عاجل؟؟؟ المدرب الان يطالب بشراء لاعبين محليين

بسم الله الرحمن الرحيم

اولا كثرة المواضيع الي ضد الادارة ولازم انو نشتري لاعبين محليين والي يقرا هذا الكلام يقول مدربين عندنا في المنتدى ولا احد يدري عنهم .

ثانيا حنا يا الي ضد النوعية ذي خلينا لهم الفرصه ينزلون مواضيع كذا وشغالين نقرا فيها،
خلونا ننزل مواضيع نقول فيها على الاقل كلمة حق في ادارتنا الي تعبت وقاعد تتعب هذولا هنا ما همهم غير الانتقاد هذا تعاقد وهذا ما يعجبنا يا ليت الي يقول الكلام هذا يخص على نفسه لاكن يعمم (ما نبي هذا اللاعب ) مصيبه اذا انت تتحدث عنك وعن غيرك ياخي قل انا ما ابي هذا اللاعب .

ثالثا المدرب هو من يصنع من اللاعبين بمعنى انه هو من يوظف اللاعبين في مراكز هو يرا انه افضل فيها هذا طبعا المدرب المتمكن وحنا مدرب ليس متمكن فقط الا عالمي ولاكن لا ينقصنا سوا التوفيق من الله والحظ .

راح اضرب لكم بعض الامثله في فرق عالمية ومحلية دليل على ان المدرب هو من يصنع اللاعبين ويوظفهم .
1- بروسيا دورتمونت / يورجن كلوب من كان يعرف ليواندوسكي من كان يعرف هوملز وغيرهم
2- مورينيو قبل تقربيا 10 سنوات مع بورتو صنع فريق متكامل
3- جوارديولا مع البرسا .مع ميسي استخرج افضل ما لديه وضعه راس حربه وهمي
4- فيلاش بواش مع توتنهام الجناح بال وضعه خلف المهاجمين
وفي دورينا السعودي الفتح و فتح الجبال وظف لاعبين في غير مراكزهم رغم النقص الي كان عنده .

هذا الكلام الي قلته ابي اوصل معلومه للي يقول ناقصنا ويتكلم على الادارة انها مقصره بس حبيت اقوله المدرب ادرا بما يعمل يعني خل مريح نفسك وصحتك مهمه ......

انا متفائل باذن الله مع هذا المدرب انه راح يصنع الي ما ضنعه غيره وبصراحه اتمنى الموسم يبدا عشان اشوف الاهلي واستمتع لاني متيقن ان الموسم الجاي كله متعه عاد ماهو ناقصنا الا التوفيق من عند الله والحظ .

ادري اني طولت لاكن اعذروني وسلامت الجميع .