جمهورك يـلإتـَي فلــّه + مشكــلــتنا + دعاء

ترى جمهور الاتحاد فلــة

يا ناس ترى والله انا واحد منكم وفيكم وتعقدت منكم


المنتشري لما قرب ينتهي عقدة قامت فوضى في المنتدى والاغلبية تطالب ببقاءهـ بأي ثمن والحين صار غالي ؟

ابراهيم هزازي لما تعاقدت معاه ادارة بن داخل قلتو ضربة معلم وقدم مستوى كبير في المباريات اللي لعبها والكل تغنى فيه وكان عقده بسعر جيد والحين تقولو اشباه لاعبين

مونتي خلاص ما نبيه بس يخلوه يتمرن وبعد كذا يجيه عرض انتقال وينتقل ونخلص منه اما مبروك عنده عروض انتقال ولو يطلع في الجرايد بس ان مبروك يفكر في الانتقال اظمن له 5 عروض تجيه من الرياض والشرقية

لكن مشكلتنا ماهي في الادارات السابقه ولا في اللاعبين مشكلتنا في ادارتنا الحاليه ماهي قادرة تعمل توازن بين مجالات النادي من ناحية الاهتمام . . . . يعني

عندها ديون وتروح تسوي تعاقدات ضخمة مثل الفريدي
عندها ديون وتجلس تلف وتدور عليها تخيلو انها جلست شهرين علشان تتفق وبشكل كامل على ان الديون ماهي الا 51 مليون . . . قسما بالله حسسوني انها صفقه تجاريه .

مع الديون المتراكمة فيه قضايا لاعبين . . . بالله قولولي بس وش صار على قضية انس الشربيني ؟؟؟ ما احد يدري

قضية سوزا بعد احكام المحكمة الرياضية وش صار ؟؟؟ ما احد يدري


مطالبات اللاعبين مونتي وهزازي وزايد وكل اللاعبين ترى لهم مطالبات ماهو بس المبعدين كل اللاعبين طيب وش صار عليها ؟؟ ما احد يدري

موقف النادي المالي ايش صار عليه قالوا لنا ديون 51 مليون

تخيلوا ان مكافآت الفوز بكاس خادم العرمين الشرفين تقريبا كانت 113 الف ريال لكل لاعب كل لاعب استلم 74 الف مكافآت وبقية المبلغ توزع على رواتب متاخرة مع ان كل لاعب المفروض يحصل على 113 الف غير راتبه تسلمو المكافآت منقوصة علشان ادارتنا الموقرة ما تبغى تدفع من جيبها .

مع العلم ادارتنا الموقرة عندها رجال أعمال . من أرباح أعمالهم التجاريه يقدرو يحطو ميزانية النادي لـ 5 سنوات قدام وانا مسؤول عن هالحكي

ويجونا المطبلين الجمجوميين ويقولون ادارة بن داخل استلمت الاتحاد بفائض ميزانية مليونين وخرجت بعجز 18 مليون
ياخي بن داخل كمل موسم كامل ؟؟

منصور البلوي استلم النادي واول سنه ورفع سقف الديون ل40 مليون وبعد سنتين نزله لـ 6 مليون

ياخي اي شخص يبتدي مشروع لازم يرفع سقف الديون حتى الزواج تروح تاخذ قرض 45 الف وانت صافي ما عليك ديون شوي الا ترفع سقف ديونك بـ سياره توصل مديونيتك لـ 100 الف وبعد 5 سنوات صفيت ديونك ومشيت حياتك بسلامة عاااادي جدا .

لكن لما اشوف ديونك تكبر وتكبر وما تنقص هذا يعني انك فاشل ومانت قادر تديرها

ديون النادي المسجلة والواجبة السداد فورا هي 51 مليون لكن ديون النادي اكثر من 80 مليون في دفعات راح تجب الموسم الجاي ؟

من فين راح يسددوا الشلة اللي موجودة دحين ؟؟

بالله اللاعبين كيف راح يلعبو وهم يشكون انو راح تجيهم رواتبهم او مكافآتهم ياخي انا احب النادي لكن اناا جيت وهدمت كل حاجة علشان اوقع عقد احتراف في النادي مع العلم عقد الاحتراف يعني انك موظف في النادي يعني ما تقدر تصير موظف في مكان ثاني يعني رزقي كله على النادي رزقي على شلة مفلسه كيف بقدم أداء ؟


دعـــــــــاء

الله يستر علينا وعلى نادينا ويقومه من هالمشاكل اقوى من اول ويبعد عنه جمجوم والفايز والشله البخيلة وكل من ساهم في هالسقوط النوعي لنادينا الكبير .... أللهم امين