نفذ الصبر وطفح الكيل , قمة المهزلة

السلام عليكم

اولا انا كنت من اشد المطالبين ببقاء الادارة ومعجب بالانضباط اللي فرضته هالادارة

لكن للاسف الامور لاتبشر بخير

من بعد كأس الملك التزمت الصمت انا وكثير من الجماهير
وقاعدين نشوف الاندية تشتغل وتستعد وصفقات جامدة واجانب واحنا قاعدين نتفرج !

ونقول في انفسنا خلي الادارة تشتغل في صمت وان شاء الله الخير قادم

الان طلعت اخبار ان الادارة ماراح تتعاقد مع لاعب اسيوي !!!!!!
الى هنا وخلاص ترا تعبنا وقسم بالله
هذه ام المهازل
النهضة والعروبة ونجران والفيصلي ماسوو هالشي
نجي احنا الاتحاد ومانتعاقد

خصوصا اننا في حاجة لاجانب اربعة يساعدون الفريق لموسم صعب وطويل
الاتحاد للاسف
بدون معسكر + اخر فريق يبدأ تدريبات + ديون + مشاكل + ماخلص عقد رعاية + اجانب مافي

الى متى الى متى

للاسف استعداداتنا لاتبشر بخير ابد مقارنة بالاندية الاخرى
بضرب مثال بسيط وتذكرو كلامي
النصر الموسم القادم حريقة واقل شي راح يجيب بطولة

استعداد مبكر + اجانب + صفقات محليين على اعلى مستوى

شوفو الوسط عندهم
نور+ الشهري + الجيزاوي +عطيف +الزيلعي + غالب + باستوس+فتيني

خط وسط مرعب

................

الشي الثاني اللي قاهرني ومااشوف اي احد تكلم عنه

اللي هو بقاء فوزي عبدالغني
للاسف الادارة قاعدة تكرر غلط الموسم الماضي لما تعاقدت مع الشربيني وفوزي لاعبين في نفس المركز مااحد سوا هالحركة في التاريخ

كنا لازم نخسر واحد منهم اما نلعب فوزي او الشربيني
يعني كنا نلعب بثلاث اجانب

مع احترامي لفوزي مو اللاعب اللي يشيل فريق
ولو انه لاعب اسيوي ممكن امشيها واقول الخيارات محدودة وهذا افضل السيئين

الادارة قاعدة تجيب لاعبين الاتحاد مو في حاجتهم
الاتحاد يحتاج عامود فقري للفريق

مدافع ( لو لاسمح الله اصيب اوس من عندك مدافع خبرة يعتمد عليه !!! )
محور ( تم التعاقد مع ليوناردو وان شاء الله يتوفق معنا )
صانع لعب ( لازم صانع لعب الاتحاد له فترة يعاني من هذه الخانة )
مهاجم ( اهم خانة يحتاجها الاتحاد )

لكن للاسف الادارة خربت التعاقدات ببقاء فوزي

الخلاصة


للاسف الادارة بقرار الابقاء على فوزي بالاضافة لقرار عدم التعاقد مع اللاعب الاسيوي
قاعدة تدمر الفريق

مااقول غير الله يستر على الاتحاد والله يوفقه دائما وابدا
اللهم امين