هذا مجنااااااااه ابي

حبيت انشر لكم هالراوايةمن مؤلفة صديقتي واتمنا انه تعجبكم .... :11umbup: :039: :039: :039:


هذا ماجنااااااه ابي
للكاتبه *بنت الرسيني*
عام *25-7-1427=27-7-1427
اليوم *السبت= الاثنين
قصه خياليه لاكنها قريبه من الواقع
البدايه
اجازة العيد وأخر يوم من الاجازه يوم الجمعه
هند0يمه متى نبي نروح لبيت عمي غانم
ام خالد0والله يابنتي مادري متى ماخلص اخوك من شغله مر علينا واخذنا بس انتي كوني جا هزه عشان اول مايجي نروح بسرعه قبل لايتاخر الوقت
هند0انشاالله يمه بس اخوي خالد وشو الشغل الي مرتبط فيه وهو يدرس الى الحين
ام خالد0لا يابنيتي مهب شغل بس دق عليه صديقه رائد وقاله ابيك ضروري وراح يشوف وش يبي ولما يخلص بيرجع عشان يودينا
راحت هند لغرفتها وراحت تتحمم ولما طلعت من الحمام بدت تنشف شعرها با لمجفف لأن شعرها ماشاالله مايحتاج لستشوار ناعم وطويل ولونه الرمادي زايده حلا وبعد ماخلصت من تجفيف شعره راحت تلبس لبست تنوره بيج طويله وبلوزه زهر ناعمه ماسكه على جسمه المخصر الطويل وراحت تحط مكياج ناعم لأنها اصلا مملوحه بدون المكياج بس البنات لازم يزيدون حلاهم يحبون التجديد وهي تلبس الاكسسوار رن موبايلها وشافت منهو داق لقتها صديقتها منى
هند0مرحبا بالغاليه الي ماشفناها من زمان
منى0هلا والله وش اسوي الطلعات ذابحتني كل يوم معزومين
هند0والعزايم هذي تخليكي تنسين اختك هند
منى0حشى والله اشغال الدنيا ما تنسين حبيبتي هنوده
هند0 طيب الحين قولي وش بغيتي بسرعه لأن امي اسمعها تنادين شكل اخوي خالد جاء لأننا نبي نروح لبيت عمي غانم
منى0 انا داقه عشان اقولك اني ابي ثوبك الاحمر عشان البسه لعرس ولد خالتي
هند0 الف مبروك
منى0الله يبارك بك وعقبالك
هند0 ضحكتين خليني اتخرج من الكليه اول وبعدين افكر بالزواج
منى0 طيب الثوب ماتحتاجينه
هند0 لا مااحتاجه ولو احتاجه بعطيكي اياه لأنه انا وانتي واحد
منى0 تسلمين ياعمري هذا من طيبك وجودك
هند0 يا الله مع السلامه ماتامرين على شي ثاني
منى0 لا تسلمين ياحياتي عا لعموم بكره ابمرك عشان اخذ الثوب
هند0 انا بنتظارك
وسكرت هند التلفون من منى ونزلت تحت
و منى و هند صديقات من ايام الطفوله و كبرن و دخلن قسم واحد بالكليه وهن مثل الخوات خصوصا هند تعتبرها كل شي لانه ماعندها خوات ماعندها الا اخوها خالد الي في ثانويه عامه
في بيت غانم و تحديدا في الصاله
غانم0 هلا والله بعيال اخوي صالح
هند +خالد 0 هلا فيك يا عم
غانم 0 وشلونك يا خالد وشلون دراستك
خالد0 الحمد لله هذاي شاد حيلي ولي يجيبه الله بنرضابه
غانم0 عاد نبيك تبيض وجيهنا وتجيب نسبه زينه مثل اختك هند
خالد0 لا عاد ماتوصل مثل هند ماشاالله هند شاطره وانا على قد حالي
غانم0 الي يشد حيله يحصل على كل شي و انشاالله اذا تخرجت ازوجك بنتي وفاء
خالد منصدم 0 خير ياعم
وبعد ماراح غانم و خالد للمجلس نزلن بنات غانم حصه اكبر من هند بسنتين و وفاء كبر خالد
هند0 هلا والله ببنات عمي
حصه +وفاء 0 هلا والله
وجلسن البنات في المقلط وقعدن يسولفن وبعدين ام خالد نادت هند ورجعو بيتهم وراح كل واحد لغرفته
ونام ولما اصبح الصبح قامت ام خالد وبدت تقوم عيالها
ام خالد 0 يالله يابنتي قومي لاتتاخرين على كليتك
هند0 انشالله يمه هذاي اقوم
ام خالد0 هند لما تقومين مري على اخوك خالد صحيه زين انا ابروح اجهز الفطور
هند0 مالي خلق اقومه دايم يهاوشني و يطردني من غرفته
ام خالد0 خلاص انا اقومه عشان ما تتهاوشون كالعاده
وعلى طاوله الفطور
ام خالد 0 يالله سمو ياعيالي
خالد0 يمه متى يرجع ابوي هالمره تاخر بسفرته
ام خالد0 صادق ياولدي بس هو يقول ان المشروع كبير و بيطول شوي
هند0 الله يرجعه لنا سالم
ام خالد0 ااااامين
قامت هند و خالد و طلعوا لمدارسهم
منى0 هلا هند كل عام وانتي بخير
هند 0 وانتي بخير يا عمري
منى0 هند وش رايك نروح الكافتريا بقى ساعتين على المحاضره
هند0 يلا نروح نشرب شي راسي مصدع بي نوم
في الكافتريا
منى0 يا الله بقى اسبوعين على زواج ولد خالتي
هند0 صحيح الله يعينكم على الخبه
منى0 الا قولي الله يعيني انا لانه ما اختب غيري
هند0 يا حظك يا منى تجتمعون انتم وخوالك مهب زينا
منى0 وانتم الى الحين ماتشوفون خوالك
هند 0 ايه الى الحين
منى0 تسمحين اسئلك سؤال و تجاوبيني بصراحه
هند0 ايه تفضلي مابيننا احراجات
منى 0 وش الي بينكم وبين خوالك
هند0 اااااااه لو تعرفين وش حجم المشاكل الي بيننا وبين خوالي
منى0 وشهي عسى ماشر
هند 0 المشاكل بدت من زواج امي لبوي تعرفين يا منى ان ابوي غني وان خوالي على قد حالهم وكانت امي دايم تحب تعطي اهله فلوس تساعدهم بس خالي الله يسامحه هو الي خرب كل شي اكتشفت امي بعد شهور من زواجها ان الفلوس الي يا خذهم خالي منها كان يا خذها عشان يشتري فيها مخدرات
منى 0 يعني خالك مدمن لا حول ولا قوه الا بالله
هند0 ايه يا منى ولما قالت امي لبوي عشان يساعدها في علاج خالي رفض ابوي يتدخل في المشاكل عشان مركزه و سمعته و منع امي تروح لاهلها ورفض انها تعطيهم فلوس في الاول امي عارضت بس ابوي هددها بالطلاق وامي ماقدرت تسوي شي لانها في ذاك الوقت كانت حامل فيني وماودها اني اتربى يتيمه الاب وصارت تطيع ابوي بكل شي وتركت اهلها وخالي زادت حالته وما قدر احد يساعده ولحاجته للفلوس صار مروج وبعد سنوات كبر شغل ابوي وصار اغلبه خارج المملكه و كثرت سفرات ابوي وامي قررت في يوم من الايام انها تزور اهلها عقب ماتوفى خالي وقالت في نفسه الي منعني زوجي عشانه مات وابروح ازور اهلي واخليهم يشوفون عيالي لاننا ماعمرنا شفناهم من الولاده ولما وصلت امي بيت اهلها كانت خايفه ودقت الجرس وفتحت الباب نوره خالتي
نوره منصدمه 0 مريم
مريم 0 ايه يا اختي انا مريم و ها ذولا عيالي هند و خالد شوفيهم
نوره 0 وبعد ايش جيتي بعد ما ذبحتي اخوي
مريم 0 انا ما ذبحته بس زوجي هو الي منعني
نوره 0 بس حنا اهلك
مريم 0انا عارفه بس هذا زوجي و ابو عيالي
نوره 0 والحين انتي وش تبين
مريم 0 انا جيت اشوفوفكم و اشوف امي وابوي
نوره 0 حنا مانبي نشوفك و لا نشوف عيالك
مريم 0 بس انا بنتكم وانتم اهلي
نوره 0 حنا مهب اهلك روحي للي ضحيتي بااهلك عشانه خليه ينفعك
وسكرت خالتي نوره الباب في وجه امي و امي بدت تبكي ووقفت تاكسي و رجعنا على البيت و امي طول الوقت تصيح و حاولت مع اهلها كذا مره بس كلهم ما يبون يشوفونها يحسون انها هي الي اذبحت اخوها يوم عارضت تساعده وبدت امي تكيف حياتها بعيد عن اهلها و تعودت على غياب ابوي و هذي هي كل القصه يا منى 00000000
منى 0 و الله ان قصتكم حزينه و ما ارحم الا امك
هند 0 ليش عشان اخوها مدمن
منى 0 لا بس الوحده منا لما تضيق به الدنيا مردها اهلها بس امك اهلها ما يبونها
هند 0 صدقتي يا منى محد يغني عن الاهل ابد
منى0 يا الله يا هند شكل المحاضره بدت
هند0 يل الله قبل ما تبدأ وننطرد بعد مثل كل مره
في مدرسه خالد
خالد 0وش لونك يا رائد
رائد 0 الحمدلله انت وش لونك بعد الاجازه
خالد 0 زين وينك امس ادق على موبايلك محد يرد
رائد 0 كان خربان و صلحته
خالد0 اقول رائد وش اخبار اهلك
رائد يغمز لخالد 0 من تقصد من اهلي حدد
خالد 0 بلا سخافه انا اقصدهم كلهم
رائد 0 اكيد و الا مستحي
خالد 0 الحين بتسكت والا اشلون مهب معناها اني احب اختك هدى اني اسئل عنها
رائد 0 قل و الله انك ما تقصده
خالد 0 اقول اسكت لا اهون احب اختك و اخليها تخيس عندكم
رائد 0 لا عاد الي حنا ميتين عليك اختي الف واحد يتمناها بلا منتك يا شيخ
خالد 0 لالالا امزح ابيها الواحد ما يمزح معك انا اسف
رائد 0 ايه كذا صر رجال يا المخفهه هذي اختي و تتكلم عنها كذا كأني جدار
خالد0 عاد ايقالك ما تدري والا مسوي فيها شديد
رائد 0 و الي يخاف على اخته يكون بنظرك شديد
خالد 0 لا ما اقصد بس انت تعرف اني احب اختك لانها طيبه من كلاامك عنه و انا ما عمري شفته
رائد0 و الا ناوي بعد تشوفها
خالد 0 ايه انشالله اذا خطبته
رائد 0 ايه اشوى احسبه قبل
خالد 0 اصلن انا ما ارضى على روحي ها الحركه
الظهر الساعه ثنتين رجع خالد و هند البيت و جهزت ام خالد الغداء و تغدو و كلن راح غرفته يرتاح وبعد اسبوع و تحديدا يوم الخميس كان موعد طياره ابو خالد
ام خالد0 خالد قم يا ولدي روح جب ابوك من المطار
خالد 0 يا يمه الطياره توها الحين الساعه 11 و الطياره توصل ثنعش و نصف الظهر
ام خالد 0 ولو يا ولدي رح اخاف ابوك يوصل وما يلقى احد
وفي ها الوقت دخلت هند على غرفه خالد و سمعت امها تحرص خالد على ابوه
هند 0 ايا عيني يمه كل هذا حب
ام خالد 0 استحي يا بنت الكلام ما ينقال قدام اخوك عيب
هند 0 لاعاد الا قولي ما ودك اواجهك با الحقيقه
ام خالد 0 انا اصلن ما احرص اخوك الا عشانكم و الا انا ما همني رجع و الا ما رجع
هند تغمز لخوها 0 خلاص يمه انا ما ابي ابوي يرجع ولا خالد يبي صح
خالد يخفي ضحكته 0 ايه صح كلام هند وش نبيبه خلاص ما راح اروح اجيبه
ام خالد 0 لا والله تروح اذا انتم ما تبونه انا ابيه ابو عيالي
هند0 هذاك اعترفتي و قولي بعد ما احبه
ام خالد 0 اكيد هذا ابو عيالي و عشره و انا وياه
وبعد وصول ابو خالد الكل كان مستقبله في الصاله
ام خالد 0 الحمد لله على السلامه يا ابو خالد
ابو خالد 0 الله يسلمك يا ام خالد
ام خالد 0 عساك ما تعبت
ابو خالد 0 لا الحمدلله
هند0 وشلونك يبه وراك طولت ها المره اشتقنالك
ابو خالد 0 تشتاقلك العافيه يا بنيتي بس الشغل تعرفين
هند 0 الله يكون بعونك
ابو خالد 0 ام خالد لا تحسبوني على الغداء انا تعبان و ابروح انام
ام خالد 0 عسى ما شر خلاص تغداء اول و بعدين رح ارتاح
ابو خالد 0 لا انا مالي نفس اكلت اشوي با الطياره
ام خالد 0 على راحتك خلاص لاقمت تتغداء
استغربت ام خالد من ابو خالد لانه اول مره يقول ما ابي اتغدى لانه هو دائما اذاجاء من السفر يقول اباكل من طبخك لو انا شبعان و قالت اكيد تعبان وراحت و جهزت الاكل لعيالها 000000000
ولما صحى ابو خالد من النوم اخذله حمام و لبس
ام خالد 0 وين يا ابو خالد انا جهزت لك الغداء
ابو خالد 0 لا انا ما ابي اتغداء ابروح للشركه وراي شغل ضروري اخلصه
ام خالد 0 لا تتاخر عشان نجلس معك للأننا ما شفناك
ابو خالد من غير نفس 0 انشالله
لما جاء وقت العشاء ام خالد دقت على موبايل ابو خالد بتشوف ليش تاخر
ام خالد 0 اعوذبالله على ابوك كل هذا يسولف ادق كله مشغول
خالد 0يمكنه يكلم احد العملاء تعرفين ابوي رجل اعمال ومن المتوقع ان يكون جواله دايم مشغول
ام خالد 0 عاد ساعتين مهب معقوله و الله لو بيبني عماره كان بناها
خالد0 عاد هذا زوجك وش نسوي
ام خالد 0 والله صادق يا ولدي لازم نرضى على الحلوه و المره
وبعد جهد جهيد رد ابو خالد
ابو خالد بعصبيه 0 نعم وش بغيتي انتي فرحه انه معك جوال عشان تزعجين الناس
ام خالد 0 لا يا ابو خالد بس خفت عليك و اتصلت عشان اشوف وينك
ابو خالد 0 ليش انا بزر تخافين علي و بعدين انتي مالك خص انا وين
ام خالد 0 طيب انت متى بتجي
ابو خالد 0متى ما اخلص شغلي ليش
ام خالد 0 خلاص حنا بنتظارك مع السلامه
سكرت ام خالد التلفون وهي مستغربه من اسلوب زوجها عمره ما كان با الخشونه معها و لما وصل ابو خالد البيت
ام خالد 0 تفضل العشاء جاهز
ابو خالد 0 تعشوا انا تعشيت
ام خالد 0 ليش انا قايله لك اننا نبيك تتعشى معنا اليوم
ابو خالد 0انتي مالك خص اسوي الي انا ابي ما نقص الا نسمع كلام الحريم
هند 0 وش فيك يبه معصب علينا
ابو خالد 0 ما تشوفين امك كأنها تحقق معي
هند0 هذا جزاها خايفه عليك و مسويه الاكل الي تحبه
ابو خالد 0 انا ما ابي احد يدخل بي سامعين الكلام والا لا و ابروح ارتاح و مابي احد يزعجن
دخل ابو خالد غرفته و ترك الكل مستغرب من تصرفاته لانه اول مره يكون معصب كذا
ابو خالد0 هلا يا عمري اسف تاخرت عليك بتصالي
مروه 0 ما عليه يا حبيبي بس اولي انت كنت فين ابل ساعه
ابو خالد 0 كنت عند عيالي
مروه 0 و امهم جالسه معاكم
ابو خالد 0لا يا حبيبتي انا ما جلست معاهم بس كلمتهم و قلت لهم ما ابي عشاء و دخلت غرفتي و كلمتك
مروه 0 طيب يا حبيبي امتى عايز تقي عندي
ابو خالد0 انشالله اذا خلصت اشغالي جيت لمك بمصر
مروه 0 وشغلك ده يخلص امته
ابو خالد 0 يمكن بعد اسبوع و ابجي بسرعه لاني مشتاقلك
مروه 0 اكيد بتشتالي لانك متجوزني بألك كم اسبوع
ابو خالد 0 صحيح بس لو انا متجوزك لي عشر سنين بعد بشتاقلك
مروه 0 طيب يا عمري امته بتعلن جوازنا
ابو خالد 0 انشالله باقرب وقت
مروه 0 بس متتاخرش انت وعدتني ان جوزنا بيكون سر مده اسبوعين و انتى متجوزني بألك تلات اسابيع
ابو خالد 0 انشالله بعلن زواجي واجيبك تعيشين معي بس اصبري اضبط اموري قبل
مروه 0 انا بنتظارك حياتي
ابو خالد 0 بحفظ الله
ابو خالد تزوج على ام خالد من وحده مصريه بدون ما يقولها و هذا سبب تغيره على عياله
هند 0 منى وش رايك بلبس البنت الي مرت هذي
منى 0 عادي بس لانه هادي طالع يجنن النعومه دائما حلوه
هند 0 و انتي صادقه النعومه اهم شي لو هو عادي و مايكلف الحين الناس دايم يحسبون ان الغالي هو الحلو مثل هذي الي قدامنا
منى 0 عسى الي لابسه بلوزه صفراء
هند0 ايه هذي شوفي بلوزته تقولين رايحه على عرس مهب بالكليه و مكان علم
منى 0 ايه والله بس تدرين هالبلوزه الي تتكلمين عنها بكم
هند 0 يعني بكم بميتين
منى 0 لا وانتي الصادقه باربع ميه ريال
هند0 اعوذ بالله ادفع هالمبلغ عشان بلوزه عاديه مثل هذي
منى 0 عاد هذي عقول البنات يحسبون الكشخه بالي تدفع اكثر
هند0 صدقتي الحين با الزمن ميزان الجمال بالفلوس وبس ما يناظرون الوحده الا اذا كانت تملك فلوس كثيره اما الوحده الي تملك قلب ابيض صافي محد يناضرها لانه ما معه فلوس
منى0 هذا الزمن زمن الفلوس و المصالح وبس معك فلس تسوى فلس ما معك فلس ما تسوى شي ولا احد يناظرلك
هند0 مع انه انا الله منعم على ابوي بس ما اسرف مثل هالبنات الا بالمعقول يعني
منى 0 تدرين مهب ضروري هالبنات يكونون اغنياء بعضهن يضغطون على اهلهن عشان يكشخن
هند 0 و الله حرام يحرمون اهلهن من اشياء مهمه عشان اشياء تافهه
منى 0 الا قولي الله يهديهن و يصلحهن
هند 0 اااامين
وبعد اسبوع
ابو خالد 0 ام خالد جهزي شنطتي اليوم باليل ابسافر لمصر
ام خالد 0 ليش بتروح وش عندك بمصر
ابو خالد 0 انا قلت جهزي اغراضي ولا تقعدين تحققين اروح للي ابي
ام خالد 0 يعني مهب من حقي اسئل زوجي ليش بيسافر وهو ما عنده شغل
ابو خالد 0 لامهب من حقك مالك شغل بي
ام خالد 0 ابو خالد انت ليش متغير علينا حنا وش سوينا لك لا تحب تشوفنا ولا تقعد معنا
ابوخالد0 من عمايلكم ما يجيكم الواحد بدال ما تريحونه تقعدون تحققون معه يالله يلا كلام زايد روحي جهزي الي قلت لك الطياره ما بقاله شي و يجي وقته
ام خالد 0انشالله
بعد ماراح ابو خالد ام خالد نادت عيالها في الصاله
هند0خير يمه وش فيك و ابوي ليش سافر
ام خالد 0 و الله ماادري يابنتي رفض يقولي ليش
خالد0 يمه ابوي وش فيه صاير كذا عصبي
ام خالد0 والله يا ولدي انا ناديتكم عشان اسئلكم وش فيه لاني مستغربه تصرفاته
هند0 صادقه يمه ابوي كثير تغير بس ما ادري وش سبب تغيره
ام خالد 0 صارحوني يا عيالي انا مقصره مع ابوكم بشي انا مظايقته
خالد0 حاشاك يمه انتي ماقصرتي ولا شي انتي سويتي لبوي الا ولا زوجه سوته لزوجه من رعايه وطيبه و خصوصا انك تخليتي عن اهلك عشانه هذي اكبر خدمه و اميد ابوي ما نساها بس هو تعبان او مضايق
هند0صحيح يمه كلام خالد و المفروض ابوي يعوضك عن اهلك لانه هو الي حرمك منهم ولازم يصحح غلطته
ام خالد 0 انا يا عيالي ماابي من ابوكم شي بس ابيه يكون مثل قبل في تعامله معي ولا ابيه يعوضني عن اهلي لان اهلي بقلبي ومافي احد يقدر يعوضني عنهم بس انتم يا عيالي قدرتم تخففون عن بعد اهلي عن
خالد 0 الله يطول بعمرك يمه ويخليك لنا
ام خالد 0 تسلم يا ولدي وقل الله يطول بعمري عشان ازوجك و اشوف عيالك انت و اختك قول امين
خالد 0 ااااااااااامين
بعد وصول الطياره في مصر
ابو خالد 0 هلا حياتي وش لونك
مروه0 الحمدلله على السلامه يا حياتي ازيك
ابو خالد 0الحمدلله انتي وش اخبارك
مروه0 انا بدونك مش كويسه و زعلانه منك
ابو خالد 0 افاااا كل شي يهون الا زعل زوجتي مروه
مروه 0 بس زوجتك مروه عايزه تقولك خبر حلو اوي
ابو خالد 0 تفضلي قولي فرحيني
مروه 0 انا000000انا حامل
ابو خالد 0صحيح الف مبروك
مروه 0 مبروك علينا كلنا
ابو خالد 0 عاد لا تعبين روحك ترى صحتك غاليه علينا
مروه 0 تسلم يا حبيبي بس امتى حا تا خدني معك للسعوديه
ابو خالد0 انشالله لما ارجع اقول لعيالي و اجي و اخذك
مروه 0 صحيح بس فين بنسكن اكيد بتشتري لي فله
ابو خالد0 لا ماراح اشتري راح تسكنين معي في بيتي
مروه مصدومه 0 و اسكن مع عيا لك
ابو خالد 0 ايه والا ماتبين عيالي
مروه بخبث 0 لا يا حبيبي انا عوزاهم بس اخاف هم مش عوزيني
ابو خالد0 الي مايبيك لايعيش معي انا ما ابيه خصوصا انك حامل يعني ما همني احد
مروه 0 على رحتك حبيبي انا مش حمشي الا على رايك
في السعوديه
خالد 0 هلا رائد وينك
رائد0 انا في البيت جالس انتظر اختي هدى تتجهز ابوديها لخالتي و اجي لمك با لكافي
خالد0 طيب ما تبي اجي انا اودي اختك بلا ما تتعب نفسك
رائد 0 هاااااه اشوفك بديت تتطاول اثرك ما تنعطا وجه
خالد0 مافيها شي مهب بتكون زوجتي
رائد 0 لما تكون زوجتك وده و جبه على راحتك بس الحين حامض على بوزك
خالد 0 اطلب منك طلب و تنفذلي اياه بدون زعل
رائد0 اطلب و خلصني
خالد0 سلملي على هدى
رائد0 اكيد استخفيت و تماديت بعد
خالد0 انت سلم عليه عشان اشوف هي تبين ولا لا
رائد0 خلاص بس هالمره
خالد0 مشكور يا اغلى انسان و لاتتاخر انتظرك با الكافي بااااي
وفي سيارة رائد
هدى0 متى انشالله بتجي تاخذن من خالتي
رائد 0 انا ابروح لم صديقي خالد ولما اخلص منه ابجي لمك
هدى لما اسمعت اسم خالد طارت من الفرحه لانه هي تبادله نفس الشعور
رائد0 هدى وش فيك سرحانه
هدى0 هااااه لابس كنت افكر با الامتحانات بعد بكره وخايفه
رائد0 ليش تخافين وانتي بثاني ثانوي مهب مثلي ثانويه عامه يعني اسئله الراسه
هدى0 كله واحد الامتحان امتحان مردك بتدرس
رائد0 هدى ابقولك شي
هدى0قول وش بغيت
رائد 0 خالد صديقي يسلم عليك
هدى فز قلبها 0 نعم وهو ليش يسلم علي يعرفني
رائد 0 الصراحه خالد وده يتقدم لك و يعرف رايك قبل ما يتقدم رسمي
هدى0 انا اتزوج خالد بس ما اعرفه
رائد0 وانتي لازم تعرفينه يكفي انه صديقي و انا اعرفه هااااه وش رايك
هدى0 قوله الله يسلمك
رائد عرف قصد اخته انه موافقه اول ماوداها بيت خالتها على طول راح لخالد
خالد0 وين كان نمت با الطريق
رائد 0 وش اسوي بيت خالتي بعيد
خالد0 هاااه قلي وش صار بالي وصيتك
رائد يغيض خالد0 ماصار شي اصلا نسيت اقوله
خالد0 يا الغبي احد ينسى شي مهم مثل هذا
رائد0 هذا مهم لك مهب لي وبعدين لاتقول غبي
خالد0 وش ازين لك عاد اوصيك وتنسى
رائد0 امزح عليك مانسيت قلتلها
خالد0 صدق وش قالت
رائد0 قالت قله الله يسلمه
خالد0 يعني وش معناه ما فهمت
رائد0 افهمه مثل ما تبي تفهمه
خالد 0 يعني وافقت
رائد0 شكله انا ما ادري بس حسيت انه موافقه
خالد0 الله يا نا فرحان و طاير من الفرحه بعد مشكور يا رائد على الخبر الحلو
رائد0 لاشكر على واجب بس قلي متى ناوي تتجوز
خالد0 اول ما اخلص الثانويه و ادخل الجامعه اخطبه
رائد0 و الشغل وشلون بتفتح بيت
خالد0 انا يا رائد بدرس و العصر بشتغل بشركة ابوي يعني مستقبلي مضمون لا تخاف على اختك ابوي ماراح يقصر معي
في بيت ابو خالد
ام خالد0 الحمدلله على السلامه يا ابو خالد
ابو خالد0 الله يسلمكم و مبروك يا خالد اخيرا نجحت وتخرجت من الثانويه
خالد0 الله يباركبك يبه
ابو خالد0 و انتي يا هند عساك ما حملتي مواد ها لمره
هند0 لا الحمدلله يبه هالمره نجحت بكل المواد
وبعد يومين ابو خالد طلب من ام خالد ان الكل يجتمع في الصاله بعد صلاه المغرب يبيهم بموضوع
خالد0 خير يبه تقول امي انك طالبنا
ابو خالد0 خير يا ولدي لا تخاف لما تجي اختك اقولكم
دخلت هند الصاله
هند0 السلام عليكم
ابو خالد0 وينك يا بنيتي ليش تاخرتي
هند0 كنت اكلم منى صديقتي على التلفون
ابو خالد0 انا يا عيالي جمعتكم اليوم عشان ابكلمكم بموضوع مهم و ابيكم ما تقولون شي الا لما اخلص
خالد0 تفضل يبه حنا نسمعك
ابو خالد0 تعرفون يا عيالي ان اغلب شغلي برا المملكه و انا دايم اسافر و تعرفون ان لي شريك مصري اسمه محمد
خالد0 ايه يبه اعرفه الي انت دايم تمدح فيه صح
ابو خالد0 ايه يا ولدي هذا محمد جاء لمي في يوم من الايام وقعد يسولف معي ويسالني عنكم
محمد0 كم اولادك يا صالح
ابو خالد0 انا لي اثنين بنت و ولد
محمد0 انسان بمثل عمرك و مركزك ماله الا ابنين غريبه والله هي
ابو خالد0 ليش اثنين نعمه و الحمدلله
محمد0 لا يا صالح انا لي عشر اولاد من مراتي الاول و خمس اولاد من مراتي التنيه
ابو خالد0 مهب كثيرين احس صعبه تربيهم
محمد0 لا كترين ولا حاقه الولاد لما تشوفهم بيتنططو اودامك بتحس انك شباب و انهم بيجيبو ذكرك بعد ما تموت
ابو خالد0 صدقت بس حنا كبرنا خلاص راحت علينا
محمد0 لا يا صالح لا تقول كذه انت لس بعز شبابك و تقدر تجيب بدال الولد اربعه
ابو خالد0 لا صعبه يا محمد زوجتي مستحيل تحمل بعد ها العمر بيكون مضر لها
محمد0 ومين الك تجيب اولاد منها
ابو خالد0 وش قصدك يا محمد
محمد0 انا ااصد انك تتقوز مره تانيه تقبلك ولاد و ترقعلك شبابك
ابو خالد0 ضحكتني يا محمد و منهي الي بترضابي بعد ها العمر
محمد0 لا تقول كذه يا صالح انت لس بعز شبابك والف وحده تتمناك لا تنسى انك غني
ابو خالد0 صدقت يا محمد بس وش اقول لعيالي و زوجتي اخونها بعد ها العمر حرام
محمد0 انت ما خنتهاش الشرع محللك اربعه
ابو خالد0 صحيح بس احسه صعبه اني اقولهم
محمد0 لا صعبه ولا حاقه انت قولهم انك عايز ولد و اكيد بيعزروك
ابو خالد0 صحيح اني ابي عيال يملون علي البيت عيالي كبرو و ما بقى عليهم شي و يتزوجون
محمد0 صحيح وانا على امرك في الي عاوزه حنفز هولك بس انت اامر
ابو خالد0 ما يامر عليك عدو بس وشلون اخطب وانا لحالي وما معي احد اكيد بيرفضون ومن اخطب بعد
محمد0 ما تخفش انا حا اجوزك البنت الي بتستهلك وهي رهن اشارتك
ابو خالد0 منهي قول شوقتني
محمد0 ايه رايك باختي مروه مخلصه التانويه من تلات سنين
ابو خالد0 بس صغيره علي كثير
محمد0 لا يا ابو خالد احنا عوزين لها رجال كبير عشان يصنها و يكون فاهم ويحميها
ابو خالد0 يعني ما عندك مانع اتقدم لها بكره
محمد0 لا و الف مبروك مقدما
ابو خالد0 وبعد ما خطبتها يا عيالي و وافقو تزوجتها
هند0 شلون وش تقول يبه
ابو خالد0 هند ارجوك اصبري لما اخلص كلامي وبعدين تكلمي
وبعد ما تزوجتها سكنتها بشقه في مصر و الحين هي حامل ولازم اجيبها تعيش معي في هالبيت لانها مالها احد هنا راح تكون وحيده وانتم راح تكونون اهلها و اخوانها هاااه وش قلتو
ام خالد منصدمه ما قالت شي تحس ان الكلام ما يطلع من السانها
هند0 ليش يبه تسوي كذه حنا وش سوينا لك امي ما قصرت معك بشي
ابو خالد0 انا ما قلت ان امك مقصره بس انا ابي عيال
خالد0 عقب هالعمر تقول وانت منول تقول ما ابي عيال كثير عشان اقدر اربيهم
ابو خالد 0 صحيح هذي كانت وجهه نظري بس انتم كبرتو وانا ابي اطفال العبهم
هند0 ليه ما صبرت وتزوج خالد وتلعب عياله
ابو خالد0 لا يابنتي انا ابي عيال يحملون اسمي واذا على الاطفال كان جبت طفل من دار الايتام عشان العبه
خالد0 طيب يبه ليش ما تخليها تعيش لحالها حنا ما نبيها
ابو خالد0 انا ابيها وبعدين عشان ما اتعب من المشاوير الا اذا كنتم ما تبوني اجي لمكم و ازوركم
هند0 يعني لو تخليها لحالها ماتجي لمنا
ابو خالد0 اكيد صعبه اخليها بروحها هي صغيره وتخاف
خالد0 طيب يبه ماراح تغير رايك
ابو خالد0 انا قلت كلمه وماراح اغيره مروه راح تجي هنا الاسبوع الجاي و ابيكم تعاملونها زين خصوصا انت يا ام خالد انا اعرف حركاتكم يا الحريم
ام خالد نزلت دمعه منها 0الله يخليك لا تجيبها عندي ما اقدر اشوفها تاخذ مكاني عندك
ابو خالد 0 مكانك محفوض ولا راح اتغير عليك بس انتم لا تتضايقون هذا حقي
طلع ابو خالد من البيت و خلاء كل الموجودين يبكون و مستغربين من ابوهم وشلون صار كذا
عقب الحنان و الطيبه
ام خالد تعبت وبدت تصيح وحست بحاجته لاهلها بس وشلون تروح لمهم وهم ما يبونها
بعد اسبوع جاء ابو خالد من مصر وجاب زوجته
ابو خالد0 يا عيالي تعالو شوفو خالتكم
هند0 هلا يبه الحمدلله على السلامه
ابو خالد0 وراه ما تسلمين على مروه و بعدين وين اخوك و امك
هند0 هلا مروه و اخوي يبه طالع وامي فوق
مروه 0 اهلا فيك يا حببتي
وجاء خالد و سلم على ابوه وزوجته وراح لغرفته مقهور
هند0 يمه افتحي الباب انزلي ابوي يبيك
ام خالد0 قولي له اني تعبانه و ما اقدر انزل
هند0 بس ابوي يقول لازم تجين تسلمين
ام خالد0 صعبه يا بنتي انزل وشلون اشوف ابوك مع وحده غيري ما اقدر
هند0 يمه الله يهديك وحنا وش بيدينا الا اننا نرضخ للامر لاننا مجبورين
ام خالد0 خلاص هو تزوج بس ليش يجيبها عندي انا ما ابيها
هند0 وش نسوي يمه الله يخليك انزلي تراه ابوي معصب بعدين يخليها عذر عشان يخليك ولا يجي لمنا و يقعد طول الوقت عندها
ام خالد0 كيفه انا راضيه انا ما ابيه ها الخاين
هند0 بس حنا ما رضينا يا يمه عشاني روحي
ام خالد 0 خلاص عشانكم ابروح وادوس على كرامتي
في الصاله
مروه 0 ماشاالله يا صالح بيتك بيجنن
ابو خالد0 هذا مو بيتي هذا بيتك و بيت اعيالك
ام خالد0 الحمدلله على السلامه يا ابو خالد
ابو خالد0 هاااا جيتي اخيرا وش تسوين بغرفتك ليش ما جيتي تسلمين علينا
ام خالد0 كنت بغرفتي تعبانه شوي
مروه0 ازيك يا ام خالد
ام خالد0 الحمدلله
ابو خالد0 يالله قوليلهم يا ام خالد يحطون العشاء
ام خالد 0 انشالله
عاشت مروه في بيت ام خالد وبدت تخطط عشان ابو خالد يحطلها فله بروحها
ابو خالد0 هااااه حبيبتي كم بقالك وتولدين
مروه0 بعد تلات اشهر حاولد بس مين حايخدمني لما اولد
ابو خالد0 انا ما عجبتك اخدمك لين تقومين بالسلامه
مروه0 بس انت راح يكون اغلب وقتك في الشركه
ابو خالد0 انا اذا رحت لشغلي عيالي يساعدونك
مروه0 يمكن اولادك ما يرضوش
ابو خالد0 اذا عيالي مارضو اخلي ام خالد تساعدك اكيد هي ما راح ترفض و خصوصا اني انا الي ابطلب منها
موه ابتسمت بخبث لانها راح تحقق الي تبيه وهو انه في هذي الفتره تحاول تسبب مشاكل بينه وبين
ام خالد عشان تطلع في بيت بروحها وتقدر تسيطرعلى ابو خالد بعيد عن عياله وزوجته
هند0 هلا والله بمنى زارتنا البركه
منى 0الله يعافيك وش اسوي اشتقتلك قلت اروح لم اختي العزيزه هنوده
هند0 تسلمين حياتي
منى0 هذي هي مرت ابوك الي مرت من شوي
هند0 ايه هذي
منى0 شكلها صغيره وش لون اهلها رضو يزوجونها واحد كبر ابوك
هند0 الفلوس يل منى تخلي الواحد يبيع نفسه مهب اعياله بس
منى0 صدقتي الفقر يخلي الواحد بدون عقل خصوصا الاجانب يدوخون على الخليجين علشان فلوسهم عمومن ياهند انا جيتك بموضوع
هند0 خير تفضلي
منى 0الصراحه اخوي بدر طلب مني ادورله عروس
هند0 ما شاء الله يبي يعرس
منى 0ايه ياهند اخوي بدر بعد الكليه لقى وظيفه وهو الي يصرف علينا انا وامي بعد ماتوفى ابوي يعني اخوي رجل بيت من زمان
هند0 طيب لقيتيله البنت الي طلبها
منى0 ايه انا لا قيتله من زمان واتمنى اخوي ياخذها اليوم قبل بكره
هند0 منهي عساي اعرفها بس
منى0 اكيد تعرفينها لا بعد تعرفينها بلحيل
هند0 اصراحه شوقتيني اعرف منهي
منى0 انت ياهند الي ابيها لخوي
هند0 اااانا يامنى الصراحه فاجئتيني
منى0 ليش فاجئتك والا اخوي مابصلح لك
هند0 لا حشا اخوكي مافيه شي بس انا ما افكر بالزواج
منى0 ليه انتي مهب صغيره يعني في سن الزواج
هند0 ماادري بس اذا كنتي تبينن لخوك اجلي الموضوع اشوي
منى0 خلاص انا مهب مستعجله متى ما تفكرين زين عطين خبر
هند0 انشاء الله
هند كان ودها توافق بس خافت انها اذا وافقت تخلي امها بروحها مع مروه وخصوصا مروه بدت تسبب مشاكل في البيت بعد الولاده ودايم تتهم امها بانها تبي تنتقم منها وابو خالد دايم يعصب على
ام خالد
مروه0 يا ام خالد 000000ام خالد انت صمخه ما تسمعين صوتي وانا انده عليكي
ام خالد0 نعم وش بغيتي ابروح انام مهب حطيتلك عشاك وش بغيتي
مروه0 انا عيزاكي تنيمي ابني انا تعبانه مش ادره امسكه ومبعرفش ارضعه ولا انيمه
ام خالد0 محد قالك تحملين وتتزوجين قبل ما تتعلمين وراه اهلك ماعلموك
مروه0 يعني مش حاتخدي الولد وتنيميه عندك هالمره مانتي كنتي تنيميه عندك ليه بترفضي دلواتي
ام خالد 0 انا كنت اخذه و انتي تعبانه بس الحين انتي اقوى من
مروه0 انا ما احبش حد يعيط عندي خديه انتي متعوده على عياطه كل يوم
ام خالد0 والله هذا ولدك مهب ولدي تصبحين على خير
مروه0 طيب يا ام خالد حا تشوفي انا هعمل فيكي ايه خلي غرورك ينفعك اما وريتك
ابو خالد0 هاه مروه وش بغيتي ليه تناديني
مروه0 تعال يا صالح شوف ام خالد بتعمل فيني و في ابنك ايه
ابو خالد0 خير وش سوت بعد
مروه بخبث 0انا ندهت عليها عشان تحط العشاء ليه رفضت و قالت قومي انتي وتعشي لوحدك انا مش خدامه تصور ياصالح ضربت ابني و بهدلتني وقالت لي انتي فقيره و شحاذه عشان كذه اخذتي زوجي والا في وحده بترضى بواحد شيبه انا احسه كبير عليا فما بالك انتي كم بينك و بينه وانا الصراحه يا صالح اتجوزتك لاني بحبك مش عشان الفلوس يا صالح هي داست كرامتي وانت لازم ترجعلي كرامتي و كرامت ابني الي هو ابنك
ابو خالد وهو معصب 0 طيب يا مريومه كل هذا يطلع منك وانا احسبك هاديه
مروه0 مين الي هاديه مريم انت ماتعرفش بتعمل ايه اذا خرجت انت من البيت بتخليني خدامه عندها وتزلني هي و اولدها وانا ما حبيت اني اقولك عشان هي هددتني انها تطردني من البيت وقالت ان البيت بيتها مش بيت ابو خالد و عشان ما يكون بينك وبين عيالك مشاكل
ابو خالد0 اما وريتك يا مريم خلاص يا حبيبتي لا يضيق صدرك الحين راح ارجعلك كرامتك
مروه فرحت لان خطتها نجحت وقدرت تخلي ابو خالد يصدقها بكل الي تقوله
ابو خالد0 افتحي افتحي يا ام خالد
ام خالد 0 خير يا ابو خالد وش تبي هالوقت حنا بنص الليل
ابو خالد 0 منين بيجي الخير وانتي ماخليتي احد بحاله
ام خالد0 ليش انا وش سويت
ابو خالد0 لا ما سويتي شي يا مدام و خصوصا مع مروه
ام خالد0 انا ما سويت لها شي هذا جزاي اني ساعدتها طول فتره نفاسها و دست على كرامتي
ابو خالد0 مبين يامريم انك ما سويتي شي انتي ما تعرفين تمسكين السانك الي يبيله قص
ام خالد0 خير يا صالح انا وش سويت
ابو خالد0 انت ليه مسويه كذا مع مروه ليه ما زينتي لها عشاها وليه دايم تهينينها
ام خالد0 وش تقول يا صالح انا مجهزه لها عشاها وما عمري هنتها ولا قلت لها أي كلمه تجرحها با لعكس هي الي تجرحني
ابو خالد0 بلا كلام فاضي ولا عمري اسمع انك سويتي لهل شي فاهمه
ام خالد0الحين تدافع عن المصريه وتخليني انا ام عيالك
ابو خالد عطى ام خالد كف 0 لاعمري اسمعك تقولين مصريه مروه زوجتي وراعيه البيت واللي ما عجبه الباب يوسع جمل
ام خالد0وانا يا ابو خالد مهب راعيه البيت
ابو خالد0 لا انتي كنتي راعيه البيت بس ما قدرتي تحافظين عليه و انا ماابيك و كرهتك عقب عمايلك هذي
ام خالد0 يعني بطلقني بعد هالعشره
ابو خالد0 لا ماراح اطلقك عشان عيالك بس لو اسمع انك مسويه شي لزوجتي راح ارميك في الشارع انتي وعيالك
هند0 يمه وش فيك انتي وابوي اصواتكم مرتفعه عسى ماشر
ام خالد وهي تصيح 0 ابوك ضربني ياهند بعد هالعمر ومن عشانه عشانها هي
هند0 نعم 0000 يضربك والله لااوريها بنت الفقر هذي جاها فلوس وتكبرت
ام خالد0 لايا بنيتي لا تسوين شي لان ابوك خلاص ماعاد لنا اغسلت مخه هالمصريه
هند0 يعني ابوي ماعاد يحبنا مثل قبل
ام خالد0 يا بنيتي انتي لا تسوين مشاكل ترى ابيوك يدور علينا الزله عشان يروح و يتركنا وهو يعرف انه مالنا غيره
منى0 الو هند وش لونك
هند0 الحمدلله انتي وش لونك
منى0 بخير بس وش فيه صوتك مبحوح
هند0 لا يا منى مافي شي بس تعرفين المشاكل كل مالها وتزيد
منى0 الله يكون بعونكم انتي بس اصبري
هند0 انشاءلله
منى0 وش صار عليك فكرتي بلموضوع ولا لا
هند0 الصراحه فكرت وانا موافقه بس بشرط يامنى
منى0 مادامك وافقتي اشرطي الي تبين وش بغيتي
هند0 انا ابي امي تعيش معي مااقدر اتزوج واخليها بروحها مع ابوي وزوجته
منى0 واخوك خالد وينه
هند0 اخوي خالد رجل ودايم برى البيت ويمكن يتزوج وزوجته تعذب امي زياده
منى0 الصراحه ما ادري وش اقولك امك بعيوننا بس لازم اخذ راي اخوي و امي
هند0 خلاص خوذي رايهم و قوليلي
منى0 مع السلامه
منى استغربت طلب هند بس مارفضته لان ام خالد صديقه ام بدر من زمان يعني اكيد ماراح ترفض امها
منى0 الف مبروك يا اخوي
بدر0 مبروك على وشو
منى 0 هند وافقت تتزوجك
بدر0 صحيح الله يبشرك بلخير هذا احسن خبر سمعته
منى0 بس يا اخوي هند شرطت شرط
بدر0 بس شرط لو تبي عيوني عطيتها
منى0 لا ماتبي عيونك من زينهم بس هي تقول ما تقدر تخلي امها بروحها يعني تبيها تعيش معنا
بدر0 مافيها شي امي وامها صديقات من زمان يعني امي مستحيل تعارض
ام بدر0 خير يا وليدي وش بغيت
بدر0 دريتي يمه ان هند وافقت تتزوجني
ام بدر 0 صحيح ياوليدي الف مبروك تستاهل هند بنت حلال و طيبه
بدر0 يمه هند شرطت شرط وارجوك وافقي عليه
ام بدر0 خير يا وليدي اذا كان شرط مايبعدك عني اكيد بوافق بدون تردد
بدر0 الصراحه هي تقول انه ما تقدر تخلي امها و تتزوج وامها تقعد مع ابوها ومرت ابوها يعني هي تبي تاخذ امها تعيش معنا
ام بدر0 الله يحيها هي وامها وانت تعرف ان امها صديقتي من زمان يعني راح تونسني
بدر0 مشكوره يمه هذا العشم بك يا ام بدر
ام بدر0 ام خالد اختي واذا ما ساعدتها منهو اجل بيساعدها
منى0 هند الف مبروك اهلي وافقوا على شرطك
هند0 صحيح مشكورين وتقدرون تتقدمون و تروحون لبوي
منى0 خلاص حنا نبي نجي عندكم يوم الخميس قولي لهلك
هند0 على بركه الله مع السلامه
في المجلس في بيت ابو خالد
خالد0 يبه ابطلب منك طلب
ابو خالد0 انت تامر يا ولدي وش بغيت
خالد0 يبه ودي اتزوج
ابو خالد0 اصبر يا ولدي لما تتخرج وتشتغل
خالد0 الصراحه يبه انا ودي اتزوج الحين وبعدين الكليه بقالي اربع سنين وابطول وانا ابي اتزوج وادرس والعصر اشتغل معك في الشركه
ابو خالد0 خلاص ياولدي مدامك تبي وانا انشاءلله بكره اكلم عمك غانم واخطب وفاء لك
خالد0 لالا يبه انا مابي وفاء بنت عمي غانم انا ابي وحده ثانيه
ابو خالد0 نعم تبي وحده ثانيه انت تبي تفرق بيني وبين اخوي عقب هالعمر
خالد0 بس يبه انا اعتبر وفاء مثل اختي
ابو خالد0 لا يا خالد انسى تاخذ غير بنت عمك لوهي رفضتك كان مايخالف بس انت لا انت نسيت اني يوم كنتو صغار وانا اقول خالد ل وفاء
خالد0 بس يا يبه انا ماابيها والكلام انا ماقلتلك قله وبنت عمي الله يرزقها بولد حلال غيري
ابو خالد0 مستحيل الا اذا عمك غانم وافق انا اوافق بس مااظن
خالد0 خلاص يبه انا اكلم عمي غانم واقنعه
ابو خالد0 بس لاتدخلني انا مالي شغل تتزوج بنت عمك ولا غيرها الاهم اني ما اتمشكل مع اخوي فاهم
خالد0 انشاءلله يبه
يوم الخميس العصر
ابو خالد0 ليش يا ام خالد اهل منى رفيقه هند بيجون لمنا
ام خالد0 لما يجون راح نعرف
ابو خالد0 هلا والله بولدي بدر
بدر0 هلا فيك يا عمي
ابو خالد0 وينك ياوليدي مانشوفك من عقب وفات الوالد انقطعت اخبارك ماصرنا نشوفك
بدر0لايا عمي بس انا كنت طول الفتره مسافر اكمل دراستي والحين رجعت واشتغلت
ابو خالد0 الحمدلله على سلامتك
بدر0 الله يسلمك الصراحه يا عمي انا اليوم جاي عشان ابي اناسبك واخطب بنتك هند وش رايك
ابو خالد0 انت تشرفنا بس لازم اخذ راي البنت
بدر0 اكيد ياعمي خوذو راحتكم انا منب مستعجل
مروه0 اموت واعرف بدر ده ليه جاي يزورنا
هند0 لما يجي ابوي اسئليه انا وش عرفني
مروه0 عليا الكلام ده اخو صاحبتك بيجي وانتي ماتعرفيش ليه
هند0 يعني اكذب عليك
مروه0 اسئلي نفسك ياحببتي
هند0 اقول الزمي حدودك قبل ماتشوفين شي عمرك ماشفتيه مابقى الا تشككيني بنفسي
ابو خالد0 وش فيكم كذا تصارخون
مروه0 اسئل بنتك من الصبح وهي مش طايقه نفسها
ابو خالد0 خلاص بس يا هند انتي تدرين ليش بدر جاي لمنا
هند0 لايبه مادري ليش
ابو خالد0 جاء الله يسلمك عشان يخطبك
ام خالد0 وانت وش رايك
ابو خالد0 طبعا ماراح اوافق انا اناسب واحد مهب من مستوانا لامستحيل تاخذه لو على موتي
ام خالد0 بس بدر مايعيبه شي انسان متعلم وناضج ورجل كافي انه متحمل مسؤليه اهله بعد وفاة ابوه
ابو خالد0 انا مايهمني علمه اهم شي يكون معه فلوس وانا مهب مستعد ازوج بنتي من واحد على الله وعلى رواتب الحكومه ومابي احد يتكلم بالموضوع هذا مره ثانيه سامعين
خالد0 بلخير يا عمي شلونك
غانم0 هلا ولدي ليش واقف عند الباب تفضل
خالد0 انا ياعمي جيت اكلمك بموضوع حساس ومحرج منك واخاف تزعل علي
غانم 0 لاتخاف ياولد اخوي انا مثل ابوك
خالد0 تسلم يا عمي الصراحه انا كلمت ابوي وقلت له ابي اتزوج وقالي اخطب لك بنت عمك بس يا عم وفاء مثل اختي وانا ابي وحده ثانيه
غانم0 انت انجنيت وش هالكلام ليش توك تقوله عقب مارفضنا كل الي يخطبونها وقلنا انها مخطوبه لولد عمها تقول كذا
خالد0 بس ياعمي انا ماخطبتها انت وابوي خطبتوها لي وانا ماقلت لكم
غانم0 يعني بنت عمك ما تعجبك
خالد0 انا ما قلت كذا بس مااحس اني اقدر اعيش معها
غانم0 تقدر والا ماتقدر هذي بنت عمك وانت ملزوم فيها والا تبي الناس يقولون اكيد وفاء فيها شي عشان كذا ولد عمها رفض يتزوجها
خالد0 بس انا يا عمي ما همني كلام الناس اهم شي سعادتي والا تبيني اتزوج بنتك عشان الناس و اعيش انا ويها بمشاكل لين اطلقها
غانم0 اطلع يا الخاين اطلع يا الاناني انا مهب عمك ولا اعرفك ولاعاد اشوف وجهك شوهت سمعت بنت عمك الله يشوه سمعتك
مروه0 صالح ممكن اعرف انت ليه مش عايز تجوز هند لبدر
ابو خالد0 انتي اصلن ما تعرفين شي انا مااقدر اناسب واحد مهب من مستواي ولا يليق بالعايله
مروه0 بس بنتك كبرت ولازم تتجوز والا حاتعنس
ابو خالد0 وش تقولين انتي هند توها صغيره ومابعد تخرجت من الجامعه
مروه0 تسمع كلامي يا صالح جوز بنتك لبدر عشاني
ابو خالد0 ليش وش هي مسويه لك
مروه0 لاهي ما سوت شي بس لو ما زوجتها راح تسوي شي انت جوزها عشان ترتاح منها ومن مصاريفها
ابو خالد0 بس انا منب عاجز عن مصاريف بنتي انا غني والحمدلله
مروه0 انا عرفه يا صالح بس بنتك انا حساها انها بتحب بدر
ابو خالد0 تحبه حبها برص ماراح اوافق لو مهما سوت
مروه0 اسمع بنتك اذا ما جوزته بدر يمكن تكرهك وتعلل سبب رفضك اني انا منعتك توافق وراح تنتقم مني وتذبح ابني او تذبحني
ابو خالد0 تخسئ تسويها وانا موجود والله لاادفنها بارضها الي واقفه عليها بعدين انتي وش دخلك عشان تنتقم منك
مروه0 اسمع يا صالح انت لما تجوزها راح ترتاح انت وانا يعني راح ناخذ حريتنا انت عارف انها هي الي واقفه لنا عالوحده في كل شي وخالد دائما طالع وام خالد دائما في غرفتها او في المطبخ يعني لما نزيحها عن طريقنا راح نكون سعيدين انا وانت
ابو خالد0 يعني هذا رايك
مروه0 اكيد هذا رايي يا صالح انت وافق وراح تشوف كيف احنا بنكون اسعد زوجين بالدنيا كلها
ابو خالد0 خلاص ما اقدر ارفضلك طلب يا ام عيالي
هند0 يمه ابوي توه ناداني وقالي قولي لامك تكلم اهل بدر وتقولهم اننا موافقين
ام خالد0 صدق يابانيتي بس وش الي غير راي ابوك
هند0 يمكن فكر ولقى بدر رجال مناسب لي وكلا يمدحه ووافق بس هاااه يمه ترانا على اتفاقنا بتروحين معي
ام خالد0 والله استحي منهم فشله وبعدين تحرين ابوك يوافق اكيد بيرفض
هند0 اصلا ابوي ليه يرفض هو اصلا ماعمره فكر فيك ودايم يهينك بس انا راح اكلمه
وافق ابو خالد على ان ام خالد تروح تسكن عند بنتها لان مروه اقنعته وانخطبت هند وتملكت على بدر وحدد زواجهم بعد ثلاث اشهر
خالد0 هااااه يبه وش قلت بموضوع زواجي
ابو خالد0 انا قلت لك رايي من زمان الامر بيد عمك غانم
خالد0 يبه انا رحت لعمي وهو طردني ورفض يوافق
ابو خالد0 خلاص معناها انك ماتاخذ الا بنت عمك
حالد0 بس انا ما ابيها ولا افكر فيها كزوجه ابد
ابو خالد0 خلاص انا ما عندي مانع اخطبلك غير بنت عمك بس تكون وحده بنت عيله من اصل وفصل وابوها معروف بالسوق
خالد0 يبه الصراحه انا ابي اخطب اخت صديقي رائد هدى
ابو حالد0 رائد ماغيره ولد خليفه حمد
خالد0 ايه يبه وش رايك
ابو خالد0 لامستحيل اوافق انت انجنيت تبيني ازوج ولدي الوحيد من بنت واحد يشتغل عندي في الشركه وتبيني اناسبه بعد
خالد0 بس يبه البنت طيبه وخلوقه وانا ابيه
ابو خالد0 لاماراح تاخذه مهب معناه اني زوجت اختك من واحد مهب من مستوانا ازوجك انت وحده مهب من مستوانا عالاقل اختك عياله ماراح يحملون اسمي بس انت عيالك يحملون اسمي وش تبي يقولون عني الناس
خالد0 بس يبه حنا وش علينا من الناس
ابو خالد0 الناس اهم شي انت عايش معهم يعني لازم تسايرهم فاهم وان كنت ماتبي بنت عمك انا اخطبلك بنت من بنات اصدقاي
خالد0 بس انا ما ابي الا هدى ولا ماراح اتزوج
ابو خالد0 كيفك عمرك ما تزوجت وخر بس عن وجهي انت ترفع الظغط طالع على امك راعي هذره زايده وان وراي مشاغل
في شركة ابو خالد0
السكرتير0 ابو خالد في واحد يبي يقابلك اسمه حسام
ابو خالد0 منهو هذا عمره جاي تعرفه انت
السكرتير 0 لا اول مره اشوفه هاااه طال عمرك اقوله يدخل
ابو خالد0 ايه قله عشان نشوف وش يبي
حسام0 السلام عليكم يا عم ابو خالد
ابو خالد0 وعليكم السلام
حسام0 انت اكيد ما تعرفني
ابو خالد0 لايا ولدي ماتشرفت بمعرفتك
حسام0 انا حسام ولد عبدالله العبدالله شريكك قبل وفاته
ابو خالد0 اااااه عرفتك وشلونك يا وليدي يا حسام كبرت وش اخباركم عقب وفات ابوك
حسام0 الحمدلله عايشين بنعمه
ابو خالد0 ومن الي يدير شركتكم بعد وفاة ابوك اكيد انت
حسام0 لا انا ما اعرف اديره اخوي الكبير هو الي ماسكها
ابو خالد0 خير يا وليدي امرني تبي شي مساعده انا تحت امرك
حسام0 الصراحه يا عمي انا جاي ابي اطلب القرب منك وابخطب بنتك
ابو خالد0 والله ياوليدي فاجئتني
حسام0 اكيد راح تتفاجى لاني انا راح اخطب بنتك
ابو خالد0 خلاص انا اخذ الرد من الاهل وارد عليك
حسام0 والا فيها راي فيه احد عاقل يرفض حسام ولد عبدالله العبدالله المليونير يصير مجنون
ابو خالد0 صدقت يا ولدي خلاص ارد عليك بعدين
حسام 0 اسمع يا ابو خالد انا ابعطيك مهله بس يومين واذا مارديت تراي راح اهون واخطب وحده ثانيه الي يبوني كثير مهب ميت عليكم انا
ابو خالد0 لالالاخلاص يا ولدي الرد يجيك الليله انشاءلله
حسام0خلاص هذا كرتي فيه ارقامي لما تاخذ الموافقه دق علي زين والعرس ابيه عقب شهرين قلهم مع السلامه
ابو خالد0 فكه راح ما اكرهك سبحان الله طالع مثل ابوه مغرور بس راح ادوس على كرامتي واستحمل كلامك واوامرك عشان الشغل والله ياهند وجاك الرجل الي يتمناه ابوك من زمان بلا بدر بلا بطيخ
هند0 هااااااه يبه تقول امي انك تبين امر
ابو خالد0 والله يا بنيتي الصراحه اليوم جان ح-سام ولد عبدالله العبد الله الغني اكيد عرفتيه
هند0 لابس وش يبي
ابو خالد0 ماراح تصدقين خطبك من اليوم وانا وافقت
هند0 هاااااااه يبه انت وش تقول نسيت اني متزوجه بدر وما بقى شي على زواجي
ابو خالد0 انا مانسيت بس حسام احسن من بدر مليون مره يكفي انه مليونير
هند0 بس يبه انا ما ابيه ابي بدر ومابي فلوس حسام
ابو خالد0 بس انا ابيه وهذا هو الي يساعدني بمشاريعي
هند0 وانا وش دخلني بمشاريعك خاه يساعدك من دون ما اخذه
ابو خالد0 يا الذكيه اذا اخذك قدرت اضغط عليه واخذ الي لبي منه
هند0 اسمع يبه انا مستحيل اخذه لو يصير الي يصير
ابو خالد0 اسمعي يا بنت راح تاخذين حسام يعني راح تاخذينه بالطيب بالغصب بتتزوجينه فاهمه وزواجك منه عقب شهرين جهزي عمرك
هند0 يبه حرام عليك انا بنتك مهب مشروع من مشاريعك عشان تبيعني
ابو خالد0 بهازمن كل شي بفلوس الزمن هذا زمن المصالح الي عنده لك مصلحه تركعله وتدوس على كرامتك عشانه وبعدين وقفي دموعك هذي لاتحسبين ان دموعك راح تغير من الي براسي وبكره ابروح لبدر واخليه يطلقك غصب عنه
خالد0 يبه صدق الي سمعته من هند
ابو خالد0 ايه صدق عندك مانع انت بعد
خالد0 حسام هذا مستحيل يا خذ اختي حسام انسان مغرور ومهب رجال كلا يسبه
ابو خالد0 انا ماهمني اخلاقه همني افلوسه وبس
خالد0 يبه انا ماراح اوافق على حسام
ابو خالد0 ومن قالك اني ابي موافقتك واختك راح تاخذه غصب عنك وعنها
خالد0 يبه حرام عليك هدمت حياتي ورفضت تزوجني البنت الي ابيها وقلت ميخالف بس توصل انك تطلق اختي من واحد كلا يمدحه وتزوجها واحد كلا يسبه هذا الي ماراح اسمح فيه ابد
ابو خالد عطى خالد كف 0 طالت وشمخت يا خالد تطول صوتك على ابوك اطلع بره ما ابي اشوفك في بيتي وخل الاخلاق الي تقول عنها هي الي تصرف عليك
ابو خالد راح لبدر وهدده يطلق هند وبعد تهديد ابو خالد وافق بدر غصب عنه وطلقها
منى0 هااااه ياخوي طلقتها
بدر0 منى طلقتها عقب ما تعلقت فيها
منى0 اصبر يا اخوي انشالله الله يرزقك بوحده احسن من هند
بدر0 ما اظن القى وحده مثل هند
منى0 انت لازم تنسى هند لان زواجها بعد اسبوع من حسام
بدر0 لا مستحيل بهسهوله تروح عني عقب ما كانت لي
في يوم زواج هند
ام خالد0 مبروك يا هند والله يسعدك
هند0 يمه انا ماابيه قولوله مااحبه مااطيقه
ام خالد0 يبنيتي اسكتي لايسمعك ابوك ويسويلنا سالفه
هند0 انا ماعاد يهمني شي خلاص انا انتهيت
وبعد الزواج
حسام0 مبروك يا هند
هند0الله يبارك بك
حسام0 ترى بكره راح نسافر للدمام وترى بنروح بسياره لاني مالقيت حجز
هند0 كيفك الي تبي انا ما همني
حسام0 وترى اهلي بيرحون معي
هند بتعجب0 اهلك 00000
حسام0 اكيد بيروحون انا ما اقدر استغني عن امي لازم اخذ رايها في كل شي
هند0 على راحتك انا ما عندي مانع
حسام0 اكيد على راحتي اجل على كيفك وانا ماقلتلك عشان اخذ رايك بس عشان اقولك كمعلومه وبس
هند انصدمت من كلام حسام وما علقت لانها ماحبت تكبر الموضوع وهي اول ليله في زواجها ولما اصبح الصبح
حسام0 يالله يا هند ترى اهلي ينتظروننا تحت
هند0 يالله انا جاهزه
ام حسام0 وينكم كل هذا نايمين يعني حنا ماهميناكم
حسام 0 لايمه اكيد هامتنا بس حنا كنا نجهز الاغراض
ام حسام0 والا مرتك قالتلك لاتنزل لهلك اقعد عندي
حسام0 اتخسى تعطيني اوامر هي اصلن من بنته عشان تامرني بنت صالح والكوبه
ام حسام0 كفو يا ولدي هذا انت رجال
هند كانت تسمع الكلام بس ماصدقت انصدمت وتجمدت في مكانها ولما ركبوا السياره ركبت ام حسام مع ولدها قدام وهند وراء مع خوات حسام الثنتين نهى وندى واخوه الصغير مروان
ام حسام0 وش فيها امك امس طول الزواج تصيح
هند0 امي تصيح عشاني ابروح عنها لانها ماعنده غيري
ام حسام0 اصلن امك المفروض تفرح ان بنته تزوجت واحد مثل ولدي حسام
حسام0 تسلمين يمه
ام حسام 0 المصريه الي بالعرس هذي مرت ابوك
هند0 ايه خالتي هذي
ام حسام0 طيب ليه تزوج على امك
هند0 والله مادري بس كذا الرجال وخرابيطهم
ام حسام0 لا وانتي الصادقه الرجل ما يتجوز الا اذا كانت المره منكده عليه اكيد امك نكديه ولاتصيرين طالعه عليه قوليلي ترى الحين اقول لولدي يرجع ويجدعك بيت اهلك حنا مانحب الناس الي يدورون النكد والبنت لازم تكون طالعه على امها والا وش رايك يا ولدي
حسام0 صح كلامك يمه
هند طول الطريق ساكته ومصدومه تفكر وش الي بيصير بعدين
حسام0 يمه قدامي محطه وش رايكم اوقف واشتريلكم شي
ام حسام0 ايه ياولدي انا ميته من الجوع
حسام0 يالله يمه وش تبين
ام حسام0 جب فطيره لي ولخوانك وببسي
حسام0 وانتي يا هند ماتبين شي
هند0 كيفك
حسام0 خلاص ابجيبلك على ذوقي
ام حسام0 لاتجيب ولا شي مادامها ماقالت خلاص لاتجيب الا الي قلتلك ناقصين حنا دلع بنات
حسام0 خلاص يمه على امرك
ابو خالد0 هاااه يا مروه جهزتي العشاء
مروه0 لا ماقدرت ابنك طول اليوم يبكي
ابو خالد0 طيب ليش ما قلتي ل ام خالد تجهزه
مروه0 قلتلها بس هي رفضت تقول مش يومي ده
ابو خالد0 خلاص انا ابروح اجيب من المطعم
مروه0 عايزه طلب منك
ابو خالد0 امري وش بغيتي
مروه0 انا عايزه اسفر الخدامه مش عايزه خدامه في البيت
ابو خالد0 ليش الخدامه تساعد في البيت
مروه0 لا ياصالح انا اخاف على ابني اخاف تسحره
ابو خالد0 عاد كل شي ولا ولدي من بكره اسفرها
مروه كانت تبي الخدامه تروح عشان تخلي ام خالد هي الي تخدمهم
رائد0 هلا خالد وينك من زمان ما شفتك
خالد0 رائد ابطلب منك طلب
رائد0 امر وش بغيت
خالد0 ابي اتزوج اختك وترى ابوي ما وافق بس ارجوك زوجني اياها بدون ابوي
رائد0 لا ياخالد مستحيل ابوي يوافق
خالد0 الله يخليك اقنعة
رائد0 اسمحلي ما اقدر حتى انا مااقتنعت وشلون ازوجك اختي وانت طالب وما تشتغل
خالد0 لاتخاف راح ادور على شغل بس انت وافق
رائد0 اسمحلي ما اقدر
خالد0 يعني خلاص ماراح ترضى ياخساره الصداقه الي بيننا خلاص انا ما ابيك ولا ابي صداقتك عن اذنك
رائد0 خالد ارجوك اعذرني
خالد0 روح بلا كلام فاضي
حسام0 يمه ترانا وصلنا الدمام وهذي عماره قدامنا ابروح استاجر شقه
ام حسام0 لاتاخذ الا غرفتين فاهم مثل مافهمتك
حسام0 انشالله يمه
نهى0 يمه ليش قلتي لحسام ياخذ غرفتين ما تكفي
ندى0 صح يمه نسيتي ان حسام تزوج
ام حسام0 لا مانسيت بس الثنتين يكفن وزياده
نهى0 وشلون يكفن
ام حسام0 بسيطه غرفه لنا انت وانا وندى وهند وغرفه لحسام ومروان
ام حسام تغار على ولده حتى من زوجته وهي مره ظالمه ومتكبره ومسيطره على ولده سيطره تامه تمشيه على رموت كنترول وفكرت تحجز غرفتين عشان تبعده عنه قد ماتقدر لانه تخاف ولده يتغير عليه ويكبر راسه ويخالفه بشي
ابو خالد0 مروه انا سفرت الخدامه بس ابي شغل البيت كل يوم على وحده
مروه0انا يا ابو خالد صعبه اشتغل واخلي ابني طول اليوم انت قول ل ام خالد هي الي توضب البيت و تطبخ
ابو خالد0 بس ما اظن راح توافق
مروه0 غصبن عليها توافق كفايه اننا مسكنينها عندنا المفروض نطردها ونخليها تعيش لوحدها
رضت ام خالد بالشغل غصبن عليها وصارت طول اليوم تشتغل
منى 0 هاااه يا خوي وش رايك فيها
بدر0 ما ادري احس ان هدى صغيره علي نسيتي انها بثالث ثانوي
منى0 داريه بس هدى بنت خالتك وماراح ترفضك
بدر0 كيفك سوي اللي تبينه اخطبيه وانا موافق
خالد مع الشله اللي تعرف عليه
سامي 0 هاااه يا خالد الى الحين ما ودك تدخن مثلنا
خالد0 لايا سامي انا ما احب التدخين مضر
سامي0 كيفك بس تراه ما تقدر تنسى الي صار الا اذا دخنت تنسى حتى اسمك
خالد0 لالالا مابي الا اقول يا سامي وش هو هالدخان اول مره اشوفه
سامي0 هذا دخان بس ممنوع لانه حشيش
خالد0 انت مجنون يا سامي ما تخاف يقبضون عليك
سامي0 الواحد ماينسى الهموم الا اذا دخن بعدين هم وش دراهم عشان يقبضون علي
خالد0 طيب من وين تجيبه
سامي0 من واحد ما اقدر اقولك عنه شي لان شغلنا كله سر مانقدر نقول لحد
حسام0 يمه ابروح اشري عشاء انا جوعان
ام حسام0 ليش تشتري وزوجتك قاعده وكل شي موجود خلها تطبخ
حسام0 قومي ياهند زيني العشاء
هند0 انشاءلله يا حسام بس وش اسوي
ام حسام0 وش هاالكلام روحي للمطبخ شوفي أي شي واطبخيه بس بسرعه فاهمه
نهى0 اقوم يمه اساعدها
ام حسام0 لو تقومين ذبحتك حنا ليش زوجناها اخوك الا عشان تخدمنا
ندى0 بس هذا حرام يمه هند توه عروس
ام حسام0 انتي مالك خص ولا تتدخلين في كلام الكبار
منى0 مبروك اخوي هدى وافقت
بدر0 الله يبارك فيك يا اخيتي
منى0 ترى الزواج عقب شهر حددناه
بدر0 زين الله يقدرني واسعدها يا رب
ابو خالد0 مروه وين ام خالد لي كم يوم ماشفتها
مروه0 بعتها تنظف السطوح
ابو خالد0 السطح مره وحده السطح ماطبيناه من يوم بنينا البيت
مروه0 بس انا احب السطوح والجلسه فيها
ابو خالد0 متى العشاء
مروه0 قبل العشاء انا عايزه منك خدمه يا صالح
ابو خالد0 وش هي قولي
مروه0 انت عارف ان ابنك محمود ملوش حد غيري وغيرك وانا عايزه حاجه اظمن فيها مستقبل ابني
ابو خالد0 وش قصدك وضحي اكثر
مروه0 انا عايزه تكتب حاجه باسمي وتحط فلوس برصيدي عشان الدنيا واحوالها انت عارف ان الاعمار بيد الله وانت مش ظامن عمرك وانا اخاف بعد ماتموت نتشتت انا وابنك محمود ويبهذلونا وياخذو حقنا
ابو خالد0 لا يا مروه عيالي مايسون كذا
مروه0 انت ايش عرفك يمكن خالد يعملها وخصوصا وهو زعلان وياخذ الفلوس ويتزوج فيها البنت الي بيحبها
ابو خالد0 يخسى ياخذ الفلوس لاةبعد ياخذ وحده مهب من مستوانا خلاص يا مروه انا من بكره راح اكتب كل شي باسمك علشان ولا واحد من عيالي يارثن بعد ما اموت لانهم كلهم عصون
خالد0 انا بحلم ولا بعلم لا مستحيل مستحيل
سامي0 خالد وش فيك ليش وجهك معتفس وحالتك حاله
خالد0 هدى يا سامي هدى
سامي0 وش فيها عسى ماشر
خالد0 هدى تزوجت يا سامي لاواخذت بعد بدر الي كان زوج هند مستحيل
سامي0 اذكر الله يا خالد وتعوذ من ابليس
خالد0 كله من ابوي هو الي حرمني منها وهو الي حرم هند من بدر كله عشان السمعه بس راح اوريك يبه بالسمعه الي خايف عليها اما خليتها بالقاع
سامي0 وش قصدك يا خالد
خالد0 انا ياسامي انتهيت بس ماراح اخلي ابوي يتهنى بعزه انا من اليوم يا سامي معك وايشي تبيه مني راح انفذه بدون تردد عشان ارد الاهانه على ابوي
سامي0 انت صادق يا خالد
خالد0 اذا تبي تصدق عطني سيجاره الحشيش بسرعه
سامي0 خذها بس ليش
خالد ولع السيجاره وبدا يدخن حشيش كله عشان يهين ابوه وينزل راسه بالارض لان ابوه حرمه من الانسانه الي يبيها
هند0 حسام ابي اليوم اروح لهلي ممكن
حسام0 مادري روحي شاوري امي قبل اذا وافقت وديتك
هند0 اظن انت زوجي وانت الي توافق مهب امك
حسام0 لا انا غير انا انسان ابر في امي وما امشي الا على رايها وبس
هند0 خالتي ممكن اروح لمي اليوم
ام حسام0 لا مانتي رايحه لان اليوم بيجون صديقاتي وابيك تصلحين العشاء و الحلويات
هند0 بس انا من زمان ما شفت امي ومشتاقه لها
ام حسام 0 انا كلمتي ما تصير ثنتين يالله روحي عالمطبخ لااخلي اولدي يذبحك يالله
مروه0 صالح00 صالح 000 تعال شوف ام خالد ما ادري وش فيها
ابو خالد0 خير وش فيها
مروه0 طيحه عالارض ما اعرفش ايه فيها احنا لازم ناخذها عالدكتور
الدكتور0 مين هذي تعرفها
ابو خالد0 هذي زوجتي ارجوك قلي وش فيها
الدكتور0 معقوله يا ابو خالد ما تعرف وش فيها
ابو خالد0 لا والله مادري شفتها طايحه على الارض وجبتها
الدكتور 0 زوجتك يا ابو خالد كل جسمها رضوض مبين ان احد متهجم عليها وضاربها وهذا اداء الى نزيف داخلي ولازم نحول حالته للتحقيق
ابو خالد0 انت وش تقول حنا ما مدينا ايدنا عليها يمكن هي طاحت
الدكتور 0 اسئل نفسك وعلى العموم مبين ان الكدمات مسببها احد
ابو خالد0 مروه منهو الي مسوي بام خالد كذه
مروه0 انا ايش عرفني يا صالح
ابو خالد0 لا تلعبين علي منهو اجل الي مسوي فيها كذا اكيد انتي لانه مافي احد غيري وغيرك في البيت
مروه0 الصراحه يا صالح هي الي اظطرتني اعمل كذه اليوم هي قالت لي مش عايزه اخدمك ومش طالعه من غرفتي وانا ظربتها لانها عصتني وبس
ابو خالد0 خلاص انتي اسكتي ومحنا بنقول اننا مالنا شغل
الدكتور 0 ابو خالد ام خالد البقيه في حياتك
ابو خالد0 وشلون ام خالد ماتت لاحول ولا قوه الابالله
مروه0 الله يرحمها وهذا يومها يا ابو خالد ما تزعل نفسك
ابو خالد0 انا خايف على عيالي وش اقولهم ان زوجتي اقتلت امكم
مروه0 انا ما قتلت احد وبعدين انت قولهم هي ماتت فجئه
ابو خالد0 السلام عليكم ممكن اكلم بنتي هند
ام حسام0 الصراحه يا اخوي هند مشغوله عندنا ضيوف
ابو خالد0 بس انا ابيها ضروري
ام حسام 0 ما اقدر وش يقولون عنا الناس نعزمهم ونقعد نتكلم بالتلفونات يالله مع السلامه
بعدين اخليه تكلمك
سامي0 ها يا خالد اشوفك ادمنت على الحشيش هذا الي يقول ما بي اجرب
خالد0 وش اسوي احس اذا اخذته انسى كل شي
سامي0 لا وبعد عندي لك شي ينسيك اكثر واكثر ويفرحك ويدوم فتره طويله احسن من الحشيش بمليون مره
خالد0 وشو هذا معجزه ولا شلون انا ما اصدق كلامك
سامي0 لابس خذ هاذا وشمه وراح تشوف بنفسك
خالد0 وشو هذا لايكون مخدرات
سامي0 ايه مخدرات وش فيها
خالد0 لالالا يا سامي اخاف ادمن وانا ما ودي
سامي0 لايا شيخ وانت ايقالك ما ادمنت لين الحين يا خالد شم ولا تخاف بل عكس راح تفرح وتشكرن وبعدين انت قلتلي ابطيعك بكل شي والا نسيت
خالد0 لا ما نسيت خلاص عطن اشم اصلا كله واحد خاربه خاربه
سامي0 ايه صر كذا مطيع عشان ترتفع مكانتك عندي
هدى0 بدر ابي بكره العصر اروح للدكتور احس بتعب وابروح اكشف
بدر0 ما اقدر يا هدى عندي شغل خليه يوم ثاني
هدى0 خلاص دامك مشغول انا ابروح مع تاكسي
بدر0 خلاص ولما ترجعين دقي علي طمنين
مروه0 ها يا صالح الى الحين هند ما اتصلت
ابو خالد0 لا يا مروه وانا خايف وش لون اقولها
مروه0 شوف التلفون يرن قوم رد عليه بسرعه
ابو خالد0 الو هلا ببنيتي هند وش لونك
هند0 بخير يبه عسى ماشر خالتي تقول دقيت
ابو خالد0 الصراحه يا بنيتي ابيك تجين الحين لان امك تعبانه و تبيك
هند0 وشلوووون هي وشلونها الحين
ابو خالد0 لا ما فيها شي بس تعبانه
هند0 خلاص انا جايه مع السلامه
ام حسام0 خير وش يبي ابوك داق
هند0 ابوي يقول انا امي تعبانه ولازم اروح اشوفها
ام حسام0 الحين تروحين بكره روحي الوقت تاخر
هند0 لا ابي الحين اروح اخاف يجيها شي يالله يا حسام قوم ودني لااهلي
ام حسام0 انا قلت تروحين بكره ما تسمعين
هند0 انا ماعلي ابي اشوف امي وبعدين الي يقرر حسام مهب انتي
حسام0 كلام امي صح بكره احسن
هند0 انا ما علي ابروح واذا ماتبي ابروح بتاكسي
ام حسام0 ان طلعتي الحين مالك رجعه
هند0 واهون عليك يا حسام
حسام0 الي امي تقوله يتنفذ انا مالي شغل
هند0 انا ابروح اشوف امي وكيفكم
خالد0 وش رايك بكره نطلع نتمشى بالسياره ابعلمك اصول السواقه
سامي0 خلاص حنا اصلا وش ورانا
هند0 يبه وين امي رحت لغرفتها مالقيتها لا تكون في المستشفى
ابو خالد0 لا يابانيتي الصراحه امك الله اخذ امانته مااااتت
هند0 يبه انت وش تقول امي ماتت لا مستحيل امي مافيها شي لا وشلون
مروه0 لاتعترضي على حكم ربك ياهند هذا يومها
هند0 انتي اسكتي مالك خص اصلن انتي الي ذبحتي امي
ابو خالد0 هند اسكتي لاعمري اسمعك تطولين صوتك على مروه
هند0 يبه انت ما تشوفها فرحانه
ابو خالد0 وش تبينها تسوي تموت روحها اجل يالله خليني اوديك لبيتك تاخر الوقت
هند0 لايبه انا ماراح اروح لمهم انا ما ابيهم
ابو خالد0 وهو على كيفك ماتبينهم هذولا اهل زوجك وزوجك يعني لازم تروحين والا بس بتظيقين علينا
هند0 يبه هم ما يبوني هم قالو اذا رحتي لااهلك مالك رجعه
ابو خالد0 وانت ليش جيتي دام زوجك ما رضى
هند0 يبه خلاص انا ما ابيه خله يطلقني
ابو خالد يسحب هند من يدها0 يالله امشي غصبن عليك تروحين وتتسامحين منهم والا ناويه تخربين كل الي بنيته يالله بلا دلع
في بيت ام حسام
ام حسام0 قوم يا حسام افتح الباب
حسام0 انشالله
ام حسام0 هاااه وش جابك ما قلتلك الي يطلع ماله رجعه
هند0 انا اسفه يا خالتي
حسام0 تعتذرين عقب كل الي سويتيه
ام حسام0 امك وش صار فيها اكيد تتدلع
هند0 امي 00امي ماااااتت
حسام0 ماتت وشلون ومتى
هند0 اليوم الصبح
ام حسام0 خلاص روحي غرفتك وياويلك اذا عاندتين مره ثانيه انا سامحتك بس عشان امك
هدى0 هاااه يا دكتوره انا وش فيني
الدكتوره 0 مبروك يا هدى انتي حامل
هدى0 صحيح الحمدلله والشكر مشكوره يا دكتوره
الدكتوره0 لاشكر على واجب واهتمي بنفسك زين
هدى0 اكيد يا دكتوره يالله ابروح للبيت عشان اقو لبدر
سامي0 لاتسوق يا بدر وانت سكران
خالد0 ماعليك انت الحين اوريك السواقه الي على اصولها
سامي0 انتبه ترى الطريق زحمه وانت مسرع
خالد0 اصبر ما شفت شي صاحبك فنان سواقه
سامي0 خالد0000 خالد 00 خالد انتبه شوف التكسي قدامنا انتبه
واسرع خالد وما انتبه لكلام سامي وصدم التاكسي واجتمع الناس حول الحادث والكل يطلع الي بالسياره ولقوا بالتاكسي حرمه مليانه دم
في المستشفى
المباحث0 ماتعرفتو على هويه المصدومين
الظابط0 لا عرفنا اسمائهم المصدومين ولدين شابين واحد اسمه خالد صالح والثاني سامي والي في التاكسي حرمه اسمها هدى وصاحب التاكسي
المباحث0 طيب كلهم سليمين ولا في حاله وفاة
الظابط 0 لا خالد صالح مات وصديقه حي والي في التاكسي كلهم توفو
المباحث0 لاحول ولاقوه الا بالله وعلى العموم دقو على اهلهم وخبروهم الخبر
في بيت ابو خالد
مروه0 الو مين معايا
الظابط0 هذا بيت صالح
مروه0 ايوه مين عايز
الظابط0 ممكن تنادين صالح لو تكرمتي
مروه0 انتظر شوي
ابو خالد0 هلا من معي
الظابط0 ممكن تحظر عندنا يا اخ صالح في قسم الشرطه نبيك ظروري
ابو خالد0 خير عسى ماشر
الظابط0 لا مافيه شي لما تجي راح تعرف بس لاتتاخر
في قسم الشرطه الكل كان موجود ابو خالد وبدر و رائد وابوه والكل كان مستغرب من وجود الثاني بنفس المكتب
الظابط0 هلا فيكم تفضلوا
ابو خالد0 خير يا حظره الظابط ليش طلبتنا
الظابط0 الصراحه اليوم حصل حادث والي تسبب في الحادث خالد صالح وصديقه سامي وطبعا كانو سكرانين وصدمو تاكسي فيه الانسه هدى زوجه الاخ بدر وكانت حامل والجنين مات فورا مع امه
بدر 0 وش تقووووول زوجتي ماتت لا مهب معقوله ظاع حلمها هي دايما تقولي ابملي البيت عليك اطفال حرام حرام
ابو رائد0 اذكر الله ياولدي يا بدر الي ماتت عزيزه علينا كلنا هذي بنتي وهذا يومه هد نفسك
ابو خالد0 وولدي وش صار فيه
الظابط0 ولدك عطاك عمره
ابو خالد0 ولدي مات خالد مات لالالالا
ابو خالد طاح عليهم بالقسم وانقلوه علطول للمستشفى وجاه جلطه بالدماغ وسببت له شلل نصفي
ام حسام0 تعالي ياهند اسمعي الكلام الي يقوله حسام
هند0 خير وش يقول
ام حسام0 الله يفضحك انتي واهلك حطيتوا روسنا في التراب ليتنا ماناسبناكم
هند0 وش هالكلام عن الغلط يا خاله
ام حسام0 أي غلط الي تتكلمي عنه والا مادريتي ان اخوك المصون صدم اخت صديقه ومات هو وهي وكشفوا عليه لقوه سكران
هند0 اخوي خالد مات وهو سكران وشلون
ام حسام0 اسئلي نفسك يالله روحي شيلي اغراضك واطلعي بره حنا مانبي وحده اهلها سمعتهم في الارض
هند0 انا مالي ذنب هذا اخوي مهب انا
ام حسام0 ذنبك انك اخته يالله يا حسام طلقها انا ما ابيها وراح ازوجك احسن منها
حسام0 هند انتي طالق طالق طالق
هند راحت لبيت اهلها وهي خايفه ان ابوها يطردها
مروه0 خير يا هند ايش جابك
هند0 ابي ابوي وينه
مروه0 ابوك مارجع رايح لقسم الشرطه
هند0 الو مين معي
الدكتور 0 حنا المستشفى السيد صالح عندنا تعبان ونبيكم تشوفونه
هند0 وشلون خلاص انا جايه
مروه0 وش فيه كفالله الشر
هند وهي تميح دموعها 0 ابوي بالمستشفى يقولون تعبان يالله نروحله
منى0 ياخوي هد نفسك هدى هذا يومها
بدر0 هدى ماتت يا منى تعرفين شلون ماتت يعني خلاص اخو هند ذبحها وذبحني معاها
منى0 خلاص ياخوي هذا مقدر ومكتوب وانت لازم تصبر وتدعيلها بالرحمه
بدر0 الله يرحمها ولا يرحم من ذبحها لانه هدم كل شي حلو في حياتي الله ينتقم منه
منى0 استغفر ربك لاتقول كذا
في المستشفى
الدكتور0 الصراحه يا اخت ابوك اصيب بجلطه وسببتله شلل نصفي
مروه0 يعني ما يقدر يمشي
الدكتور0 العلم عند الله
هند0 هلا ابوي الحمد لله على سلامتك
ابو خالد0 اخوك مات يا هند اخوك مات
هند0 تعوذ من ابليس يبه هذا مهب زين على صحتك
ابو خالد0 اخوك توفى مدمن مخدرات يا هند شوه سمعتنا
هند0 الله يرحمه يبه ويغفر له
وبعد اسبوع طلع ابو خالد من المستشفى
ابو خالد0 هاااه ياهند اشوفك ما رحتي لبيتك
هند0 الصراحه يبه حسام طالقني
ابو خالد0 طلقك وليش
هند0 يقول مابي اناسب ناس سمعتهم في الارض
مروه0 صحيح كلام حسام مين يرضى يعيش مع ناس الكل يتكلم عنهم ويسبهم
ابو خالد0 انت وش تقولين يا مروه
مروه0 انا مااقدر اعيش معاك بعد الي حصل وما اقدر اعيش مع واحد مشلول زيك انا ابيك تطلقني
ابو خالد0 اطلقك عقب ما اخذتي كل فلوسي وذبحتي زوجتي لالالا لازم ادفعك الثمن غالي
مروه0 انا ما ابيك وبكره طيارتي على مصر وولدك ده انا ماابيه لانه بيذكرني فيك
ابو خالد0 وقفي وقفي يا مروه بعد كل الي سويته عشانك تقولين كذا
هند0 يبه خلها مافي فايده منها
ابو خالد0 اسمحيلي يابنتي على كل الي سويته انا بيديني ذولي هدمت حياتك انتي وامك واخوك خالد اسمحيلي يا هند
هند0 انا مسامحتك يا يبه مهما يكون انت ابوي ومالي غنى عنك
ابو خالد0 لا يابانيتي انا عذبتك ودخلت في حياتك الرعب وظلمتك وخصوصا انت واخوك خالد انا يا بنيتي زوجتك من انسان اذلك واهانك وما عرف قدرك عشان الفلوس وخالد رفضت انه يتزوج الي يبيها عشان مركزي وبعد هذا كله تنقلب الدنيا ضدي
هند0 يبه الدنيا عمرها ما تنقلب على احد حنا الي نقلبها من نتايج عمايلنا
ابو خالد0 انا يا بنيتي طول عمري احلم ان يكون عندي فلوس كثيره وتحقق حلمي وحاولت اني ازرع الفلوس بتعبي وشقاي بس بالاخير هذا الي جنيته شوفي يا هند ابوك وش جنا عقب هالسنين وحبه للفلوس ماجنا غير الضياع والقهر وكل الي حصل لي ولكم انا الي زرعته بيديني وانا الي جنيته بيديني ومثل ما يقولون من زرع حصد تقدرين تقولين للناس هذا ماجنااااه ابي
*** هند واصلت حياتها مع ابوها وصار ابو خالد انسان ثاني طيب وحنون وبدت هند تشتغل عشان تصرف على هالبيت وربت اخوها الصغير ورفضت كل من يخطبها عشان تراعي ابوها حتى توفى وعاشت هند هي واخوها في بيت ابوها بدون ام او اب ولا حتى صديقه تشكيلها همومها وهذا كله تسبب
فيه ابوها بطمعه وجشعه ******
******** تممممممممممممممممممتتتتتت ت ********

رائعه رائعه رائعه ومن يقرأها أجزم بأنه سوف يعود ويعود ويعود لقرائتها دون ملل ...


سلمت يمينك أختي الكريمه ولا تحرمينا من روعة هذا الحضور والروايات الجميله

كوني بخير



تحياتي وتقديري

روووووووووووووووووووووعه
تسلمين يالغلا
يعطيـــــــــــــــــــك العافيه..

[align=center]مشكور اخوي سامي وان شاء الله اكون عند حسن الظن:icon_bigg [/align]

[align=center]:icon_bigg مشكورة ياختي اميرة :icon_bigg [/align]

بس مرره القصة طويلة


يسلمو