بنات ساعدوني ابي طريقة خلطة الرومي

قوه بنات شلونكم عساكم بخير

بنات انا من قبل ٦ او ٧ سنين حاسه انه فيني بلا .. س ح ر او حسد ... لانه كل شي بحياتي انقلب وكل أموري تتعرقل ... وشاكه برفيجتي لانه اهي واهلها يسوون س ح ر وكانت تغار مني بشكل غريب وتدعي علي جدامي انه عساني ما اتزوج وكانت حسوده يعني مره اجالها عريس ايام الدراسه فهي تبي تطلعني من بيتهم غصب عشان العريس لا يشوفني .. لان انا درست برا وكنت قاعده عندهم ..
فأمها قالتلي لا تطلعين خليج فهي تضايقت وفجأه طالعتلي نظره غريبه وانا كنت وقتها لابسه عدسات ولا فجأه اصرخ وعيني صار فيها التهاب فجأه وصارت تدمع وورمت !! .. فهالبنت تركتها من سنين بس دايما احلم فيها بإستمرار خاصه ايام النجاسه وقالي المفسر ممكن حسد قوي منها او س ح ر والله اعلم

المهم انا قبل سنتين قريت سورة البقره اربعين ليله متواصله والحمدالله الله فتح بويهي وايد شغلات كانت هالسنه بعد قرايتي للسوره وايد خير علي وتزوجت بعد

بس بعد الزواج رد انتكس حالي .. انا وزجي اربع وعشرين ساعه هواش .... وصابني برود جنسي ناحيته بس ! يعني انا اكون عندي الرغبه بس لما يكون يمي أنعس فجأه واكره يجيسني
ما اطيقه كل يوم ادعي عليه بقلبي حتى لو ماسوالي شي ... اكرها كره العمى
بس مرات ارجع طبيعيه واصير احبه .. بس اغلب الوقت انا مالي خلق زوجي ولا هو طايقني وقام يكرهني مع انه هو كان يحبني من قبل الزواج !

والحمل عندي صعب صارلي سنه وشهر متزوجة وماحملت وبس اخذ العلاج ويكون عندي تبويض ممتاز اتهاوش انا وزوجي وتصير معاشره بالغصب .. واخر مره كنت ناطره نتيجة العلاج اني احمل ... بس زوجي مد ايده علي ومن التعب الجسدي والنفسي ثاني يوم نزلت الدوره علي قبل موعدها
يعني مافي حمل

وطبعا كل شي بحياتي شنو ما كان تافه مايضبط معاي سواء كان شي يخصني او شي انا دافعه عليه فلوس من عندي
يعني يبت خدامه حق امي من فلوسي انحاشت بعد اسبوعين
فصلت بردايه (ستاره) لداري من فلوسي طلعت مو نفس اللي انا اخترتها يعني أسخف الشغلات ماقاعد تضبط .. وغيرها وايد شغلات

والمصيبه الكبيره انه من اول ما تزوجت قمت اكره الصلاة !!! وقطعتها !! وانا كنت حتى الفجر اقوم عليها بس الحين عادي ! ومو حاسه بتأنيب الضمير مادري شصارلي وماتزيد هالحاله الا برمضان
انا تزوجت برمضان السنه اللي طافت والحين هذا رمضان الثاني وهم زادت الحاله عندي
ولا حول ولا قوه الا بالله امس واليوم فطرت !!! بدون اي عذر شرعي

بنات انا حدي تعبانه

حتى زوجي كله يتفنش من شغله كل ٣ شهور يكون بشركة غير عايشين بفقر !! لا حول ولا قوه الا بالله


فقريت عن خلطة الرومي بس صراحه كل موقع يذكر طريقه غير
انا فهمت اني اشتري كيلو من الشبت وكيلو سدر وكيلو ملح خشن واقسمها سبع اقسام
وكل يوم استخدم قسم اضيفه على خمس لتر ماء لمده سبع ايام

بس في ناس قالت اغتسل فيها مع الشعر وناس قالت لا بس الجسم
وناس قالت اغتسل وناس قالت اقعد بالماي !!

فمادري شالطريقه الصح
وغير شذي بعد الخلطه اتسبح عادي ولا شلون ؟


وانا يا بنات ما اصلي ولا اقدر اصلي ولا اقدر اقرا قرءان مع انه قبل رمضان كنت اقرا عادي
يعني تنفع الخلطه معاي !

بس انا جربت اسمع الرقيه الشرعيه من اليوتيوب وسمعتها عادي ما تضايقت وماصارلي شي
لانه عرفت اللي عليهم السحر مايقدرون يسمعونها فمادري شنو اللي فيني


عفيه ساعدوني واذا تعرفون شيخ ثقه ياريت تقولولي عنه والله تعبانه وزواجي قاعد ينهار مابي ينخرب بيتي