-
ثاني ثااااااااوي بلييز
السلام عليكم
اول شئ انا شرهانه عليكم ليه تخلون هالقسم خاص يعني لازم اسجل دخول حتى اشوف <<وجه زعلان
بعدالشرهه خخخخخ
شخباركم كلكم إن شاء الله بخير
انا طالبه تربيه عملي وابي منكم طلب صغيروووون بالحيل
ابي تحضير التسمم الغذائي لثاني ثانوي ....
والطلب الثاني وهو المهم
عندي درس لثاني عن تزيين الكيكات وصراحه هذا التحضير اللي مني عارفه وش اكتب فيه
وغير كذا ابي فكره ازين فيها الكيكه وتكون سهله ولا ابي استخدم بالتزيين الاقمااع
يعني عطوني افكاار حلوه للتزين حتى ازين فيها كيكتي عند البناات والخوف منه ان يطلع تزيين الطالبات احلى من تزيني
ذيك الساعه راح يطيح وجهي من جد خخخخخخ
علشان كذا لاتبخلون على حتى مايطيح وجهي عند الطالبات
انتظركم .......
-
ثاني ثااااااااوي بلييز << والله من الرجه اللي فيني طار حرف النون
ماعليه اسرع مشرف يدخل يعدله
<<ياعيب الشوم صايره مدرسه وتطيرين حروف خخخخخخخ
-
هلا بمشرفتنا
وانتِ نخدمك بعيونا
الدرس بجيبه لك
والتحضير كامل عندي بس ما اقدر احمله على النت لانه ثقيل
تعالي ماسنجر [email protected]
او ارسلي لي صندوق بريد
-
مالقيت التسمم الغذائي في التحضير اللي عندي يا ليالي
هو اكيد في ثاني ثنوي ؟
-
اهلا بكِ//ليالي الشوق ..!!
غاليه على قلوبنا ..!!
وماطلبتِ شي يالغاليه ..!!
انتِ تامرينا امر ..!!
وابوعبدالرحمن ياعل ربي يسعده ماقصرت معاك ..!!
والله دايم يحرجنب بطيه المعهود واللامنتاهي ..!!
روحي لابوعبدالرحمن بيساعدك بالشكل المرضي ..!!
بس ادعيله :)
وحياك الله يالغلا كله ..
اختك ..
ارين
-
هلا والله بابو عبدالرحمن ..
تسلم والله ماقصرت
اخجلتني والله بتواضعك وكرمك
والله فرحت بردك الاول
وزعلت من ردك الثاني خخخخخ
اي متاكده انه التسممم لثاني ثانوي <<راحت تتاكد من الكتاب خافت انها تكون مضيعه
بس طلع لثاني ثانوي ...
-
ارين
هلا فيك ياالغلا
ولو ماني غاليه عليكم واعرف ماراح تقصرون معي كان مارجعت و كتبت الموضوع
وابو عبدالرحمن الله يعطيه العافيه ويجزاه كل الخير
بس ارين ماعندك افكار لتزيين الكيك <<<وجه مستحي ...
-
هلا حبيبتي ..
انتي تامرينا امر ..!!
شوفي يالغاليه ..
قصدك كيف تجملينه بالفواكه ..!!؟
والا تبين افكار لطرق التجميل المتعدده ..!!؟؟!!
وضحيلي اللى تبينه وانا اقولك ..
بانتظار ردك حبيبتي ..!!
اختك ..
ارين
-
هلا ارين
مايامر عليك عدو يالغاليه
اللي ابيه كيف ازين الكيك بالفواكه او اي طريقه ثانيه ...
ويسلموووا يالغلا
-
حياك ربي مره ثانيه ..!!
شوفي حبيبتي ..
احلى كيكه صلحتها وجملتها كانت بالفراوله ..!!
طبعا تقطع الفراوله الى نصفين وتصف بطريقه مرتبه ..وبعدها حطي جلى عشان يكون فيها لمعه وتتماسك اكثر ..!!
والمره الثانيه جملت الكيكه بحبيبات الرمان جيبي الرمان الاحمر ..يالله طلع شكلها جنان ..
عندي صورهم بس للاسف ماعرف انزلها ع المنتدى والا اخليك تشوفينها ..!!
بس تذكري دائما ان اهم شي اللى يطلع شكل العمل مرتب هو الديكور والشكل النهائي
اذا صلحتِ كيكتك وجملتيها حطيها بصحن فخم وحطي جنبها ورد طبيعي ..
ومفرش مرتب وطيحي كرستالات ..وحطي شموغ ..
ترى الكماليات تغطى عليك الشغل وتخليه فخم ..وتطلع بصوره ثانيه واسألينى ..!!
مره طبخت ربيان وكانت الطبخه عاديه ..ماضبطتها بس لما جملتها وربي حبيت شكل الربيان حتى هو تغير بطريقه التصفيف ..!!
فانتِ حطي حماسك بهالشي ..حطي كوب عصير الاكواب الفخمه..
ومن هالاشياء الحلوه ..!!
وممكن تتجميل بالاناناس مره شكلها بيطلع حلو ..بس لاتحطين اناناس لوحده ..لونه شوي باهت
دخلى عليه برتقال او فراوله لون افقع شوي يخلى له نظره ..!!
والاطراف بعد جمليها بالفواكه ..
والا بعد جملي كيكات ببشر الشوكلاته والحوايف باصابع الشوكلت بتطلع حلوه ..!!
وبدور لك افكار زياده ..!
لاني انشغلت الان ياقلبي ..!!
موفقه
اختك ..
ارين
-
هلا ارين
تسلمين ياقلبي على هالافكار الحلوه
والله يعطيك العافيه ويجزاك كل الخير
