم وتغلونهم مع مرق الدياي او الماجي


تخلطونهم بالخلاط


تضيفون الكريمه وتسخون الشوربه



وبالعافيه




[IMG]http://im35.********************************************/KUT4c.jpg[/IMG]